रोमियों 8:5 - Sirmouri

⁵ जुण्जे आदमी आप्णें पाप के सुभाव शे जीयों, सेजे आदमी आप्णा मंन, पापी सुभाव की बातों दा लाँव, परह् जुण्जा आदमी पबित्र-आत्त्मा के हिसाब शा जीयों, सेजा आदमी पबित्र-आत्त्मा की बातों दा आप्णा मंन लाँव।

सिरमौरी नौवाँ नियम

⁵ सैजै लोग जू पापी स्‍वभाव कै दवारा काबू कौरे जांव सैजै लोग पाप कै बातौ कै बारै मुंजी सुंचौए, पौरौ सैजै लोग जू पवित्र आत्मा कै दवारा चलाए जांव सै तिनु बातौ कै बारै मुंजी सुंचौ जू आत्मा कै खुश कौरौ।

रोमियों 8:5 ပူးပေါင်းရင်းမြစ်များ

मरकुस 8:33

परह् प्रभू यीशू तेख्णी पाछू फिरीयों चैले संत्त-पतरस की ढबे दे:खियों झिंड़कियों तेस्खे बुलो, “ओ शैतान, मेरी साम्णें शा दूरका ज़ा; किन्देंखे की तू पंणमिश्वर की बातो गाशी ने, परह् आदमी की बातो दा आप्णा मंन लाऐं।”

यूहन्ना 3:6

किन्देंखे के देह्-शरीर शा पय्दा हुवा अंदा, आदमी देह्-शरीर ही हों; परह् जुण्जा कुँऐ आत्त्मा शा पय्दा हों, से आत्त्मा असो।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 15:48

अरह् जेष्णाँ आगला आदमी माँटी का थिया, तेष्णें ही ईयों सईसारी के बादे लोग भे माँटी के असो; जेष्णाँ ओका आदमी स्वर्गो का थिया, तेष्णे ही सेजे भे असो, जू आत्त्मिक सर्गो के असो।

1 कुरिन्थियों 2:14

परह् बै-बिश्वाषी लोग पंणमिश्वर की आत्त्मा की बातो माँन्दें ने; किन्देंखे के सेजी बातो तिन के नंजरी दी बै-कार असो, अरह् ना तिनके सेजी बातो संम्झ आँदी किन्देंखे के सेजी बातो पबित्र-आत्त्मा की शक्त्ति शी ही सम्झ दी आँव।

2 कुरिन्थियों 10:3

किन्देंखे के जे आँमें देह्-शरीर शे चालो फिरह्, तबे भे देह्-शरीर के मुताबिक ने लड़्दे।

गलातियौं 5:17

किन्देंखे के देह्-शरीर की बुरी हिछा पबित्र-आत्त्मा का बिरोध करह्; अरह् पबित्र-आत्त्मा देह्-शरीर की बुरी हिछा का बिरोध करह्; अरह् ऐ ओका ओकी के बिरोधी असो, ईन्देंखे के तुँऐं जुण्जो कर्णो चहाँव, सेजो करीने सक्दें।

इफिसियों 5:9

(किन्देंखे के त्तेज-प्रकाश का फल़ साँत्त-भाती भलाई, अरह् धार्मिक्त्ता, अरह् सच्चाऐ असो),

2 पतरस 2:10

खास करियों तिनू जू अ-शुद्ध बुरी हिछ़यों पाछ़ी देह्-शरीर के मुँताबिक चाल्दे हंक-अधिकार भे बैकार जाँणों; से ढीठ, अरह् हठावणें असो, अरह् ऊँचे पद्-भार वाल़े, लोगों खे बुरो-भलो बुल्णों दे डर्दे ने,