रोमियों 8:39 - Sirmouri

³⁹ अरह् ना पताल़ौ की किऐं शक्त्ति, अरह् ना बादी संईसारी मुँझ्शी किऐ भे बात, आँमों पंणमिश्वर के पियारो शे जुण्जा अमाँरे प्रभू यीशू मसीया के जाँणें भेटी रूवा, तेसी पियार शे आँमों कुँऐं भे ज़ंई ने करी सक्दा।

सिरमौरी नौवाँ नियम

³⁹ ना गहराई औरौ ना पूरी दुनिया दै कुणजै चीज़ आमु पौरमेशवर कै तैसी प्यार शै जौई कौरे सौकौ, जू आमु प्रभु यीशु मसीह कै दवारा भैटी रौआ।

रोमियों 8:39 ပူးပေါင်းရင်းမြစ်များ

मत्ती 24:24

“किन्देखे के झूठें मसीया अरह् झूठे पंणमिश्वर की बरंम्बाणीं कर्णो वाल़े, खड़े हले, अरह् से असरदार चींन-नीशाँणी दे:खाले, जे ऐशो हलो, तअ चूणें-छाँटे अंदे भे भरमाँऐं ज़ाले।

यूहन्ना 16:27

बाबा आपु भे तुओं आरी प्यार करह्, किन्देंखे के तुऐं मुँह आरी प्यार करी थो; अरह् ऐजा भे बिश्वाष करी थुवा, के हाँव बाबा की ढबै शा आऐ रूवा।

यूहन्ना 17:26

मुँऐ तुओं तिनू गाशी पर्गट करी पाऐ, अरह् पर्गट करदा रंह्ऊँबा; के जेसी प्यार शो तुऐं मुँह आरी प्यार करी थों, तेष्णों ही प्यार तिन मुँझीं भे बंसी ज़ाँव, अरह् हाँव भे तिन दा बास करू।”

यूहन्ना 3:16

“किन्देंखे के पंण्मिश्वर ऐं संईसारी शो ऐत्रो प्यार करो, के तिन्ऐं आप्णा ऐक्लोत्ता बैटा देऐ दिता; किन्देंखे के जुण्जा कुँऐं तिनू गाशी बिश्वाष करला; से नाँष ने हों, परह् से अमर-जीवन पाँव।

रोमियों 1:7

तिनू सोभी के नाँव जू रोम दे पंणमिश्वर के प्यारे असो, अरह् पबित्र लोग बण्णों खे बय्दी थूऐ: अमाँरे परमं-पिता पंणमिश्वर अरह् प्रभू यीशू मसीया की ढबे शी तुँओं खे कृपा अरह् शाँण्त्ति भेट्दी रंह्।

रोमियों 11:33

आहा! पंणमिश्वर को धन, अरह् बुद्धी, ज्ञाँन का ही बड़िया असो! तिनके बिचार कैशे अथाऐं, अरह् तिनकी बाटो ऐत्री शुभाल़ी असो जिन्दें का किऐं बखाँण ने करा ज़ादा!

रोमियों 5:8

परह् पंणमिश्वर आँमों गाशी आप्णे पियार के भलाऐ ऐशी दाँई पर्गट करह्, के जबे आँमें पापी ही थिऐ, तबे ही मसीया अमाँरी ताँईऐं मरे।

रोमियों 6:23

किन्देंखे के पापो की मजदूरी तअ मंऊँत्त असो, परह् पंणमिश्वर का बर्दांण अमाँरे प्रभू यीशू मसीया दा अमर-जीवन असो।

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:35

कुँण ऐ जू आँमों मसीया के पियार शे ज़ई करदा? कियों कल़ेष, के कष्ट, के हारकुँण्जी, के काल़, के कंगाली, के खतरा, के तरवार?

2 कुरिन्थियों 11:3

पर हाँव डरूऐं के जैष्णी शंगाव ऐं आप्णी चलाकी शी हव्वा बकाऐ थी, तैष्णें ही तुवाँरे मंन तियों सच्चाई, अरह् पबित्रता शे जू मसीया की गईलो हऐ चेंई, तिन्दें शे भ्रष्ट ने करी दियों।

2 कुरिन्थियों 2:11

के शैतान का आँमों गाशी किऐ दाव-पैच ने चालो, किन्देंखे के आँमें तैस्के दाव-पैच शे अजाँण्दें ने आथी।

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

फिलिप्पियों 3:12

ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

फिलिप्पियों 3:3

किन्देंखे के खतना वाल़े तअ आँमें ही असो, जू पंण्मिश्वर की आत्त्मा के गुवाह्-शाज़्त्ति शी आरार्धना करह्, अरह् मसीया यीशू गाशी तारीफ करह्, अरह् आप्णी देह्-शरीर की बातो गाशी भूर्षा ने कर्दे।

फिलिप्पियों 3:8

ऐती ने, परह् हाँव आप्णें प्रभू मसीया यीशू पंह्छ़याँण्णों खे सोभी शा आछा फाय्दा जाँणू; अरह् ऐसी ज्ञाँन की बरा-बरी दी ऐक नाँम चींजो नुकसाँन ही जाँणू, तिनही के कारण मुँऐ हर ऐक च़ीज छ़ुड़ी दित्ती, अरह् सेजो सब-कुछ़ मुँऐ कुडा़-कर्क्ट जाँणों, जिन्दे लई मुँह मसीया भेटी सको;

2 थिस्सलुनीकियों 2:4

से आपु खे बादी चींजो शा बड़ा बंणदा, अरह् बिरूध करला, तिनका जू पंण्मिश्वर के आदर्णिऐं असो, अरह् से पंण्मिश्वर की देऊँठी दा बऐठियों आपु-आप्खे पंण्मिश्वर बुल्दा।

1 यूहन्ना 4:16

आँमें आप्णें बारे दो पंण्मिश्वर को पियार जाँणी पाँव, अरह् तिन्दा बिश्वाष भे करह्, के पंण्मिश्वर पियार असो; अरह् जुण्जा कुँऐं पियार का पाक्का अट्ल असो, से पंण्मिश्वर दा भे पक्का अट्ल बंणा अंदा रंह्दा।

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।

प्रकाशितवाक्य 12:9

तबे सेजा बड़ा पाँखों वाल़ा अजंगर मतल्व सेजा ही पुराँणा शंगाव जैस्खे इबलीस, मतल्व जेस्खे शैतान बुली, अरह् बादी संईसारी का भरंमाँणों वाल़ा थिया, तेसी तेस्के दूत्तों आरी ऊदा धर्ती गाशी फेरकाऐयों पट्की दिता।

प्रकाशितवाक्य 13:14

तिनू चींन-नसाँणी के जाँणें, जिनू तेथू बुणेंरों के जिऐ देखाणों का हंक-अधिकार थिया सेजा तेथ्खे दिया गुवा, से धर्ती दे रंहणों वाल़े भरमाँव थिया, अरह् धर्ती दे रंहणों वाल़े खे बुलो थिया, के जेसी बुणेंरो दी तरवारो की लागी रंऐ थी, सेजो ऊबो जीऊँदो हऐ रूवो, तेथ्की मुर्ती बाँणों।

प्रकाशितवाक्य 19:20

सेजो बुँणेंर, अरह् तेस्की गईलो सेजे झूठे ऋषी, थाँम्बड़े गुवे, जेथू ऐ तेसके सहाँम्णें संईसारी दी ऐशी चींन-नींषाणीं देखाऐ थी, जिन्दे के जाँणें तेने तिनू भरंमाँऐं-दुरंताँऐ जिनू गाशी तेथू बईच़ीं की छाप-मुँहर थी, अरह् जुण्जे तेथू बुँणेर की पूजा करह् थिऐ। तिनू जीऊँदे ही तियों आगी की झील नंरक दे, जू गंन्धक शी जल़्दी रंह्, तिनू बादे तिन्दें पाऐ गुऐ।

प्रकाशितवाक्य 2:24

परह् तुँऐं थुआतीरा के ओकी लोगो खे, जैतोड़े ईयों शिक्क्षा ने माँन्दे; अरह् सेजी बातो जिन्देंखे शैतान की गह्ईरी बातो बुली, से ऐजो जाँण्दें ने के हाँव तुँओं खे ऐजो बुलू, के हाँव तुँओं गाशी किऐं ओका भार-बोझ़ ने पाँदी।

प्रकाशितवाक्य 20:3

तबे स्वर्गदूत्त ऐं तेसी अथाह् कुँड दा पाऐयों बंद करी दिता, अरह् तिन्दें गाशी सील-मुँहर लाऐ दिती, के से हजार साल्ह के पुरे हंणों तोड़ी जात्ती-जात्ती के लोग हजो ने भरमाँव-दुरताँव। परह् ईन्दें पाछी ऐगड़ी किऐ बख्त्तों खे तेसी जरूर छ़ुड़ी देंईदा।

प्रकाशितवाक्य 20:7

जबे हजार साल्ह पुरी हऐ ज़ाली, तबे शैतान कय्दी शा छुड़ी दिया ज़ाला।