रोमियों 8:37 - Sirmouri

³⁷ परह् ईनू बादी बातो दे आँमें तेसके जाँणें जिन्ऐं आँमों शो पियाँर करी थो; जिनके जाँणें आँमें ऐक शुभाल़ी-जींत्त दे जीत्त्दें लागे।

सिरमौरी नौवाँ नियम

³⁷ पौरौ इनु सौबी बुरी बातौ दै आमु तैसकै दवारा जैणै आमुआरी प्यार कौरा, जीत पूरी तरह शै अमारै औसौ।

रोमियों 8:37 ပူးပေါင်းရင်းမြစ်များ

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

रोमियों 8:35

कुँण ऐ जू आँमों मसीया के पियार शे ज़ई करदा? कियों कल़ेष, के कष्ट, के हारकुँण्जी, के काल़, के कंगाली, के खतरा, के तरवार?

1 कुरिन्थियों 15:54

अरह् जबे ऐजी नाँष बाँन देह्-शरीर अभिनाँषी देह्-शरीर धारण करी पाली, अरह् जबे ऐजी मंर्णों वाल़ी देह्-शरीर अमर हंणों वाल़ी देह्-शरीर धारी पाली, तअ सेजा बचन जू पबित्र-ग्रन्थों दा लिखी, थुवा से पुरा हऐ ज़ाँदा: “जींवन ऐं मंऊँत्त भे घुटी पाँऐ।

1 कुरिन्थियों 15:57

परह् पंणमिश्वर का धन्यबाद हों, जू अमाँरे प्रभू यीशू मसीया के जाँणें आँमों जींताँव भेटा।

2 कुरिन्थियों 12:19

तुँऐं हेभी तोड़ी समझी रूऐ हले, के आँमें तुँओं कैई सफाऐ देऐ लऐ। आँमें तअ पंण्मिश्वर हाजिर जाँणिंयों मसीया दो बुलो; अरह् हे प्यारे, भाऐ बंईणों बादी बातो तुँवारी ही बड़ोत्री खे करह्।

2 कुरिन्थियों 12:9

परह् प्रभू ऐ मुँखे बुलो, “मेरी कृपा ताँव्खे बैजाऐ असो; किन्देंखे के तुवाँरी कंमजूरी दे ही मेरी शक्त्ति पुरे रूप शी पर्गट हों;” ईन्देंखे हाँव बड़े आँनन्द शी आप्णी कंमजूरी गाशी घमन्ड करूबा; के मसीया की शक्त्ति मुँह गाशी छया कर्दी रंह्।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

गलातियौं 2:20

किन्देंखे के मुँह मसीया की गईलो शुँल़ी-फ़ाँशी चड़ाया गुआ, परह् ऐबे हाँव जीऊँदी ने आथी, परह् मसीया मुँह्दें जीऊँदी असो; अरह् हाँव देह्-शरीर दा ऐबे जू जीऊँदा असो, तअ सिर्फ तेसी बिश्वाष दा जीऊँदा असो; जू पंण्मिश्वर के बैटे गाशी असो, जिन्ऐं मुँह शो पियार करह्; अरह् मेरी ताँईऐं आप्णी जीयाँन दिती।

इफिसियों 5:2

प्यार की बाटो दे चालो, जेष्णों मसीया ऐ तुँओं आरी प्यार कोरो, अरह् आच्छ़ी खुष्बू बणियों आपु अमाँरी ताँईऐं पंण्मिश्वर के साम्णिऐं भेंट बंणियों बल़ीदाँण करी दियों।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

1 यूहन्ना 4:10

पियार किऐ चींज ने आथी; पियार हों ऐ: पंण्मिश्वर आँमों शो पियार के जाँणें आप्णा बैटा अमाँरे पापों की पसतावे खे कुरबाँण बल़ी कराँणों खे डियाल़े—तिनू ईन्देंखे ने डियाल़ी, के आँमें पंण्मिश्वर शो पियार करी थो।

1 यूहन्ना 4:19

आँमों दा पियार-भाव ईन्देंखे असो; के आगे तिन्ऐं आँमों आरी पियार करी थो।

1 यूहन्ना 4:4

हे प्यारे नहाँन्ड़िया, तुँऐं पंण्मिश्वर के असो, झूठे ऋषी तुँऐं हराऐ पाऐ; किन्देंखे के जुण्जा तुओं दा बास करह्, से तैच़्छ़ा बड़ा असो; जुण्जा संईसारी दा असो।

यहूदा 1:24

ऐबे: जुण्जा तुँओं ठूकर लागणों अरह् रिड़णों शे बंचाऐ सको, अरह् आप्णी बड़ियाई के साम्णें खुशी-आँनन्द मंनाऐयों तुवों नीरदोष बंणाँणों ज़ूगा हों,

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 12:11

से छ़ैल़्टे के लह्ऊँ, के कारण अरह् आप्णीं गुवाऐ-शाज़्त्त के बचन के कारण तिन्ऐं शैतान गाशी जींत्त पाऐ; किन्देंखे के तिन्ऐ आप्णें जीवन को प्यार छ़ुड़यों मंऊँत्ती का सू-स्वागत्त करा।

प्रकाशितवाक्य 17:14

से छैल़्टे आरी लड़्दे, परह् छैल़्टा तिन शा जींत्ती ज़ाँदा, किन्देंखे के से प्रभूओं का प्रभू, अरह् राजाओं का राजा असो, अरह् जू बईदे अंदे, अरह् चूणें-छाँटे अंदे अरह् बिश्वाषी असो, से तेस्की गईलो असो; से भे राज्य पाँदें।”

प्रकाशितवाक्य 21:7

जुण्जा जींत्ती ज़ाला से ही ईनू चींजों का हंकदार हंदा, हाँव तेस्का पंण्मिश्वर हंदा; अरह् से मेरी अलाद हंदी।

प्रकाशितवाक्य 3:9

देख! हाँव शैतान के सेजे खूम्ल़ाईच़ु तेरे बष दे करी देऊँबा, जू आपु खे यहूदी हऐयों, परह् से यहूदी ने आथी, परह् झुट्ठों बुलो देख, हाँव ऐशो करूबा के से आऐयों तेरे लातों गाशी पड़ले, अरह् ऐजो जाँणीं पाले के मुँऐं ताँव आरी प्यार करी थुवो।