रोमियों 8:26 - Sirmouri

²⁶ तेष्णें ही दाँई, पबित्र-आत्त्मा भे अमाँरी कंमजूरी दे साहेता करह्: किन्देंखे के आँमें ने जाँण्दे, के प्रार्थना केशी दाँई कर्णी पड़ो, परह् पबित्र-आत्त्मा आपू ही ऐशी घिणों लाऐ-लाऐयों, जिन्देकी किऐ बुल्णी ने हंदी, से अमाँरी ताईऐं अरज करह्;

सिरमौरी नौवाँ नियम

²⁶ ऐशैखैई पवित्र आत्मा बै अमारै मौदद कौरौ जोबै पौरमेशवर दा अमारा भोरोशा कमजोर औसौ, जिथुकै आमै ना जाणु कै, प्रार्थना कैशैखै कौरणी चैंई; पौरौ पवित्र आत्मा आपी ही ऐशणी शुशकार भोरेयौ अमारै खातिर बिन्ती कौरौ जू ब्‍याँ कौरणौ शै बायरै औसौ,

रोमियों 8:26 ပူးပေါင်းရင်းမြစ်များ

मत्ती 10:20

किन्देखे के बुल्णों वाल़े, तुँऐं ने, परह् तुवाँरे स्वर्गो के पिता के आत्त्मा तुवाँरे जाँणें शब्द बुल्दा।”

मत्ती 20:22

प्रभू यीशू ऐ तियों खे जबाब दिता, “तुँऐं ने जाँण्दी के तुँऐं का माँगी लों। जुण्जा दुख मेरे सहंणाँ कियों तुँऐं संह्ऐंन करी पाँदे?” तिनिऐं तिन्खे बुलो, पिं-पाँदे

लूका 22:44

प्रभू यीशू बैजाऐ कष्ट अरह् दुख्ह शे तड़्फी रूऐ थिऐ, परह् तबे भे से दिल-जाँन शे प्रार्थना कर्दे रूऐ; अरह् “ऐत्रें ज़ूगे के तिनकी माँथै शी गर्मी के बड़े-बड़े लंह्ऊँ के जिऐ टिपू धनियों धर्ती गाशी पड़्दे लागे।”

यूहन्ना 14:16

हाँव बाबा कैई ऐजी अरज़ करूबा, अरह् से तुँओं खे ऐक मदत्तगार देला, जुण्जा संदा काल तोड़ी तुवाँरी गईलो रंह्ला।

रोमियों 15:1

तअ: आँमों पाके बिश्वाषी खे ऐशो चेंई, के जुण्जें बिश्वाष दे कंंमजोर असो, आँमें तिन्की कंमजूरी सह्ऐन करह्, ना के आपु-आप्खे खुशी करह्।

रोमियों 7:24

हाँव केष्णा निरभाग आदमी असो! मुँह ईयों मंऊती की बंन्धण दी रंहणों वाल़ी देह्-शरीर शा कुँण छुड़ोंदा?

रोमियों 8:15

किन्देंखे के तुँओं खे गुलामी की आत्त्मा ने भेंटी रंंई, के हजो भे डरियों रंह्, परह् आँमों खे गोद् लुऐं गुऐ बैटे की आत्त्मा भेटी रंऐ, जिन्दे के सहाँरे आँमें हे अब्बा, हे बाबा, बुलियों पुकारो।

2 कुरिन्थियों 5:2

तअ: जाँव तोड़ी आँमें ऐसी घर दे असो, ताँव-तोड़ी रूदे लेल्याँदें रंह्, अरह् ऐजो चहाँव के आप्णें स्वर्गो के घर दे ज़ाँऐयों बंसुबे।

2 कुरिन्थियों 5:4

अरह् आँमें ऐसी डेरे दे रंह्ऐयों बोझ़ दे दब्बे रह्ऐयों रूदे रंह्, आँमें ऐसी खुल्णा ने चहाँदे, अरह् हजो ओका नुवा बाँम्णा चहाँव; जू ऐजा मरहण हार असो, से जीवन दा डुब्बी ज़ाँव।

गलातियौं 4:6

अरह् तबे तुँऐं जू पंण्मिश्वर के बैटे असो, ईन्देंखे पंण्मिश्वर ऐ तुवाँरे सासो दी बैटे की आत्त्मा देऐ थऐ; जू तुँऐं “हे अब्बा, हे बाबा” करियों बुली सको।

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

इफिसियों 6:18

हर बख्ते, अरह् हर ढंग शे पबित्र-आत्त्मा दी प्रार्थना, अरह् बिन्त्ती कर्दे रंह्, अरह् ईन्देंखे बीऊँजी रंह्ं, के बादे पबित्र लोगो खे लगातार बिन्त्ती, करिया करह्,

इब्रानियों 4:15

किन्देंखे के अमाँरा ऐष्णा महाँ-याजक ने आथी, जू अमाँरी कंमजूरी दा अमाँरी गईलो सुखो-दुखो का साथी ने बंणों; मतल्व से बादी बातो दा आँमों जेष्णाँ परखा-अजमाँया गुआ, तबे भे से बै-कसूर नींक्ल़ा।

इब्रानियों 5:2

तेस्दी बै-संह्झ़ों, अरह् भूले-भट्के की गंईलो, नंरमाँई का बरताव कर्णो के तागत्त हों, किन्देंखे के से आपु भे आदमी की कंमजूरी शा घीरा अंदा असो।

याकूब 4:3

तुँऐं माँगो तअ असो ऐ, परह् तुँओं भेंट्दो ने, परह् तुँऐं आछ़ै काँम-काज़ कर्णो खे ने माँगदे, किन्देंखे के तुँऐं तेथू आप्णे भोग-बोलास दो ऊड़ाणों चहाँव।