रोमियों 8:16 - Sirmouri

¹⁶ पबित्र-आत्त्मा आपु ही अमाँरी आत्त्मा आरी गुवाऐ-शाज़्त दियों, के सत्तिखे आँमें पंणमिश्वर के अलाद असो।

सिरमौरी नौवाँ नियम

¹⁶ पौरमेशवर का पवित्र आत्मा आपी अमारी आत्मा कै साथै गवाही दैंव, कै आमै पौरमेशवर कै नानड़िया औसौ।

रोमियों 8:16 ပူးပေါင်းရင်းမြစ်များ

मत्ती 5:9

भागोईत असो! सेजे जू मेल-मिलाप शाँण्त्ति कराणों वाल़े असो, किन्देंखे के तिन्खे पंणमिश्वर के अलाद बुल्दी।

लूका 20:36

किन्दें खे के सेजे लोग हजो कंद्दी ने मंर्दी; अरह् से स्वर्गोदूत्त के जैष्णें हंऐ ज़ाँव; अरह् से तबे पंण्मिश्वर के अलाद अरह् बारीस बंणी ज़ाँव।

यूहन्ना 1:12

परह् जै-तोड़े लोगे ऐं तिनू धारण करे, मतल्व तिन के नाँव दा बिश्वाष करा; तिनू सोभी लोगों खे तिन्ऐ पंण्मिश्वर के अलाद बंण्णों का हंक-अधिकार दिता।

प्रेरितो कै काम 5:32

ईयों बातो के गुवाह्-शाज़्त्त आँमें असो, अरह् पबित्र-आत्त्मा असो; जियों पबित्र-आत्त्मा पंण्मिश्वर ऐ तिनू लोगों खे देऐ थऐ, जुण्जे तिनकी अज्ञाँ का पाल़्ण करह्।”

रोमियों 8:14

ईन्देंखे के जै-तोड़े लोग पंणमिश्वर की आत्त्मा के जाँणें चालाऐ ज़ाँव, सेजे ही पंणमिश्वर के अलाद असो।

रोमियों 8:19

किन्देंखे के बादी संईसारिऐं बेजाऐ भूर्षे की नंजर शी पंणमिश्वर की अलाद पर्गट हंणों की बाट जुई लई।

रोमियों 8:23

अरह् सिर्फ सेही ने, परह् आँमें भे जिन कैई पबित्र-आत्त्मा का आगला फल़ असो, आँमें भे सासो ऊदे ही सीटो; अरह् गोद् लणों की, मतल्व आप्णी देह्-शरीर के छुट्कारे की बाट जुओं।

रोमियों 8:26

तेष्णें ही दाँई, पबित्र-आत्त्मा भे अमाँरी कंमजूरी दे साहेता करह्: किन्देंखे के आँमें ने जाँण्दे, के प्रार्थना केशी दाँई कर्णी पड़ो, परह् पबित्र-आत्त्मा आपू ही ऐशी घिणों लाऐ-लाऐयों, जिन्देकी किऐ बुल्णी ने हंदी, से अमाँरी ताईऐं अरज करह्;

रोमियों 9:26

अरह् ऐशो हलो, के जेसी जागे दो तिनखे ऐजो बुलो थियों, के तुँऐं मेरी परजा ने आथी, तेसी ही जागे दे, तिनखे जीऊँदे पंणमिश्वर के अलाद बुली ज़ाली।”

रोमियों 9:8

ईन्दें का मतल्व ऐजा असो, के देह्-शरीर की अलाद पंणमिश्वर के अलाद ने; परह् जुण्जे पंणमिश्वर के बाय्दे के मुँताबिक पय्दा हऐ रूऐ; सेजे ही अब्राहम के बंष के अलाद माँमी ज़ाँव।

2 कुरिन्थियों 1:12

किन्देंखे के आँमें आप्णे बिचारो के गुवाऐ-शाज़्त गाशी तारीफ करह्, के संईसारी दे प्रभू यीशू के जाँणें तुवाँरे बिचो दा, अमाँरा चाल-चल्ण पंण्मिश्वर ज़ूगा ऐशा पबित्र अरह् सच्चाई आरी थिया, जू देह्-शरीर की अज्ञाँ शा ने परह् पंण्मिश्वर की कृपा आरी थिया।

2 कुरिन्थियों 1:22

जिन्ऐं आँमों गाशी छाप-मुँहर लाऐ थऐ, अरह् जाँमनी खे पबित्र-आत्त्मा अमाँरे सासो दी देऐ थऐ।

2 कुरिन्थियों 5:5

जिन्ऐं आँमों ईयों बातो खे तियार करी थुऐ, से पंण्मिश्वर ही असो, जिन्ऐं बयाने दी आँमों खे पबित्र-आत्त्मा देऐ थऐ;

2 कुरिन्थियों 6:18

अरह् हाँव तुवाँरा परमं-पिता पंण्मिश्वर हंदा, अरह् तुँऐं मेरे बैटे अरह् बैटी हंदी। ऐजा सर्वशक्त्तिमाँन प्रभू पंण्मिश्वर का बचन असो।”

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

गलातियौं 4:6

अरह् तबे तुँऐं जू पंण्मिश्वर के बैटे असो, ईन्देंखे पंण्मिश्वर ऐ तुवाँरे सासो दी बैटे की आत्त्मा देऐ थऐ; जू तुँऐं “हे अब्बा, हे बाबा” करियों बुली सको।

इफिसियों 1:13

तुँऐं सच्चाई का बचन मतल्व आप्णी मुँक्त्ति की खुषख्बरी शुँणियों मसीया दा बिश्वाष किया अरह् तुँओं गाशी तियों पबित्र-आत्त्मा के मूँहर-छाप लागी गऐ, जिन्दे का बाय्दा तिन्ऐं करी थुवा थिया।

इफिसियों 4:30

पंण्मिश्वर की पबित्र-आत्त्मा दु:खी ने करे, जिन्दे लई तुँओं गाशी छुट्कारे के देसो खे छाप लाऐ थई।

1 यूहन्ना 3:1

बिचार करह्, के कैत्रा गऐरा पियार परंम-पिता पंण्मिश्वर आँमों आरी करह्, जिन्दें का कुँऐ भे किऐ पता नें लाऐ पाँदा, खास करियों संईसारी के लोगों कैई पंण्मिश्वर की पछ़याँण ने आथी; ईन्देंखे के से आँमों भे पंछ़याँण्दी ने, के आँमें तिनकी अलाद असो।

1 यूहन्ना 3:10

पंण्मिश्वर की अलाद अरह् शैतान की अलाद के पछ़याण ईन्दें लई हों; के कुँऐं भे आदमी, जैस्का जीवन धार्मिक ने आथी, अरह् से आप्णें भाई-बंईणीं आरी पियार ने करदा सेजा आदमी पंण्मिश्वर का जंण ने आथी।

1 यूहन्ना 3:2

हे प्यारों, ऐबे आँमें पंण्मिश्वर की अलाद असो, अरह् हेबी तोड़ी ऐजो पर्गट ने हऐ रई, के आँमें आँणों वाल़े बख्तो दे का हंदे! परह् आँमें ऐजो जाँणों ऐ, के जबे से पर्गट हले, तअ आँमें भे तिनके जिऐं हंदे, किन्देंखे के तिनू आँमें तैष्णें ही दे:ख्दे जैष्णें से असो ऐ।

1 यूहन्ना 4:13

ईन्दें लई ऐजो जाणी ज़ाँव के आँमें तिन्दा अरह् से आँमों दा बास करह्; किन्देंखे के तिन्ऐं आप्णी आत्त्मा आँमों खे देऐ थऐ।

1 यूहन्ना 5:10

जुण्जा कुँऐं पंण्मिश्वर के बैटे गाशी बिश्वाष करह्, तैस्दी ऐजी गुवाऐ-शाज़्त तैस्के सासो भीत्री चुप्पी हों, अरह् जैस्का बिश्वाष पंण्मिश्वर दा ने आथी, तेने तिनू झूठे बंणाँऐं दिते, किन्देंखे के तेने पंण्मिश्वर के सेजी गुवाऐ-शाज़्त जुण्जी तिन्ऐं आप्णें बैटे के बारे दी दिती थी, तियों गुवाऐ-शाज़्त गाशी तेने बिश्वाष ने करी।

प्रकाशितवाक्य 21:7

जुण्जा जींत्ती ज़ाला से ही ईनू चींजों का हंकदार हंदा, हाँव तेस्का पंण्मिश्वर हंदा; अरह् से मेरी अलाद हंदी।