रोमियों 8:11 - Sirmouri

¹¹ जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

सिरमौरी नौवाँ नियम

¹¹ औरौ जै पौरमेशवर कै आत्मा जैणै यीशु मसीह कै मौरेयौंदे मुंजीदा जियुंदी कौरे राखा तुऔं दा बौसेयौंदा औसौ, तौ जैणै मसीह कै मौरेयौंदे मुंजीदा जियुंदी कौरा, सै तोंवारै नाश हौणौवाल़ै शोरीर कै आपणै आत्मा कै दवारा जियुंदी कौरदा।

रोमियों 8:11 ပူးပေါင်းရင်းမြစ်များ

यूहन्ना 14:17

सच्चाई की आत्त्मा, जियों ईऐ संईसारी ऐ धारण ने करी; किन्देंखे के संईसारी ना तअ तियों देख्दे, अरह् ना तियों जाँण्दे; परह् तुँऐं तअ तियों जाँणों ऐ, किन्देंखे के से तुओं दा बास करह्; अरह् से तुओं दी हमेशा बंसी अंदी रंह्दी।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

प्रेरितो कै काम 2:24

परह् पंण्मिश्वर ऐ, तीनू मंऊँत्ती की बैद्णीं शे छुड़ोऐयों पाछू ऊँबे जियाँल़े; किन्देखे के ऐजो मुँष्किल थियों, के से मंऊँत्ती के बषं दे रंह्दे;

रोमियों 16:10

अरिस्तुबुलुस खे, जू मसीया दा साच्चा-पाका नींक्ल़ा, नमंष्कार। अरिस्तुबुलुस के घराने खे नमंष्कार।

रोमियों 16:3

बंईण प्रिस्का अरह् तियारा घरवाल़ा भाऐ अक्विला खे जू मसीया यीशू दे मेरे साजी असो, तिन्खे नमंष्कार।

रोमियों 16:7

अन्द्रुनीकुस अरह् यूनियास खे जू मेरे कुड़्बे के असो, अरह् मेरी गईलो कय्द हुऐ थिऐ, अरह् प्रभू यीशू के खास-चेलै मुझी माँने-गीणें असो, अरह् मुँह शे आगे मसीही बंणें थिऐ, नमंष्कार।

रोमियों 16:9

उरबानुस खे, जू मसीया दा अमाँरा साजी असो, अरह् मेरा प्यारा इस्तखुस खे नमंष्कार।

रोमियों 6:12

ईन्देंखे पाप तुँआरे नाँष बाँन देह्-शरीर गाशी राज ने करह्, जू तुँऐं पाप की हिछ़या के बंष दे कद्दी ने चालो;

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:12

ईन्देंखे हे भाऐ बंईणों, पाप के सुभाव का आँमों गाशी किऐ हंक-अधिकार ने आथी, आँमें तेसी पाप के सुभाव दे देसो ने काटूबे,

रोमियों 8:2

किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 15:16

जे मुँड़्दे जीऊँदें ने, तअ मसीया भे जीऊँदें हई ने;

1 कुरिन्थियों 6:14

पंणमिश्वरे आप्णी शक्त्ति लई सिर्फ प्रभू ही ने जियाल़ी, परह् से आँमों भे तियों ही शक्त्ति लई पाछु ऊबे जियाल़्दे।

2 कुरिन्थियों 4:11

किन्देंखे के आँमें जींन्दे जीऊँ सदा यीशू के जाँणें मंऊँती के हाथो दे दिऐ ज़ाँव, के यीशू का जीवन भी अमाँरे नाँष बाँन देह्-शरीर दा पर्गट हों।

2 कुरिन्थियों 4:14

किन्देंखे के आँमें जाँणों ऐ, के जिन्ऐं प्रभू यीशू जियाल़े, सेही आँमों भे प्रभू यीशू के साथी जाणियों ऊबे जियाल़्दे, अरह् तुँवारी गईलो आप्णें साम्णें हाजिर कर्दें।

2 कुरिन्थियों 5:4

अरह् आँमें ऐसी डेरे दे रंह्ऐयों बोझ़ दे दब्बे रह्ऐयों रूदे रंह्, आँमें ऐसी खुल्णा ने चहाँदे, अरह् हजो ओका नुवा बाँम्णा चहाँव; जू ऐजा मरहण हार असो, से जीवन दा डुब्बी ज़ाँव।

गलातियौं 6:8

किन्देंखे के जू कुँऐं आप्णी देह्-शरीर खे बोला, से आप्णी ही देह्-शरीर के नाँषो के शाख के कट्णी करला, अरह् जुण्जा आत्त्मा की खेच़ौ दो बोला से सदा का अमर-जीवन के शाख काट्ला।

इफिसियों 2:5

अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

फिलिप्पियों 3:21

से आप्णी शक्त्ति के तेसी असर के मुँताबिक शे जिन्दे के जाँणें, से बादी चींजो आप्णी बंष दी करी सको; अमाँरी नाँष बाँन देह्-शरीर का रूप बद्ल़ियों, आप्णी बड़ियाऐ की देह्-शरीर के जैष्णें बंणाऐं देंदे।

इब्रानियों 13:20

जिन्ऐं भैड़ो का सेजा बड़ा भैड़वाल़ा मतल्व अमाँरा प्रभू यीशू मसीया के हमेशा के वाचा को लह्ऊँ के कारण मँरे अंदे मुँझ्शे आँमों ऊबे जीयाल़े तेसी सदा के बाय्दे गाशी मुहर लाऐयों सेजा शाँण्त्ति का दाता पंण्मिश्वर ही असो,

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 11:11

साढ़े च़ींन देसो बित्त्णों गाशी, पंण्मिश्वर की ढबे शी जीवन की साँस तिन्दी बऐठी गऐ, अरह् तिनू जीवन के साँस शे भरे गुवे, से आप्णें लातो के सहारे खह्ड़े हऐ, अरह् तिनके देख्णों वाल़े बैजाऐ डरी गुऐ।