रोमियों 8:1 - Sirmouri

¹ तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

सिरमौरी नौवाँ नियम

¹ इयौं बौजैह शै ऐबै जू मसीह यीशु दै औसौ, तिनु पांदी सौजा कै आज्ञा ना आथी।

रोमियों 8:1 ပူးပေါင်းရင်းမြစ်များ

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 15:4

तुँऐं मुँह्दे पाक्कै बंणें अँदे रंह्, तअ हाँव तुँओं दा बसा अँदा रँह्ऊबा; किन्देंखे के जे बाली-शाँऐं डाल़ी दी ने जुड़ी अंदी रँह्दी, तअ तिन्दे किऐ भे फल़ ने लागी सक्दे; तेष्णें ही जे तुऐं भे मुँह्दे जुड़े अँदे ने रँह्, तअ तुओं दे भे किऐ फल़ ने लागी सँक्दे।

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

रोमियों 16:3

बंईण प्रिस्का अरह् तियारा घरवाल़ा भाऐ अक्विला खे जू मसीया यीशू दे मेरे साजी असो, तिन्खे नमंष्कार।

रोमियों 16:7

अन्द्रुनीकुस अरह् यूनियास खे जू मेरे कुड़्बे के असो, अरह् मेरी गईलो कय्द हुऐ थिऐ, अरह् प्रभू यीशू के खास-चेलै मुझी माँने-गीणें असो, अरह् मुँह शे आगे मसीही बंणें थिऐ, नमंष्कार।

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 5:16

किन्देंखे के ऐकी आदमी के अपराध अरह् पंणमिश्वर की कृपा ऐक-भाँत्ती ने आथी, ऐकी आदमी के अपराध के जाँणें पंणमिश्वर की सजा की अज्ञाँ का फंय्सला हुआ, परह् बैजाऐ अपराध हंणों पाछ़ी जुण्जी कृपा देऐ गऐ, तिन्दें लई आँमें बे-कसूर बंणी गुऐ।

रोमियों 7:17

तअ ऐष्णे हाल दा कर्णो वाल़ा हाँव ने आथी, परह् पाप असो, जू मुँदा बसा अंदा असो।

रोमियों 7:20

तअ: जे हाँव सेजो ही करू जिन्देके हिछ़या ने करदा, तअ कर्णो वाल़ा हाँव ने आथी, परह् पाप असो, जुण्जा मुँदा बसा अंदा असो।

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

रोमियों 8:14

ईन्देंखे के जै-तोड़े लोग पंणमिश्वर की आत्त्मा के जाँणें चालाऐ ज़ाँव, सेजे ही पंणमिश्वर के अलाद असो।

रोमियों 8:2

किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

रोमियों 8:39

अरह् ना पताल़ौ की किऐं शक्त्ति, अरह् ना बादी संईसारी मुँझ्शी किऐ भे बात, आँमों पंणमिश्वर के पियारो शे जुण्जा अमाँरे प्रभू यीशू मसीया के जाँणें भेटी रूवा, तेसी पियार शे आँमों कुँऐं भे ज़ंई ने करी सक्दा।

रोमियों 8:4

ईन्देंखे के ऋषी-मूसा खे भेटे गुऐं निय्म आँमों दे अमाँरे पापी सुभाव के मुताबिक ने, परह् पबित्र-आत्त्मा के मुताबिक चालो, से पुरी करी ज़ाँव।

रोमियों 8:9

जे पंणमिश्वर की आत्त्मा सत्तिखे तुँओं दा बास करह्, तअ तुँऐं आप्णें पाप वाल़े सुभाव के मुताबिक ने, परह् पबित्र-आत्त्मा के मुताबिक जींयों। अरह् जेसी आदमी दी मसीया की आत्त्मा ने बस्दी से मसीया का जंण ने आथी।

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

1 कुरिन्थियों 15:22

अरह् जेष्णें आदम दे बादे नाँष बाँन देह्-शरीर दे मरी ज़ाँव, तेष्णें ही आँमें आत्त्मिक देह्-शरीर दे मसीया आरी ऊबे भे जियाल़े ज़ाँदे।

2 कुरिन्थियों 12:2

हाँव मसीया का ऐक भगत्त जाँणू, जेसी च़ौऊँदो साल आगे च़ींज़ै स्वर्गो तोड़ी ऊबा टीपा गुवा; देह्-शरीर दा के बिना देह्-शरीर का; ऐजो हाँव ने जाँण्दा, परह् पंण्मिश्वर जाँणों।

2 कुरिन्थियों 5:17

ईन्देंखे के जे कुँऐं मसीया दा असो, तअ से नऐ सृष्टि असो: पुराँणी बातो ज़ाँदी रंई; दे:खो, बादी बातो नंई हऐ गई।

गलातियौं 3:13

मसीया ऐ जिन्ऐं अमाँरी निरभागऐता के अब्ल़ी आपु गाशी लऐयों, मूसा खे भेटे गुऐ अज्ञा-निय्म के रित्ती के निरभागऐता शे आँमों छुडाऐ दिते। किन्देंखे के पबित्र ग्रन्थो दो लिखी थो; के जुण्जा “काठो गाशी टाँगा गुवा, से निरभाग असो!”

गलातियौं 3:26

किन्देंखे के तुँऐं बादे तेसी बिश्वाष के जाँणें जू प्रभू यीशू मसीया गाशी असो; तुँऐं पंण्मिश्वर के नहाँन्ड़िया अलाद असो।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

गलातियौं 5:16

परह् हाँव बुलू, के जे तुँऐं पबित्र-आत्त्मा के मुताबिक चाल्लै, तअ तुँऐं देह्-शरीर की बुरी हिछा बिलकुल भे पुरी ने करी सक्दे।

गलातियौं 5:25

जे आँमें पबित्र-आत्त्मा के जाँणें जीऊँदे असो, तअ आँमें पबित्र-आत्त्मा के जाँणें चाले भे चेंई।

इफिसियों 1:1

इफिसुस नंगर के भगत्तों अरह् यीशू मसीया दे साच्चै बिश्वाषियों के नाँम संत्त-पौलुस के पत्री, जेसी पंण्मिश्वर की हिछ़्या शा प्रभू यीशू मसीया का खास-चैला बंणाँया गुवा:

फिलिप्पियों 3:9

अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।