रोमियों 7:7 - Sirmouri

⁷ तअ कियों ईन्दें का मतल्व ऐजा असो के कियों ऋषी-मूसा खे भेटे गुऐं निय्म पाप असो? बिल्कूल् ने! निय्म के बिना हाँव पाप पछ़याँण्दा ने: जे निय्म ने बुल्दा, के लाल़्च ने कंरे, तअ हाँव का जाँण्दा थिया के लाल़्च का असो।

सिरमौरी नौवाँ नियम

⁷ तौ आमै का बुलू? का नियम पाप औसौ? ना! बिल्कुल नी! बल्कि नियम कै दवारा हांव पाप कै जाणै सौकु। मोऐं जाणौ कै लालच कौरणा पाप औसौ जिथुकै नियम ऐजौ बौतांव, “कै लालच नी कौर” तौ हांव ऐजौ जाणै ना पांदा कै लालच कौरणा गौलत औसौ।

रोमियों 7:7 ပူးပေါင်းရင်းမြစ်များ

मत्ती 5:28

परह् हाँव तुँओं खे ऐजो बुलू, के जे कुँऐं कोसी तिरोंई गाशी ऐई भे बुरी नंजर थह्ला, तअ तेने आप्णें मंन शी तियों आरी चोरी-जारी करी पाऐ।

लूका 12:15

तबे प्रभू यीशू ऐ लोगो खे बुलो, “च़ौक्क्ष रूऐ! ऐक नाँम लोभ-लाल़्च शे बंच्चै; किन्देंखे के कोसी कैई भाँव कैत्ती भे धन-संम्पत्ति हली, तबे भे तैस्के जीवन की कंम्मी तियों धन-संम्पत्ति लंई पुरी ने हंदी।”

लूका 20:16

ईन्दें खे सेजा माँलिक आऐयों तिनू जिम्दार माँरी देला, अरह् सेजो अंगूरोह् को खैच़ कोसी ओकी खे अदयाल़ी मुँझी देऐ देला।” ऐजो शुँणियों तिन्ऐं बुलो, के “पंण्मिश्वर ऐष्णों कंद्दी ने करह्।”

प्रेरितो कै काम 20:33

मुँऐ कद्दी भे कोसी के सुन्नें के चाँदी के खोट्णों का लोभ-लाल़्च ने करी थंई।

रोमियों 13:9

किन्देंखे के ऐजो के “चोरी-जारी ने करे, हत्त्या ने करे, चोरी ने करे, लाल़्च ने करे,” अरह् ईन्दें के सुवाऐ ओकी कुँऐं भे अज्ञाँ हों, तअ ईन्दें का बादा नींच़ौड़ ईयों बातो दा पाया ज़ाँव, के “आप्णें पड़ोसी आरी आपु जेष्णों पियार थुऐ।”

रोमियों 3:20

किन्देंखे के ऋषी-मूसा खे भेटे गुऐं निय्म के पाल़्ण कर्णो शे कुँऐं भे आदमी पंणमिश्वर की नंजरी दा बै-कसूर ने बंणी सक्दा। ईन्देखे के निय्म के जाँणें पाप की पह्‌छ़याण हों।

रोमियों 3:5

ईन्देंखे जे अमाँरा पाप पंणमिश्वर के धार्मिक्त्ता दे:खाव, तअ मुँऐं आदमी के हिसाब शो बुली लो, के पंणमिश्वर अनियाँऐं कर्दें ने, जबे से आँमों खे सजा दियो?

रोमियों 4:1

ईन्देंखे आँमें का बुलो, के अमाँरा कुल़ का पुराँणियाँ अब्राहम के बारे दो का बुलो?

रोमियों 4:15

ऋषी-मूसा खे भेटे गुऐं निय्म का नंतीजा पंणमिश्वर का कोप असो; किन्देंखे के लोग तेस्के निय्म का पाल़्ण ना कर्णो लई, पंणमिश्वर की सजा ज़ुगे बंणों; परह् जेथै निय्म ने आथी तेथै अपराध भे आथी ने।

रोमियों 5:20

ऋषी-मूसा खे भेटे गुऐं निय्म बीचो दे आऐ गुऐ, जू अपराध बेजाऐ हों, परह् जेथै पाप बेजाऐ हुआ, तेथै कृपा तिन्दें शी भे बेजाऐ हऐ,

रोमियों 6:15

तअ का हुओं? कियो आँमें ईन्देंखे पाप करह्, के आँमें ऋषी-मूसा खे भेटे गुऐ निय्मो के बंष दे ने, परह् कृपा के बंष दे असो? बिल्कूल् ने!

रोमियों 7:11

किन्देंखे के पाप ऐ मोंक्का दे:खियों अज्ञाँ के जाँणें मुँह बह्काया, अरह् तियों ही अज्ञाँ के जाँणें मुँह पंणमिश्वर की नंजरी शा दुरका भे करी दिता।

रोमियों 7:13

तअ कियो सेजी जू बेगे-आच्छ़ी अज्ञाँ असो, कियों सेजी अज्ञाँ मुँह पंणमिश्वर शा दुरका करह्? बिल्कुल् ने! परह् पापे तियों आच्छ़ी चिजो के जाँणें मुँह पंणमिश्वर की अज्ञाँ शा दुरका कर्णो का जाँणें बंणा। ऐशो दाँई पाप का असली रूप पर्गट हुवा, अरह् से अज्ञाँ के जाँणें बेजाऐ भहिती पापी बणीं।

रोमियों 7:5

किन्देंखे के जबे आँमें आप्णें मंन की बुरी हिछ़ा के मुताबिक जीऊँदें लागे थिऐ, तअ पाप की हिछ़या जू ऋषी-मूसा खे भेटे गुऐ निय्म के जाँणें आऐ रंऐ थी, मऊँती का फल़ पय्दा कर्णो खे अमाँरे देह्-शरीर के अंगों दी काँम-काज़ करह् थी।

रोमियों 7:8

परह् पाप दा मोंक्का दे:खियों अज्ञाँ के जाँणें मुँदा साँत-भाँता लाल़्च पय्दा करा, किन्देंखे के ऋषी-मूसा खे भेटे गुऐ निय्मो के बिना पाप मंरा अंदा असो।

1 कुरिन्थियों 15:56

मंऊँती का डंक पाप असो, अरह् पाप के तागत ऋषी-मूसा खे भेटे गुऐ, अज्ञाँ-निय्म असो।

इफिसियों 5:3

जेष्णें के पबित्र लोग हुऐ चैई, तुवाँरे बिचो दे किऐ भे च़ूरीजारी ने हंऐ चैंई, अरह् ना किऐ अशुद्ध काँम-काज़, अरह् ना किऐ लोभ-लाल़्च, के बात तक ने हऐ च़ैई;

कुलुस्सियों 3:5

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

1 थिस्सलुनीकियों 4:5

अरह् ऐजे काँम लाल़्च शे ने, अरह् ना तिनू गऐर यहूदी जेष्णें जू पंण्मिश्वर ने जाँण्दी,

इब्रानियों 7:19

(ईन्देंखे के ऋषी-मूसा खे भेटे गुऐ अज्ञाँ-निय्म दी कुँण्जी ही भे बात सीद्ध ने करी) अरह् तिन्देंके जागा दा ऐक ऐशा आच्छ़ा-शुँद्ध भूर्षा थुवा गुवा, जिन्दें लंई आँमें पंण्मिश्वर के नंजीक ज़ाऐ सको।