रोमियों 7:18 - Sirmouri

¹⁸ किन्देंखे के हाँव जाँणु ऐ, के मुँदी मतल्व मेरी देह्-शरीर दी किऐ आच्छ़ी चीज बास ने कर्दी। आछे काँम-काज़ कर्णो की हिछ़या तअ मुँदी असो ऐ, परह् आच्छ़ी-भली काँम-काज़ मुँह शी हन्दीं ने।

सिरमौरी नौवाँ नियम

¹⁸ जिथुकै हांव जाणुए कै मुं दा औरौ मैरै पापमय आदमी कै स्‍वभाव दै कुणजै बै आछै चीज़ ना रौंव, भले काम कौरणौ कारिए इछा तौ मुं दै औसौए पौरौ तिनु हांव कौरे ना सौकु।

रोमियों 7:18 ပူးပေါင်းရင်းမြစ်များ

मत्ती 15:19

किन्देखे के आदमी के सासो-मंन शे बुरे बिचार, हंत्त्याऐं, अरह् पराई तिरोंई का लाल़्च, चोरी-जारी, चोरी, झूठी गवाही अरह् निदया, ऐजी बादी चींजो मंन शी ही पय्दा हों।

लूका 11:13

बुरे हंणों गाशी भे जे तुऐं आप्णे नहाँन्ड़िया खे आच्छ़ी चींजो देणी जाणों, तअ तबे कियों रे, तुवाँरा स्वर्गो का बाबा आप्णें माँगणों वाल़े खे पबित्र-आत्त्मा कैई ने देंदा?”

यूहन्ना 3:6

किन्देंखे के देह्-शरीर शा पय्दा हुवा अंदा, आदमी देह्-शरीर ही हों; परह् जुण्जा कुँऐ आत्त्मा शा पय्दा हों, से आत्त्मा असो।

रोमियों 13:14

परह् प्रभू यीशू मसीया धारण करह्, अरह् आप्णें पापी सुभाव की हिछ़या पुरी कर्णो की कोशिष ने करह्।

रोमियों 7:15

हाँव जू किऐ करू ऐ, तेथू जाँण्दा ने; किन्देंखे के जुण्जो हाँव कर्णो चहाँऊ, सेजो ने, परह् सेजो ही करू, जिन्दा हाँव शंगाँऊ ऐ।

रोमियों 7:19

किन्देंखे के जिनू आच्छ़ी-भली काँम-काज़ के हाँव हिछ़या करू, सेजो तअ करदा ने; परह् जिनू बुरे काँम-काज़ की हाँव हिछ़या ने करदा, सेजो ही करिया करू।

रोमियों 7:25

पंणमिश्वर ही छुड़ों दें, अमाँरे प्रभू यीशू मसीया के जाँणें; ईन्देंखे तिनका धन्यबाद हों। ईन्देंखे के हाँव आप्णी अंध्यात्त्मिक सोंच शा तअ पंणमिश्वर के निय्म का पाल़्ण करू, परह् मंन की हिछ़ा शी पाप के निय्म के सेवा करू।

रोमियों 7:5

किन्देंखे के जबे आँमें आप्णें मंन की बुरी हिछ़ा के मुताबिक जीऊँदें लागे थिऐ, तअ पाप की हिछ़या जू ऋषी-मूसा खे भेटे गुऐ निय्म के जाँणें आऐ रंऐ थी, मऊँती का फल़ पय्दा कर्णो खे अमाँरे देह्-शरीर के अंगों दी काँम-काज़ करह् थी।

गलातियौं 5:17

किन्देंखे के देह्-शरीर की बुरी हिछा पबित्र-आत्त्मा का बिरोध करह्; अरह् पबित्र-आत्त्मा देह्-शरीर की बुरी हिछा का बिरोध करह्; अरह् ऐ ओका ओकी के बिरोधी असो, ईन्देंखे के तुँऐं जुण्जो कर्णो चहाँव, सेजो करीने सक्दें।

गलातियौं 5:24

अरह् जू प्रभू यीशू मसीया के असो, तिन्ऐ देह्-शरीर की बुरी हिछा, अरह् तिन्दें के शोक, समेत शुँल़ी-फ़ाँशी चढ़ाऐ पाँव।

फिलिप्पियों 2:13

पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

फिलिप्पियों 3:12

ऐजा मतल्व ने आथी के मुँह् से भेटी रूऐ, के हाँव सिद्ध बंणीं गुवा; परह् हाँव तियों चींजो थाँमबड़णों खे दोऊँड़ी रूआ, जिन्दे की ताँईऐ मसीया यीशू ऐ मुँह थाँम्बड़ी थुवा।

तीतुस 3:3

किन्देंखे के आगे आँमें भे बै-अक्ले, अरह् अज्ञाँ ने माँनणों वाल़े थिऐ, धोखे अरह् ऊकी हिछ़या की सूख-विलास के कर्जदार थिऐ, बईर भाव, अरह् डाह-जल़ंन कर्णो दा जीवन बिताँव थिऐ, अरह् ओकी दे शंगाँव थिऐ, अरह् ओकी शो बईर करह् थिऐ।

1 पतरस 4:2

ईन्देंखे से हजो आदमी की बुरी हिछ़्या के मुताबिक ने, परह् पंणमिश्वर की आछ़ी हिछ़या के मुताबिक जीवन बिताँव।