रोमियों 6:4 - Sirmouri

⁴ आँमें यीशू मसीया की मऊँत्ती दे नहाँण-नहाँणों शो आँमें भे तिनू आरी ईन्देंखे दाबी थुऐ, के जेशे दाँई यीशू मसीया परमं-पिता पंणमिश्वर की बड़ियाऐ वाल़ी शक्त्ति शे मरे अंदे मुझ्शे ऊबे जीऐं, तेष्णें ही आँमें भे ऐक नुवा जीवन पाऐ थुवा।

सिरमौरी नौवाँ नियम

⁴ इथकारिए जोबै आमुए बपतिस्मा लौआ तौ ऐजौ ऐशै थियु जैशै आमु मसीह कै साथै मौरे गौवै औरौ तैसकै साथै दफनाए बै दियै। ताकि जैशैखै मसीह, पौरमेशवर पिता कै महिमा कै दवारा मौरेयौंदे मुंजीदा जियुंदी हौए गौआ, तैशैखैई आमै बै ऐक नौवें तरीकै शै जीवन जिंदै।

रोमियों 6:4 ပူးပေါင်းရင်းမြစ်များ

यूहन्ना 11:40

प्रभू यीशू ऐ तियों खे जबाब दिता, “कियों मुँऐं ताँव्खे ऐजो बुली ने थी, के जे तू बिश्वाष कर्लीं तअ पंण्मिश्वर की बड़ियाऐं देख्ली?”

यूहन्ना 2:11

प्रभू यीशू ऐ गलील के काना नंगर दा ऐजा आगला ही चींह्न-चंम्त्तकार देखाऐयों आप्णी बड़ियाऐ पर्गट करी। अरह् तिनके चैले ऐ तिन गाशी बिश्वाष करा।

प्रेरितो कै काम 2:24

परह् पंण्मिश्वर ऐ, तीनू मंऊँत्ती की बैद्णीं शे छुड़ोऐयों पाछू ऊँबे जियाँल़े; किन्देखे के ऐजो मुँष्किल थियों, के से मंऊँत्ती के बषं दे रंह्दे;

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

रोमियों 6:19

हाँव तुँआरी देह्-शरीर की कंमजूरी के जाँणें आदमी के हिसाब शो बुलू, के जेष्णें तुँऐं आप्णे अंग-पराँण कू-कर्म खे गाँन्दें अरह् कुकर्म के दास बंणाँऐयों दिते थिऐ, तेष्णें ही ऐबे आप्णे अंग-पराँण पंणमिश्वर की नंजरी दें सही माँन्णों ज़ूगै काँम-काज़ कर्णो खे आछे करियों देऐ तियों, तिन्दें लई तुँऐं पबित्र हंऐ ज़ाँव।

रोमियों 6:3

कियो तुँऐं जाँण्दे ने, कि आँमें बादे जिन्ऐं प्रभू यीशू मसीया दो नहाँण-नहाँऐं थो, तअ तिनकी मऊँत्ती दे भे भागी हुऐं;

रोमियों 6:8

ईन्देंखे के जे आँमें मसीया की गईलो मरी गुऐ, तअ अमाँरा ऐजा बिश्वाष असो, के तिनकी गईलो मरियों ऊबे भे जींऊँबे।

रोमियों 6:9

किन्देंखे के आँमें ऐजो जाँणों ऐ, के मसीया मरे अंदे मुँझ्शे ऊबे जींऐं अरह् से हजो ने मंर्दें; तिनू गाशी हजो मंऊँती का हंक ने हंन्दी।

रोमियों 7:6

परह् ऐबे आँमें जू ऋषी-मूसा खे भेटे गुऐ निय्म दे जक्ड़े आँदें थिऐ, तेसी बंधण शे आछ़ै करियों मुँक्त्ति पाऐयों मुँक्त्त हऐ गुऐ। ऐशे दाँई ऐबे आँमें पुराँणें लिखे आँदें निय्म के मुताबिक ने; परह् पबित्र-आत्त्मा के नुऐं निय्म के मुताबिक परमिश्वर की सेवा करी सको।

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

1 कुरिन्थियों 6:14

पंणमिश्वरे आप्णी शक्त्ति लई सिर्फ प्रभू ही ने जियाल़ी, परह् से आँमों भे तियों ही शक्त्ति लई पाछु ऊबे जियाल़्दे।

2 कुरिन्थियों 13:4

से तिनू कंमजूरी के कारण शुँल़ी-फ़ाँशी तअ चढ़ाऐ तअ गुऐ; तबे भी पंण्मिश्वर की शक्त्ति शे जीऊँदी असो। आँमें भे तिन्दें कंंमजोर असो, परह् पंण्मिश्वर की शक्त्ति शे जू तुँओं खे असो, तिनकी गईलो जींऊँबे।

2 कुरिन्थियों 5:17

ईन्देंखे के जे कुँऐं मसीया दा असो, तअ से नऐ सृष्टि असो: पुराँणी बातो ज़ाँदी रंई; दे:खो, बादी बातो नंई हऐ गई।

इफिसियों 4:17

ईदेखे हाँव ऐजो बुलू, अरह् प्रभू दी ढाल-अरज करू; के जैष्णें गऐर यहूदी लोग आप्णें मंन की बै-कार रिती गाशी चालो, तुँऐं हेबी शुबे हजो ऐष्णें ने चालो।

इफिसियों 5:8

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

कुलुस्सियों 3:10

अरह् नुऐं इंनसाँनिय्त धारण करी थऐ, जू आप्णे पय्दा कर्णो वाल़े के सरूप के मुँताबिक ज्ञाँन पाणों खे नुवाँ बंण्दा ज़ाँव।

कुलुस्सियों 4:1

हे माँलिकों, आप्णे-आप्णे दास की गईलो नियाँव अरह् ठीक-ठीक बर्ताव करह्; ऐजो सम्झियों के स्वर्ग दा तुँवाँरा भी ऐक माँलिक असो।

1 पतरस 3:21

ऐजो नहाँण-नहाँणों च़ीन असो, जू तुओं खे छूट्कारा असो; ऐसी नहाँणों का मतल्व देह्-शरीर को मोंल़ धुणों ने आथी; परह् शुद्ध मंन शा पंण्मिश्वर खे आपु आप्खे देणों असो, किन्दें खे के ऐजो नहाँण प्रभू यीशू मसीया के दुज़ाल़िऐ ऊबै जीऊँणों का प्रतिक असो।

1 यूहन्ना 2:6

जू कुँऐं ऐजो बुलो, के हाँव पंण्मिश्वर दा पाक्का असो, तअ तेसी प्रभू यीशू जैष्णाँ जीवन जीऊँणा पड़ो।