रोमियों 6:23 - Sirmouri

²³ किन्देंखे के पापो की मजदूरी तअ मंऊँत्त असो, परह् पंणमिश्वर का बर्दांण अमाँरे प्रभू यीशू मसीया दा अमर-जीवन असो।

सिरमौरी नौवाँ नियम

²³ जिथुकै पाप वाल़ै कामौ का नतीजा तौ मौत औसौ, पौरौ जू वरदान पौरमेशवर आमु दैंव, सै सौदा कै जिन्दगी औसौ जू अमारै प्रभु मसीह यीशु दै औसौ।

रोमियों 6:23 ပူးပေါင်းရင်းမြစ်များ

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

यूहन्ना 10:28

हाँव तिनखे अमर-जीवन देऊँ, अरह् से कद्दी भे नाँष ने हंदी; अरह् तिनू कुँऐं भे मेरी हाथों शी आगु ने करी-द्ड़ी सक्दा।

यूहन्ना 17:2

किन्देंखे के तुऐं आप्णें बैटे खे बादी जाँत्ती, अरह् बादे प्राँणीं गाशी हंक-अधिकार देऐ थुवा; के तुवाँरा बैटा ईनू सोभी खे अमर-जीवन दियों, जिनू तुऐं आप्णें बैटे के हाँथ दे देऐ थुऐ।

यूहन्ना 3:36

जुण्जा कुँऐ बैटे गाशी बिश्वाष करला, अमर-जीवन तेस्का असो; परह् जुण्जा कुँऐं बैटे गाशी बिश्वाष कंरदा भाजी ज़ाँव, तेसी अमर-जीवन ने भेंट्दी; परह् पंण्मिश्वर का रोंष तेसी गाशी बंणाँ अंदा रंह्दा।”

यूहन्ना 4:14

परह् जुण्जा कुँऐं मेरो दितो अंदो ऐजो जल पीला, तेसी हजो कोद्दी भे च़ीष ने लागदी; अरह् जुण्जों जल हाँव तेस्खे देऊँबा, सेजो जल तेस्दो फट्वाँणी जियों फाट्लो, जुण्जो हमेशा के अमर-जीवन खे बड़्दो रंह्लो।”

यूहन्ना 4:36

शाख्ह सह्लाणों वाल़े खे धियाड़ी भेट्‍दी, अरह् से सदा के अमर-जीवन खे शाख्ह सलाँव, परह् जैने शाख्ह कंट्ठी कराऐ लंऐ, सेजा जींम्दार बोंणों वाल़ा, अरह् शाख्ह सह्लाणों वाल़ा, ऐजे दुईन्नें मीलियों खुशी-आनन्द मंनाँव।

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

यूहन्ना 6:27

नाँष बाँन भोजन खे ने, परह् तेसी भोजन खे मेंह्नत्त करह्, जुण्जा सदा खे अमर-जीवन तोड़ी रंह्; जुण्जा जीवन आदमी का बैटा तुओं खे देला, किन्देंखे के बाबा, मतल्व परंम-पिता पंण्मिश्वर ऐं आप्णी ही हिछ़या आरी, सिर्फ तेस्खे ही सेजा हंक-अधिकार देऐ थुवा।”

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

यूहन्ना 6:68

शमौन संत्त-पतरस ऐ प्रभू यीशू खे जबाब दिता, “हे प्रभू! आँमें कोसी कैई ज़ाँव? किन्देंखे के तुओं कैई अमर-जीवन के बचन असो।

रोमियों 1:32

सेजे लोग पंणमिश्वर की धार्मिक बिधी आछ़ी-भली जाँणों थिऐ, के ऐष्णी-ऐष्णी काँम-काज़ कर्णो वाल़े, मऊँती की सजा ज़ूगै असो; परह् से आपु तअ ऐष्णें बुरे काँम-काज़ करह् ही थिऐं, परह् जे कुँऐं ओके करह् थिऐं; तबे भे से तिन्शे खुशी हों थिऐ, अरह् आपु भे तिनका साथ करह् थिऐ।

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

रोमियों 5:12

ईन्देंखे जेष्णाँ ऐकी आदमी के जाँणें पाप संईसारी दा आया, अरह् पापो शी मऊँत आऐ, तअ: ऐशी दाँई मऊँत सोभी आदमी मुँझी फऐली गऐ, किन्देंखे के सोभीऐं पाप करी थुवा।

रोमियों 5:17

किन्देंखे के जबे ऐकी आदमी के अपराध के जाँणें मंऊती ऐ तेसी ऐकी ही की जाँणें राज करा, तअ: जिन खे पंणमिश्वर की कृपा भेटी, अरह् से पंणमिश्वर की नंजरी दे बै-कसूर बंणें, सेजे लोग ऐक ही आदमी यीशू मसीया के जाँणें, खे अमर-जीवन पाँदें।

रोमियों 5:21

ऐशे दाँई पाप मऊँती के जाँणें राज्य करदा रूवा, परह् अमाँरे प्रभू यीशू मसीया के जाँणें, आँमों पंणमिश्वर की नंजरी दे बै-कसूर बंणाँऐंयों आप्णा राज्य की शुरूवात करले अरह् आँमों अमर-जीवन तोड़ी नींले।

रोमियों 6:16

कियों तुँऐं जाँण्दे ने, के जेस्की अज्ञाँ माँन्णों खे तुँऐं आपु-आप्खे दास जिऐं देऐ थुऐ, कियों तुँऐं तिनके ही दास हों: भाव पाप के, जिन्देका अंत्त मंऊँत्त असो, भाँव अज्ञाँ कारीता के, जिन्दें का नंतीजा पंणमिश्वर की नंजरी दा माँन्णों ज़ूगा सही जीवन असो?

रोमियों 6:21

तअ: हेभी जेसी काँम-काज़ कर्णो खे तुँऐं सरमाँव ऐ, तेसी काँम-काज़ शा तुँओं आगे का फाय्दा भेटो थिया? जिन्दें का नंतीजा सिर्फ मंऊँत्त असो।

रोमियों 8:13

किन्देंखे के जे तुँऐं पाप के सुभाव के मुँताबिक देसो काट्ले तअ जरूर मर्ले, परह् जे पबित्र-आत्त्मा के जाँणें आप्णें पाप वाल़े सुभाव आप्णे बष दा थंले तअ तुँऐं जीऊँदें रंह्ले।

रोमियों 8:38

किन्देंखे के हाँव जुरूर जाँणू, के ना मऊँत, ना जीवन, ना स्वर्गो के दूत, अरह् ना बुरी राज कर्णो वाल़ी आत्त्मा, ना हेभी की बातो, अरह् ना बिती अंदी बातो, अरह् ना हंणों वाल़ी बातो, ना शक्त्ति, अरह् ना अगाषो की किऐ शक्त्ति,

रोमियों 8:39

अरह् ना पताल़ौ की किऐं शक्त्ति, अरह् ना बादी संईसारी मुँझ्शी किऐ भे बात, आँमों पंणमिश्वर के पियारो शे जुण्जा अमाँरे प्रभू यीशू मसीया के जाँणें भेटी रूवा, तेसी पियार शे आँमों कुँऐं भे ज़ंई ने करी सक्दा।

रोमियों 8:6

किन्देंखे के जूण्जे आदमी आप्णें पाप वाल़े सुभाव दे जीयों, तिन्दें का नंतीजा मंऊँत्त असो, अरह् जुण्जे आदमी पबित्र-आत्त्मा की बातो दा मंन लाँव, तिन्दें का नंतीजा जीवन अरह् शाँण्त्ति असो;

गलातियौं 3:10

ईन्देंखे जै-तोड़े लोग मूसा खे भेटे गुऐ अज्ञा-निय्म शा काँम-काज़ गाशी बिश्वाष थों, से बादे निरभाग असो! किन्देंखे के लिखी थो; के “जुण्जों किऐ, मूसा खे भेटे गुऐ अज्ञा-निय्म की कताबे दो लिखो अंदो असो, सेजो जे कुँऐं बादी बातो दो पुरो कर्णो खे पाक्का ने रह्दा, तअ से निरभाग असो!”

तीतुस 1:2

तेसी अमर हणों के भुर्षे गाशी, जिन्देका बाय्दा पंण्मिश्वर ऐ, करा जू झूठो ने बुली सक्दा, तेने ज़ूगौ-ज़ूगौ शा करी थुवा।

याकूब 1:15

तबे सेजा लूभ-लाल़्च बड़ियों पाप कराँव, अरह् मऊँत्ती के मुँओं दे नींयों।

1 यूहन्ना 2:25

सदा-सदा का अमर-जीवन का बाय्दा भे तिनके ही जाँणें आँमों आरी करा गुवा थिया।

प्रकाशितवाक्य 21:8

परह् डराड़ो, अरह् बै-बिश्वाषियों, नींच़ हत्त्याँरे, अरह् च़ूर-जार, अरह् जादू-टूण्णें कर्णों वाल़े, मुँर्त्ती पूज्णों वाल़े, अरह् हर किस्समं के झूठों बुल्णों वाल़े, का नाँष हंदा, अरह् तिनू भभ्कदीं आग, अरह् गंन्धक की झ़ील, दे पाऐ देईदें, जुण्जी के दुज़ी मंऊँत्त हंदी!”