रोमियों 6:22 - Sirmouri

²² परह् ऐबे पापो शे अजाद हऐयों, अरह् पंणमिश्वर के दास बंणियों, तुँओं फल़ भेटा, जिन्दे लई पबित्रता भेंटी, अरह् तिन्दे का अंत्त अमर-जीवन असो।

सिरमौरी नौवाँ नियम

²² पौरौ ऐबै पाप शै आज़ाद हौयौ औरौ पौरमेशवर कै दास बोणेयो ऐबै तुऐं तिनु कामौ कै कौरौ जू पवित्रता कै ढौबौ लौए जांव, औरौ तिथका अन्त सौदा कै जिन्दगी औसौ।

रोमियों 6:22 ပူးပေါင်းရင်းမြစ်များ

मत्ती 13:40

तअ: जेष्णें जागल़ी दाँणें के सीलै सलाऐं अरह् कठे करियों बींडे बाँनियों जल़ाऐ ज़ाँदे, तेष्णों ही संईसारी के अंत्त दो होंदो।

मत्ती 13:43

तेसी बख्त्ते धर्मी लोग आप्णें पिता के राज्य दे सुरूज जिऐ चम्कोले; जिनके शुण्णों खे काँन हों से शुणी पाँव।”

मत्ती 19:29

ऐक नाँम जेने कुँणिऐं मेरी ताँईऐं जीवन दो किऐ छुड़ी थुओं, किऐ भे, घर, के भाऐ, बऐणीं, के माँ, बाबा, के नहाँन्ड़िया, के जीम्मी, जजाऐत छुड़ी थऐ, तेसी ईनू सोभी मुझी कंई गुणा, भेंट्दो; अरह् से अमर-जीन का बारिस हंदा।

मत्ती 25:46

ऐजे बादे हमेशा की सजा ज़ूगै असो, परह् धर्मी लोग अमर-जीवन दे दाखिल हंदे।”

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

यूहन्ना 4:36

शाख्ह सह्लाणों वाल़े खे धियाड़ी भेट्‍दी, अरह् से सदा के अमर-जीवन खे शाख्ह सलाँव, परह् जैने शाख्ह कंट्ठी कराऐ लंऐ, सेजा जींम्दार बोंणों वाल़ा, अरह् शाख्ह सह्लाणों वाल़ा, ऐजे दुईन्नें मीलियों खुशी-आनन्द मंनाँव।

यूहन्ना 8:32

तुँऐं सच्चाऐ जाँण्ले, अरह् सच्चाऐ तुँओं अजाद कर्लीं।”

रोमियों 6:14

तबे तुँओं गाशी पाप का हंक ने रंह्दी, किन्देंखे के तुँऐं ऋषी-मूसा खे भेटे गुऐ निय्म के बंष दे ने, परह् पंणमिश्वर की कृपा के बंष दे हंन्दे।

रोमियों 6:18

अरह् पापो शे छूड़ोऐयों धर्म के दास बंणी गुऐ।

रोमियों 6:21

तअ: हेभी जेसी काँम-काज़ कर्णो खे तुँऐं सरमाँव ऐ, तेसी काँम-काज़ शा तुँओं आगे का फाय्दा भेटो थिया? जिन्दें का नंतीजा सिर्फ मंऊँत्त असो।

रोमियों 7:25

पंणमिश्वर ही छुड़ों दें, अमाँरे प्रभू यीशू मसीया के जाँणें; ईन्देंखे तिनका धन्यबाद हों। ईन्देंखे के हाँव आप्णी अंध्यात्त्मिक सोंच शा तअ पंणमिश्वर के निय्म का पाल़्ण करू, परह् मंन की हिछ़ा शी पाप के निय्म के सेवा करू।

रोमियों 7:4

तेष्णें ही हे मेरे भाऐ-बंईंणों, तुँऐं भे मसीया की देह्-शरीर के जाँणें ऋषी-मूसा खे भेटे गुऐ निय्म शे छुटी गुऐ, के तेसी अंण-जाँण के बंणी ज़ाव, जुण्जा के मरे अंदे मुँझ्शा ऊँबा जीयूँदा हुआ: जू तुँऐं आँमें पंणमिश्वर खे फल़ लियाँव।

रोमियों 8:2

किन्देंखे के आत्त्मा के निय्म जुण्जे यीशू मसीया के जाँणें, आँमों खे जीवन दियों; से मुँखे पाप अरह् मंऊँती के बष शी मुँक्त्ति दियों।

1 कुरिन्थियों 7:22

किन्देंखे के जे कोसी दास-बैटू की दषा दा प्रभू ऐ बय्दी थुवा, तअ से प्रभू का अजाद करा अंदा असो। अरह् जेसी अजादी की दषा दा बऐदी थुवा, से मसीया का दास असो।

2 कुरिन्थियों 3:17

प्रभू तअ आत्त्मा असो: अरह् जेथै कैथी प्रभू का आत्त्मा असो, तेथै अजादी असो।

गलातियौं 1:10

कियों ईन्दें लई तुवाँरे ऐशो जाँणियों, के हाँव आदमी की सहाऐता चहाँऊ? के ऐजो, के मुँह पंण्मिश्वर के सहाऐता भेटी चेंई? के हाँव आदमी खुशी कर्णें चहाऊँ? परह् जे हाँव आदमी खुशी करदा तअ हाँव मसीया के दास जेष्णाँ ने हंदा।

गलातियौं 5:13

हे भाऐ बंईणों, तुँओं अजाद हणों खे बय्दी थुऐ, परह् कद्दी ऐशो ने हईयों के ऐजी अजादी तुँऐं देह्-शरीर के बुरी हिछा कर्णो का साधन ने बाँणें; परह् पियार शे ओका ओकी का सेवा दा मदत्तगार बंणों।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

इफिसियों 5:9

(किन्देंखे के त्तेज-प्रकाश का फल़ साँत्त-भाती भलाई, अरह् धार्मिक्त्ता, अरह् सच्चाऐ असो),

फिलिप्पियों 1:11

प्रभू यीशू मसीया के कृपा लऐयों, तुँऐं प्रभू के नंजर दे बैजाऐ आच्छ़ै काँम-काज़ करह्, जिन्दें लंई पंण्मिश्वर के बड़ियाऐ हों, अरह् तिनकी संत्तुति हों।

फिलिप्पियों 4:17

ऐजो ने के हाँव दाँण चहाँऊ, परह् हाँव ऐशा फल़ चहाऊँ; जुण्जा तुवाँरे फाय्दे खे बढ़दा ज़ाओं।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

कुलुस्सियों 4:12

भाऐ-इपफ्रास, जू तुँओं मुझ्षा असो, अरह् मसीया का दास असो, तुँओं खे नमंष्कार बुलो, अरह् सदा तुँओं खे प्रार्थना दा लागा अंदा रंह, जिन्दे लई तुऐ लोग बादी बातो दे पंण्मिश्वर के हिछ़या पुरी करियों, पुरी कर्णो दे पाक्के बंणों।

तीतुस 1:1

संत्त-पौलुस की ढबे शी जू पंण्मिश्वर का दास अरह् यीशू मसीया का खास-चैला असो, पंण्मिश्वर के छाँटे अंदे लोगो का बिश्वाष अरह् तियों सच्चाई की पछ़याँण के मुँताबिक असो, जू भगत्ति के मुँताबिक शो असो,

इब्रानियों 12:14

सोभी आरी शाँण्त्ति शे रंहणों अरह् पबित्रत्ता के खोजी बंणों, किन्देंखे के ईन्देंके बिना कुँऐ भे आदमी प्रभू का दर्शण ने करी सक्दा।

याकूब 1:1

पंणमिश्वर का अरह् प्रभू यीशू मसीया का दास संत्त-याकूब कि ढबे शी बहारी गोह्त्र खे जू खिदर-भिदर हऐयों रंह्, तिनखे नमंष्कार पऊँची चेंई।

1 पतरस 1:9

अरह् आप्णे करे अंदे बिश्वाष का फल़, मतल्व आप्णी आत्त्मा के मुँक्त्ति पाँदे।

1 पतरस 2:16

आपु-आप्खे अजाद जाँणों, परह् आप्णी अजादी बुराई कर्णो के आड़ ने बंणाँव; परह् आपु-आप्खे पंणमिश्वर के दास जाँणों।

प्रकाशितवाक्य 7:13

ईन्दें गाशी अगुऐ मुँझ़्शो ऐकी ऐ मुँखे बुलो, “ऐजे चीट्टे खोट्णों बाँम्बियों कुँण असो? अरह् केथै शे ऐ आऐ रूऐ?”