रोमियों 6:2 - Sirmouri

² बिल्कुल् ने! जबे आँमें पाप के बंन्धण शे छ़ुटी गुऐं, तअ तबे आँमें पाप दा जीवन किया-किया बिताऊँबे?

सिरमौरी नौवाँ नियम

² ना! बिल्कुल नी! आमै जोबै पाप कारिए मौरे गौवै, औरौ इथकारिए आमु पाप वाल़ै काम नी कौरणै चैंई। तौ तोबै औगौड़ियौ कै तिथमुंजी कैशै जीवन बितौऊं?

रोमियों 6:2 ပူးပေါင်းရင်းမြစ်များ

लूका 20:16

ईन्दें खे सेजा माँलिक आऐयों तिनू जिम्दार माँरी देला, अरह् सेजो अंगूरोह् को खैच़ कोसी ओकी खे अदयाल़ी मुँझी देऐ देला।” ऐजो शुँणियों तिन्ऐं बुलो, के “पंण्मिश्वर ऐष्णों कंद्दी ने करह्।”

रोमियों 5:11

सिर्फ ऐजो ही ने, परह् आँमें आप्णे प्रभू यीशू मसीया के जाँणें, जिनके जाँणें अमाँरा मेल-झोल हुआ, पंणमिश्वर गाशी पुरा भूर्षा करियों आँनन्द-खुशी मनाँऊबे।

रोमियों 6:15

तअ का हुओं? कियो आँमें ईन्देंखे पाप करह्, के आँमें ऋषी-मूसा खे भेटे गुऐ निय्मो के बंष दे ने, परह् कृपा के बंष दे असो? बिल्कूल् ने!

रोमियों 7:4

तेष्णें ही हे मेरे भाऐ-बंईंणों, तुँऐं भे मसीया की देह्-शरीर के जाँणें ऋषी-मूसा खे भेटे गुऐ निय्म शे छुटी गुऐ, के तेसी अंण-जाँण के बंणी ज़ाव, जुण्जा के मरे अंदे मुँझ्शा ऊँबा जीयूँदा हुआ: जू तुँऐं आँमें पंणमिश्वर खे फल़ लियाँव।

रोमियों 7:6

परह् ऐबे आँमें जू ऋषी-मूसा खे भेटे गुऐ निय्म दे जक्ड़े आँदें थिऐ, तेसी बंधण शे आछ़ै करियों मुँक्त्ति पाऐयों मुँक्त्त हऐ गुऐ। ऐशे दाँई ऐबे आँमें पुराँणें लिखे आँदें निय्म के मुताबिक ने; परह् पबित्र-आत्त्मा के नुऐं निय्म के मुताबिक परमिश्वर की सेवा करी सको।

गलातियौं 2:19

किन्देंखे के हाँव तअ यहूदी-निय्म के जाँणें, यहूदी-निय्म की नंजरी दा मरी गुआ; के हाँव पंण्मिश्वर खे हजो ऊबा जीऊँदा हऐ सकू।

गलातियौं 6:14

परह् ऐशो ने हऐयों के हाँव अंण-जाँण कोसी बातो गाशी तारीफ करू, परह् सिर्फ अमाँरे प्रभू यीशू मसीया के शुँल़ी-फ़ाँशी का, जिन्दें लई संईसारी मेरी नंजरी दे अरह् हाँव संईसारी के नंजरी दा शुँल़ी-फ़ाँशी चड़ाया गुआ।

कुलुस्सियों 2:20

किन्देंखे के जबे तुँऐं संईसारिक ज्ञाँन की तरफ़ शे मसीया आरी मँरी गुऐ, तअ ऐबे तुवाँरी जीऊँणों के रीत्त ऐष्णीं कैई असो? जेष्णीं के संईसारी के ईनू निय्मों के बष दी हों।

कुलुस्सियों 3:3

किन्देंखे के तुँऐं तअ मँरी गऐ थिऐ, अरह् तुवाँरा जीवन मसीया आरी पंण्मिश्वर दा छुपा अंदा असो।

1 पतरस 1:14

अज्ञाँ कारी नहाँन्ड़िया जेष्णें तेसी बख्तो की बुरी हिछ़्या के मुताबिक आपु तेसी ढाल़ो दे ने ढल़ै, जेष्णें तुँऐं आगे थिऐ, जबे तुँऐं अजाँण्दे थिऐं।

1 पतरस 2:24

से आपु ही अमाँरे पाप आप्णे देह्-शरीर दे निईयों शुँल़ी-फ़ाँशी हुटे, जिन्दे लई आँमें पापो खे मरियों धार्मिक्त्ता खे जीवन बिताँव: तिन्ही की ही मार खाँणों शे आँमें चाँगे हुऐ।

1 यूहन्ना 3:9

पंण्मिश्वर शा पय्दा हुवा अंदा, पाप ने करदा रंह्दा, किन्देंखे के से पंण्मिश्वर का अंष अरह् तिनकी अलाद हों; तअ तिन्दी पाप कर्णो की तअ किऐं गुजाऐश ही ने हंदी।