रोमियों 5:2 - Sirmouri

² जेस्के जाँणें बिश्वाष के कारण तियों कृपा तोड़ी जिन्दें आँमें बंणें अंदें असो, अरह् तिन्दी अमाँरी पहऊँच भे हंऐ, अरह् पंणमिश्वर की बड़ियाऐ की भूर्षें गाशी आँमें आँनन्द करह्।

सिरमौरी नौवाँ नियम

² अमारै बिशवाश की बौजैह शै, मसीहे आमु ऐसी अनुग्रह दै लाए राए जिथै आमै इबी खौड़ै औसौ, औरौ आमै निशोंक औरौ खुशी कै साथै पौरमेशवर कै महिमा कै साझा कौरणौ कै आशा दैखु।

रोमियों 5:2 ပူးပေါင်းရင်းမြစ်များ

मत्ती 25:21

तेस्के मालिके ऐ बुलो, ‘भागोईत असो! आछा अरह् बिश्वाष ज़ुगा दास, तू थोड़े दा बिश्वाष ज़ुगा रूवा; हाँव ताँव भहिती चीजों का अधिकारी बणाँऊँबा। आप्णें मालिक की गईलो आँनन्द-खुशी दा भागींदार हो।’

यूहन्ना 10:7

ईन्देंखे प्रभू यीशू ऐ हजो तिनू लोगों खे बुलो, “हाँव तुँओं कैई शो ऐसी अंनाँणें का मंतल्व संह्म्झाँऊँ; हाँव ही भैंड़शाल़ो को दुवार असो:

यूहन्ना 10:9

हाँव ही दुवार असो; जे कुँऐं मेरे कारण जीवन दे दाखिल हों, तअ से छ़ुट्कारा पाँदें; अरह् से भीटे-बाईडे आँदे ज़ाँदे रंह्दे, अरह् तिनू खाँणा-पींणा भेट्दा रंह्दा।

यूहन्ना 14:6

प्रभू यीशू ऐ तेस्खे जबाब दिता, “हाँव ही बाट्, सच्चाऐ अरह् जीवन असो; मेरे बीना कुँऐ भे बाबा कैई ने ज़ाँऐ सक्दा।

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

रोमियों 11:20

ठीक असो, सेजे लोग तअ बै-बिश्वाष के जाँणें च़ूड़ी दिते, परह् तू बिश्वाष दा पाक्का बंणा रूऐ, ईन्देंखे तू घमंन्डी ने बंणें, परह् डरियों रूऐ,

रोमियों 12:12

भोर्षें दे खुशी अरह् मंगन रूऐ; कंल़ेष दे पाक्के रूऐ; प्रार्थना दे हमेशा लागे रूऐ।

रोमियों 14:4

तू कुँण असो, जू ओकी का सेवक कसूरबार बाँणें? तेस्को पाक्को रंहणों, के ऊँदो रिड़णों तेस्की ही स्वामी-मालिक शा ताल-मैल थंह्; परह् तेसी ही पाक्का करा ज़ाँदा, किन्देंखे के प्रभू तेसी पाक्का थऐ सको।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

रोमियों 3:23

ईन्देंखे के सभिऐं पाप करी थुवा, अरह् पंणमिश्वर की बड़ियाऐ के बिना असो,

रोमियों 5:5

अरह् भूर्षें दी निराषा ने हंदी, किन्देंखे के पबित्र-आत्त्मा जू आँमों खे देऐ थऐ, तिन्दे लई पंणमिश्वर को पियार अमाँरे मंन दो पाँऐ थो।

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:24

ऐसी भुर्षें के जाँणें अमाँरा मुँक्त्ति हुआ; परह् जियों चींजो का भूर्षा करा ज़ाँव, जबे से नंजरी दी पड़ो, तअ तबे भूर्षा केथै रूआ? किन्देंखे के जियों चीज कुणिऐं दे:खी लऐ तिन्दे का भूर्षा का करदा?

1 कुरिन्थियों 15:1

हे भाऐ, बंईणों, ऐबे हाँव तुँओं कैई शी सेजी ही खुषख्बरी शुणाँऊ, जुण्जी मुँऐं आगे भे शुणाँऐं थऐ, अरह् तुँऐं तियों खुषख्बरी माँनी भे थऐ, अरह् तुँऐं तिन्दें अट्ल़ भे असो।

2 कुरिन्थियों 3:18

परह् जबे आँमों सोभी के खुलै मुँख्ड़े शा प्रभू का त्तेज-प्रकाष ऐशा दाँई पर्गट हों, जैष्णाँ के सिस्सै दा साफ नंजर आँव, तअ प्रभू के जाँणें जू आत्त्मा असो, आँमें तैसी ही त्तेजमंऐं सरूप दे अंष-अंष बदल़्दे ज़ाँव।

2 कुरिन्थियों 4:17

किन्देखे के अमाँरा ऐगड़ी का दाँणिंक जिया कल़ेष आँमों खे बैजाऐ प्रभू यीशू के अरह् हमेशा की बड़ियाऐं पय्दा करदा ज़ाँव जिन्दें बरा-बरी ने करी ज़ादी;

इफिसियों 2:18

किन्देंखे के तिन्ही के जाँणें आँमों दुन्नै डूँग ऐक पबित्र-आत्त्मा दे मीलियों स्वर्गो के परमं-पिता पंण्मिश्वर कैई पऊँची सको।

इफिसियों 3:12

आँमें प्रभू यीशू मसीया गाशी बिश्वाष करह्, अरह् तबे ही आँमें पुरे भूर्षें आरी, बै-झिझ्क हऐयों पंण्मिश्वर कैई ज़ाँव।

इफिसियों 6:13

ईदेखे पंण्मिश्वर के बादे हथियार धारणं करी पाव, के तुवाँरे बुरे देसो दा तुँऐं तिनका सहाँम्णा करी सको; अरह् आखरी तोड़ी आप्णा फ़रज पुरा करियों तुँंऐं जींती ज़ाँव।

2 थिस्सलुनीकियों 2:16

अमाँरा प्रभू यीशू मसीया आपु ही, अरह् अमाँरा परंम-पिता पंण्मिश्वर, जिन्ऐं आँम शो प्यार करह्, अरह् कृपा शे सदा की शाँण्त्ति अरह् पबित्र भोर्षा देऐ थुवा।

इब्रानियों 3:6

परह् मसीया बैटे के रूप दा पंण्मिश्वर के कुँड़बे दा बिश्वाष ज़ूगा थिया; अरह् सेजा कुँड़बा आँमें असो, जे आँमें हिमम्त्त दे अरह् आप्णें बिश्वाष दे आखरी तोड़ी पाक्कै अरह् अट्ल़ रंह्।

इब्रानियों 6:18

परह् दो अट्ल़ बातो, के कारण, जिन्देके बारे दे पंण्मिश्वर झूठे बाँण्णें कठीण असो, किन्देखे के आँमों खे तिन्ऐं शंरण देऐ थंऐ, अरह् सेजा ही भोरषा पाक्का हंणों खे आँमो दीड़-हिम्मत्त भेंटो; जुण्जी दोऊँड़ अमाँरे सहाँम्णें तिन्ऐ थंऐ।

1 पतरस 3:18

किन्देंखे के मसीया ऐ भी अमाँरे पापों की ताँईऐं ऐकी बंई दु:ख भूगा, मतल्व जू बै-कसूर थिऐ, तिन्ऐं आँमों पापियों की ताँईऐं ऐकी बई मंऊँत्त कबूल करी, जू आँमों पंणमिश्वर के साम्णें नीयों, शरीर के भाव शे तअ से माँरी गुऐ, परह् पबित्र-आत्त्मा के भाव शे तिनू ऊबे जीयाल़े गुऐं।

प्रकाशितवाक्य 21:11

किन्देंखे के सेजी नंगरी पंण्मिश्वर की बड़ियाई लई, संजाऐ गंऐ थीं; अरह् तियों बैजाऐ किम्मत्ती रंत्तन, सूर्यकाँन्त्त की जैऐ चंम्मक लंई से चंमम्की रंऐ थी।

प्रकाशितवाक्य 21:23

तेसी नंगर दी पीयाषे खे सुरूज अरह् चाँद टीक्की की भे किऐ जरूरत ने आथी; किन्देंखे के पंण्मिश्वर का त्तेज-प्रकाष तिन्दा पीयाषे खे चंमम्कों थिया; अरह् छ़ैल़्टे का त्तेज-प्रकाष तेसी नंगर दा दिवें जेष्णाँ चंमम्कों।

प्रकाशितवाक्य 21:3

तबे मुँऐं सिंगाँस्हणों शी ऐक जुराल़ी गंम्बीर धाव ऐजो बुल्दे शुणीं, “देख, ऐजो असो, आदमी के बीच दो पंणपंण्मिश्वर का डेरा! अरह् ऐ तिनू मुँझी बास करदा, अरह् से तेस्की प्रजा हंदी; अरह् पंण्मिश्वर तिनू मुँझ़ी रंह्ऐयों आदमी के बीचो दा असो। से तिनकी गईलो डेरा करदा, अरह् से तिनके लोग हंदे, अरह् पंण्मिश्वर आपु तिनकी गईलो रंह्ऐयों, तिनके आप्णें पंण्मिश्वर हंदे।

प्रकाशितवाक्य 3:21

जू जींत्ती ज़ाव, हाँव तेसी आप्णी गईलो सिंगाँस्हणों गाशी बईठाल़ूबा, जेष्णाँ हाँव भे जींतियों आप्णे बाबा की गईलो सिंगाँस्हणों गाशी बऐठी गुवा।