रोमियों 4:17 - Sirmouri

¹⁷ जेष्णों पबित्र-ग्रन्थों दो लिखी थो, के “पंणमिश्वर बुलो, के मुँऐं ताँव भहिती गऐर यहूदी का बाबा बंणाऐ थुवा,” तेसी पंणमिश्वर के नंजरी दा अब्राहम अमाँरे बाबा असो, अब्राहमें तेसी पंणमिश्वर गाशी बिश्वाष करा, जुण्जा मरे अंदे ऊबे जीयाल़ो; अरह् जुण्जी बातो आथी ने, तिनका नाँव से तेष्णों लों, के ऐजी बातो असो ऐ।

सिरमौरी नौवाँ नियम

¹⁷ पवित्र शास्त्र बौल़ौ, “मोऐं ताखै बौहुती जाति का पुराणिया ठोहराए राखा” पौरमेशवर कै नोज़रो दा अब्राहम अमारा पिता औसौ। तैणै तैसी पौरमेशवर पांदी बिशवाश कौरा, जू मौरेयौंदे कै जियुंदी कौरौ औरौ तिनु चीज़ौ कै बै वजूद दी लांव जिथका वजूद ना आथी।

रोमियों 4:17 ပူးပေါင်းရင်းမြစ်များ

मत्ती 3:9

अरह् आप्णे-आप्णे सासो दो ऐजो ने सुंचे, के अमाँरा बाबा अब्राहम असो; किन्देंखे के हाँव तुँओं खे बुलू, के पंणमिश्वर ईनू पाथरो शी अब्राहम खे अलाद पय्दा करी सको।

यूहन्ना 5:21

जेष्णें पंरम-पिता मँरे अँदे ऊबे जीऊँदें करह्, तेष्णे ही बैटा भे जेस्खे जीवन देंणाँ चहाँव तिन खे सदा का अमर-जीवन देऐ दियों।

यूहन्ना 5:25

“हाँव तुँओं खे ऐक खास बात बुलू: के सेजा बख्त्त आँदा लागा, परह् आऐ गुवा; जबे मँरे अँदे लोग पंण्मिश्वर के बैटे की धाव शुँण्ल़े; अरह् जुण्जे सेजी धाव शुँण्ले, तिनखे जीवन भेट्ला।

यूहन्ना 6:63

आत्त्मा ही जीवन दियों, परह् देह्-शरीर शा किऐ भे फाय्दा ने हंदी; ईन्देंखे मुँऐं जुण्जे बचन तुओं कैई बुली थुऐ; सेजे ही आत्त्मा अरह् जीवन असो।

प्रेरितो कै काम 15:18

ऐजी सेजी ही प्रभू! की धाव असो; जुण्जी ज़ूगौ शुभी ईन बातो पर्गट कर्दे आऐ रूऐ।

रोमियों 3:29

कियों पंणमिश्वर सिर्फ यहूदियों का ही असो? कियों गऐर यहूदी का आथी ने? होर, पंणमिश्वर गऐर यहूदी का भे असो।

रोमियों 4:18

अब्राहम ऐ बैजाऐ निराष हंणों गाशी भे, पंणमिश्वर गाशी बिश्वाष करा; ईन्देखे के तेसी बचन के मुताबिक के “तेरा बंष ऐशा हंदा, के से बैजाऐ भहिती गैऐर यहूदियों का बाबा बंण्दा।”

रोमियों 4:2

किन्देंखे के जे अब्राहम काँम-काज़ कर्णो लई पंणमिश्वर की नंजरी दा बै-कसूर बंणायाँ ज़ादा, तअ तेस्खे तारीफ कर्णो के जागा हंदी, परह् से पंणमिश्वर के साम्णें तारीफ ने करी सक्दा।

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

रोमियों 9:11

बालक पय्दा भे हई ने रंई थी, अरह् तिन्के किऐं भे भले-बुरे कर्णो शो आगे, रिबेका खे ऐजो बुलो गुओं; के “जैठा बैटा, काँण्छ़ै बैटे के बष दा रंह्दा।” ऐष्णों ईन्देंखे हुओं, के पंणमिश्वर का फय्सला बंणा अंदा रंह्, अरह् पंणमिश्वर का फय्सला आदमी के काम कर्मों दा ने, परह् तिन्के चूणें-छ़ाटे अंदें के हिसाब शा तिन्ही गाशी दारमदार असो।

रोमियों 9:26

अरह् ऐशो हलो, के जेसी जागे दो तिनखे ऐजो बुलो थियों, के तुँऐं मेरी परजा ने आथी, तेसी ही जागे दे, तिनखे जीऊँदे पंणमिश्वर के अलाद बुली ज़ाली।”

1 कुरिन्थियों 1:28

अरह् पंणमिश्वर ऐ सेजे लोग जुण्जे संईसारी के लोगो की नंजरी दे नींच छुटे, अरह् बैकार थिऐ, तिनू पंणमिश्वरे चूणें-छाँटे, किन्देंखे के जुण्जे किऐ लोग आपु-आप्खे बड़े बंणों संम्झों थिऐ, तिनके सेजे बैकार बिचार खत्त्म हऐ ज़ाँव।

1 कुरिन्थियों 15:45

पबित्र-ग्रन्थों दो लिखी भे थो, के “आगला आदमी, मतल्व आदम जीऊँदा जींव बंणा” अरह् आखरी आदम जीवन देणों वाल़ी आत्त्मा बंणी।

1 तीमुथियुस 6:13

हाँव तुँओं खे तेसी पंण्मिश्वर का जू ऐक नाँम पराँणी जीऊँदें थंह्, अरह् यीशू मसीया तुवाँरा गुवाह्-शाज़्त्त अरह् हाजीर जाँणियों जिनिऐ हाकम-पुन्तियुस, पिलातुस के सहाँम्णें आछ़ो कबूल करियों माँनी पाव; अरह् हाँव तुओं खे ऐजी अज्ञाँ देऊँ,

इब्रानियों 11:12

अरह् ईन्देंखे ऐक मंर्णोंवाल़े बुह्ड़ा आदमी, मंतल्व बाबा-अब्राहम के ऐत्री अलाद पंय्दा हंऐ; जुण्जी अस्माँनों के तारे जेष्णीं अंणगिण्त्त थी, अरह् संमुँन्द्रो के बाल़ू के कंण-कंण की जेऐ बैजाऐ अंणगिण्त्त अलाद पंय्दा हंऐ।

इब्रानियों 11:3

अरह् बिश्वाष के कारण आँमें जाँणीं पाँव, के पंण्मिश्वर के शब्द के कारण बादी संईसारी के रंचणाँ करी गंऐ; परह् ऐजी संईसारी की जुण्जी चींजों ऐत्त्लों देखाई दी पड़ो सेजी बिना देखी चीजों के कारण बंणाँई गंई।

इब्रानियों 11:7

सेजा बिश्वाष ही थिया, के बिना देखी चींजो के बारे दे ऋषी-नूँह खे पंण्मिश्वर कैई शी आगे ही चिताँव्णीं भेटी; अरह् तेने तियों चिताँव्णीं भेट्दे ही आप्णें कुड़बे बंचाँणों खे ऐक पाँणीं गाशी चाल्णों वाल़ो बड़ो जहाँज बाँणों; अरह् तेने आप्णें बिश्वाष के कारण ही ईयों संईसारी दुषी-कसूरबार बंणाँऐ, अरह् तियों धार्मिक्त्ता का हंकदार बँणा; जुण्जा हंक बिश्वाष कर्णो के कारण भेंटो।

1 पतरस 2:10

ऐक बख्त थिया, जबे तुँऐं पंणमिश्वर की परजा ने थी; परह् ऐबे तुँऐं पंणमिश्वर के परजा असो। आगे तुँओं गाशी दया-रंय्म ने करी थई थी; परह् ऐबे तुँओं गाशी दया-रंय्म करी थऐ।

2 पतरस 3:8

हे प्यारे साथियों, ऐजी बात तुँओं शी चुप्पी ने रंह्, के प्रभू कैई ऐक देस भे हजार सालो जै-तोड़ो हों; अरह् हजार साल भे ऐक देस जियो असो।