रोमियों 4:16 - Sirmouri

¹⁶ ईन्दी के जाँणें निय्म बिश्वाष गाशी काऐंम असो, के कृपा के मुँताबिक हों, पंणमिश्वर का बाय्दा ना सिर्फ तिनू लोगो खे जुण्जे निय्म का पाल़्ण करह्, परह् तिनू सोभी बंष-पीढ़ी खे असो, जुण्जे आँमों सोभी के बाबा अब्राहम जेष्णें बिश्वाषी हों,

सिरमौरी नौवाँ नियम

¹⁶ इथकारिए लोगै बिशवाश कै दवारा अनुग्रह ही शै पौरमेशवर का वादा पौऊवा। इयौं बौजैह शै अब्राहम कै सौबी संतानो कै ऐजा वादा भैटी सौकौ। जू सिरफ मूसा कै कानून मानणोवाल़ै कै ना आथी, पौरौ ऐजा सौबी आदमी कै औसौ जू अमारै पुराणिया अब्राहम कै जैशणा बिशवाश शै जीवन जियौं।

रोमियों 4:16 ပူးပေါင်းရင်းမြစ်များ

लूका 19:9

तबे प्रभू यीशू ऐ, तैस्खे बुलो, “ऐत्त्लो ऐसी घरह् का छुट्कारा हुआ; किन्देंखे के ऐ भे अब्राहम का बैटा असो।

रोमियों 15:8

ईन्देंखे हाँव बुलू, के जुण्जा बाय्दा नाना-बाबा आरी करी थुवा, तेसी पाक्का कर्णो खे मसीया, पंणमिश्वर की सच्चाई का परमाँण देंणों खे, यहूदी लोगों का दास बंणाँ;

रोमियों 3:22

मतल्व जुण्जे यीशू मसीया गाशी बिश्वाष करह्, सेजे पंणमिश्वर की नंजर दे बै-कसूर असो, तिनू मुँझी किऐ भेद्-भाव ने आथी;

रोमियों 3:30

किन्देंखे के ऐक ही पंणमिश्वर असो, जू खतना वाल़े खे अरह् बिना खतना वाल़े खे भे तेसी ही बिश्वाष के जाँणें आप्णीं नंजरी दे बै-कसूर बाँणों।

रोमियों 4:11

अरह् तबे ऐक चींन के रूप दा तेने खतना धारण करा। जू तेसी बिश्वाष के नंतीजे शा पंणमिश्वर की नंजरी दे ऐक बै-कसूर की छ़ाप थी, जू तेसी बख्ते दे:खाऐ थी, जेख्णों तेस्का खतना ने हऐ रंई थी। ईन्देंखे तेसी तिनू सोभी का बाबा माँना गुवा, जुण्जे बिना खतने के बिश्वाषी असो। ईन्देंखे सेजे लोग भे पंणमिश्वर की नंजरी दे बै-कसूर माँनें गुऐ;

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 9:8

ईन्दें का मतल्व ऐजा असो, के देह्-शरीर की अलाद पंणमिश्वर के अलाद ने; परह् जुण्जे पंणमिश्वर के बाय्दे के मुँताबिक पय्दा हऐ रूऐ; सेजे ही अब्राहम के बंष के अलाद माँमी ज़ाँव।

गलातियौं 3:14

मसीया ऐ आँमों ईन्देंखे छुड़ोऐ, के इब्राहम खे दिता गुआ आशिर्बाद मसीया यीशू के कारण गऐर यहूदियों खे भे भेटी सको, जू बिश्वाष के कारण आँमें तियों पबित्र-आत्त्मा पाँऐ सको; जिन्दें का बाय्दा करी थुवा थिया।

गलातियौं 3:16

तेष्णा ही अब्राहम खे अरह् तेस्के बंष खे दिते गुऐ बाय्दे के बारे दो असो, दे:खो, पबित्र-ग्रन्थों दो ऐजो नें बुल्दा; के “तुवाँरे बंष खे” जे ऐजो हंदों, तअ भहीते के ढबे ईशारा हंदा थिया; परह् पबित्र ग्रन्थो दो बुलो, के तेरे बंष खे जुण्जे मसीही असो।

गलातियौं 3:22

परह् पबित्र-ग्रन्थों दे ऐजी घोष्णा करी थऐ, के बादी संईसारी पाप के बष दी असो; जू ऐजा निय्म, जिन्दें का हिस्सा यीशू मसीया दा बिश्वाष का करणा असो; से बिश्वाष कर्णो वाल़े खे पुरा हऐ ज़ाँव।

इफिसियों 2:5

अरह् जबे आँमें आँप्णें अपराध दे मँरे अंदे थिऐ, तअ आँमों भे मसीया आरी ऊँबे जियाल़े गुऐ; किन्देंखे के छुट्कारा तुओं खे पंण्मिश्वर की कृपा शा ही भेंटो।

इफिसियों 2:8

पंण्मिश्वर की कृपा ऐ बिश्वाष के जाँणें, तुओं लोगों खे छ़ुट्कारा दिता; परह् ऐजा तुवाँरे कोसी आच्छ़े पुँन का फ़ल़ ने आथी; परह् ऐजा पंण्मिश्वर का बरदाँन असो;

तीतुस 3:7

जिन्दे लई आँमें तिनकी कृपा शे पंण्मिश्वर की नंजरी दे बै-कसूर बंणियों, अमर हणों के जीवन के हंकदार बंणों।

2 पतरस 1:10

ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;