रोमियों 3:28 - Sirmouri

²⁸ ईन्देंखे आँमें ऐसी नंतीजे गाशी पहीचे के आदमी ऋषी-मूसा खे भेटे गुऐं निय्म के पाल्ण कर्णो शे ज़ई, बिश्वाष के जाँणें ही पंणमिश्वर की नंजरी दे बै-कसूर बंणें।

सिरमौरी नौवाँ नियम

²⁸ इथकारिए आमै जाणुए कै पौरमेशवरे आमु यीशु मसीह पांदी बिशवाश कौरणौ शै धरमी साबित कौरे राए, ना कै मूसा कै कानून कै मानणौ शै।

रोमियों 3:28 ပူးပေါင်းရင်းမြစ်များ

यूहन्ना 5:24

हाँव तुँओं खे ऐक खास बात बुलू, के जुण्जा कुँऐं मेरे बचन शुँण्ला, अरह् जिन्ऐं मुँह डेयाल़ी थुवा, तिन गाशी से बिश्वाष करला, तअ सदा का अमर-जीवन तेस्खे भेट्दा, अरह् तेस्खे सजा की अज्ञाँ ने देंईदी, परह् से मऊँत्ती गाशी जीत्त पाँऐयों, अमर-जीवन दा दाखिल हऐ ज़ाँदा।

यूहन्ना 6:40

किन्देंखे के मेरे बाबा के हिछ़या ऐजी असो, के जुण्जा बैटा देखो अरह् तेस्दा बिश्वाष करह्, तेसी अमर-जीवन भेंट्दा; अरह् हाँव तेसी आखरी के देसे हजो जीऊँदा करी देऊँबा।”

रोमियों 3:26

परह् हेभी तिनकी धार्मिक्‍ता पर्गट हों, जिन्दें लई से आपु ही धर्मी बंणो, अरह् जुण्जे यीशू गाशी बिश्वाष करह्, तिनू भे से धर्मी बंणाँणों वाल़ा हों।

रोमियों 4:5

परह् जुण्जा काँम-काज़ ने करदा, परह् तेसी पंणमिश्वर गाशी बिश्वाष करह्, जू पापी लोगो खे आप्णी नंजरी दे बै-कसूर बंणाँव, तअ से आप्णें बिश्वाष के जाँणें पंणमिश्वर की नंजर दा बेकसूर माँना ज़ाँव।

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 8:3

आदमी सभाव की मंम्जूरी के जाँणें ऋषी-मूसा खे दिता गुवा निय्म जुण्जा कार्य से करीने सकी, सेजा कार्य पंणमिश्वर करा, तिन्ऐं पाप के सजा शे बंचाँणों खे आप्णा बैटा डियाल़ा, जिन्ऐं पापी आदमी के जिऐं, देह्-शरीर धारण करा। ऐशे दाँई पंणमिश्वर आदमी के देह्-शरीर दी पाप खे सजा दिती,

1 कुरिन्थियों 6:11

अरह् तुँओं मुझी ऐष्णें बेजाऐ थिऐ, परह् ऐबे तुँओं प्रभू यीशू मसीया के नाँव शे, अरह् अमाँरे पंणमिश्वर की आत्त्मा शे धुऐ गुऐ, अरह् तुँऐं पबित्र हुऐ अरह् पंणमिश्वर की नंजरी दे बै-कसूर बंणें।

गलातियौं 2:16

तबे भे ऐजो जाँणी पाव, के आदमी यहूदियों के ज्ञाँन-निय्म की काँम-काज़ शे ने; परह् सिर्फ यीशू मसीया गाशी बिश्वाष कर्णो शा पंण्मिश्वर के सहाम्णें धर्मी बंणों। आँमें आपु भे मसीया यीशू गाशी बिश्वाष करा, परह् आँमें यहूदी लोगो के ज्ञाँन-निय्म के पाल़्ण कर्णो शे ने, परह् सिर्फ यीशू मसीया गाशी बिश्वाष कर्णो शे पंण्मिश्वर के सहाम्णें धर्मी बंणें। ईन्देंखे के यहूदियों के अज्ञाँ-निय्म का पाल़्ण कर्णो लऐ कुँऐं भे प्राँणी धर्मी ने बंण्दा।

गलातियौं 3:24

ईन्देंखे निय्म आँमों मसीया तोड़ी पईचाल़्णों खे अमाँरी शिक्क्षा देणों वाल़ी बंणी, के आँमें बिश्वाषो लई धर्मी बंणों।

गलातियौं 3:8

अरह् पबित्र-ग्रन्थों दो आगे ही शो ऐजो जाँणियों के पंण्मिश्वर गऐर यहूदी लोग बिश्वाष शे ही धर्मी बाँण्दे, आगे ही शुभो अब्राहम खे ऐजी खुषख्बरी शुणाऐ, के “तेरे जाँणें बादी गऐर यहूदी खे आशिर्बाद भेट्दा।”

इफिसियों 2:9

अरह् ऐजा छ़ुट्कारा तुवाँरे कोसी आच्छ़े काँम-काज़ का प्रत्तिफ़ल़ ने आथी, के कुँऐ ईन्दा किऐ भे घमंड करह्।

फिलिप्पियों 3:9

अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

तीतुस 3:7

जिन्दे लई आँमें तिनकी कृपा शे पंण्मिश्वर की नंजरी दे बै-कसूर बंणियों, अमर हणों के जीवन के हंकदार बंणों।

याकूब 2:18

परह् जे कुँऐं बुल़्ले के “ताँव बिश्वाष असो, अरह् हाँव करंम करू” ऐबे तुँऐं बिना करंम के आप्णा बिश्वाष दे:खाव, अरह् हाँव आप्णा बिश्वाष आप्णे करंम के जाँणें ताँव कैई शा दे:खाऊँबा।

याकूब 2:20

परह् ओ ज़ोगर आदमी, कियों तुँऐं ऐजो भे जाँण्दें ने, के करंम के बिना बिश्वाष बै-कार असो।

याकूब 2:24

ऐशो दाँई तुँऐं दे:खी पाव, के आदमी सिर्फ बिश्वाष शा ने, परह् तेसके करंम शा भे धर्मी माँना ज़ाला।