रोमियों 3:25 - Sirmouri

²⁵ पंणमिश्वर यीशू मसीया के बल़ीदाँण गाशी बिश्वाष कर्णो के जाँणें पाप शा मुँक्त्ति देणों खे बाट बरंम्बाणीं, अरह् बिश्वाष कर्णो वाल़े आप्णी नंजरी दे बै-कसूर बाँणें, पंणमिश्वर ऐजो साबित कर्णो खे ऐशो करह् अरह् आप्णी संह्नशक्त्ति पर्गट कर्णो खे ऐष्णों करो, अरह् ऐष्णों करियों तिन्ऐं अमाँरे पाछले जीवन के पाप नंजर अंन्दाज करे।

सिरमौरी नौवाँ नियम

^25-26 पौरमेशवरे मसीह कै बलिदान कै रुप दा भैजा, मसीहे आपणा लोऊ बौऊवा, इथकारिए मसीह पांदी बिशवाश कै दवारा आमै पौरमेशवर कै धोरे आए सौकु, औरौ पौरमेशवरे ऐजौ इथकारिए कौरौ ताकि सै ऐजौ दिखाए सौकौ कै पुराणै सौमय दौ तैणै सोही कौरौ जोबै तैणै पापी लोगौ कै माफ कौरणौ दा सब्र दिखोऊवा। औरौ ऐजी बातौ ऐजौ दिखांव कै पौरमेशवर सोही औसौ जोबै सै यीशु पांदी बिशवाश कौरणौवाल़ै खै अपनांव।

रोमियों 3:25 ပူးပေါင်းရင်းမြစ်များ

यूहन्ना 6:47

हाँव तुँओं खे खास बात बुलू: जुण्जा बिश्वाष करह्; तेसी ही अमर-जीवन भेट्दा।

प्रेरितो कै काम 14:16

तेने पुराँणें ज़ूगौ दी बादी जात्तियों खे आप्णी-आप्णी बाटो दी ज़ाणों दिती।

प्रेरितो कै काम 15:18

ऐजी सेजी ही प्रभू! की धाव असो; जुण्जी ज़ूगौ शुभी ईन बातो पर्गट कर्दे आऐ रूऐ।

प्रेरितो कै काम 17:30

“पंण्मिश्वर ऐ अज्ञाँनी का जबाना, अण-देखा करी थुवा; अरह् ऐबे तिनकी अज्ञाँ ऐजी असो; के हर ऐक आदमी पस्ताँवा करह्।

प्रेरितो कै काम 2:23

से पण्मिश्वर की पाक्के पलान अरह् पुरे ज्ञाँन के मुँताबिक थंहम्बड़ाऐ गुऐ, अरह् तुओं लोगो ऐं, पापी गऐर-यहूदियों के हाथै तिनू शुँल़ी-फ़ाँषी गाशी चड़ाऐ अरह् मँराऐ दित्ते।

प्रेरितो कै काम 3:18

पंण्मिश्वर ऐ ऐशा दाँई आप्णाँ बुल्णाँ पुरा करा, जिन्दे के मुँताबिक तिनके मसीया खे दु:ख्ह भोगणाँ थिया; अरह् जेसी तिन्ऐं सोभी ऋषियों के मुँख्ह शा आगे ही घोषित्त करी थुवा थिया।

प्रेरितो कै काम 4:28

किन्देंखे के जुण्जो किऐ आगे ही तेरी शक्त्ति अरह् हिछा के मुँताबिक थियों तेष्णों ही करह्।

रोमियों 2:4

कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

रोमियों 3:26

परह् हेभी तिनकी धार्मिक्‍ता पर्गट हों, जिन्दें लई से आपु ही धर्मी बंणो, अरह् जुण्जे यीशू गाशी बिश्वाष करह्, तिनू भे से धर्मी बंणाँणों वाल़ा हों।

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 5:11

सिर्फ ऐजो ही ने, परह् आँमें आप्णे प्रभू यीशू मसीया के जाँणें, जिनके जाँणें अमाँरा मेल-झोल हुआ, पंणमिश्वर गाशी पुरा भूर्षा करियों आँनन्द-खुशी मनाँऊबे।

रोमियों 5:18

ईन्देंखे जेष्णाँ ऐकी आदमी का अपराध पंणमिश्वर की सजा के अज्ञाँ का कारण बंणा, तेष्णी ही यीशू मसीया के बल़ीदाँण के जाँणें, बादे आदमी खे पंणमिश्वर की नंजरी दे बै-कसूर बंणाँऐं दिते, अरह् अमर-जीवन भेटणों का कारण बंणा।

रोमियों 5:9

तअ: जबे के आँमें ऐबे मसीया के बल़ीदाँन के जाँणें पंणमिश्वर की नंजरी दे बै-कसूर बंणे, तअ तिनके जाँणें पंणमिश्वर के सजा शे कैई ने बंचदे?

1 कुरिन्थियों 5:7

ऊदी फैरकाव ऐजी खटयाऐं आपु शी, जू तुँओं दी नुऐं बाटे अंदे आटे की जैऐं खंणेण आँव; किन्देंखे के अमाँरा फ़सह तअ मसीया की कुरबाँणी लई पुरा हऐ रूवा।

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

इफिसियों 1:7

अरह् तिनही दे आँमों खे बैजाऐ कृपा के मुँताबिक तिनके ही लंह्ऊँ के जाँणें छ़ुट्कारा अरह् अमाँरे अपराधों की माँफी भेटी।

इफिसियों 2:13

आगे तुँऐं पंण्मिश्वर शे बैजाऐ दुर्के थिऐ, परह् ऐबे तुँऐं मसीया के बल़ीदाँण के जाँणें; प्रभू यीशू गाशी बिश्वाष करियों पंण्मिश्वर के नंजीक आऐ गुऐ।

1 तीमुथियुस 1:15

ऐजी बात साच्ची, अरह् माँन्णों ज़ूगी असो, के मसीया यीशू पापियों का मुँक्त्ति देंदे दुनियाँ दे आऐ, जिनू पापी मुझी हाँव सोभी शा बड़ा असो।

इब्रानियों 10:4

किन्देंखे के ऐष्णों कद्दी ने हंदी, के खाड़ू अरह् बाकरे के लह्ऊँ लई तिनके पाप दुर करे ज़ाँव।

इब्रानियों 11:14

अरह् जुण्जे लोग ऐष्णीं बातो बुलो, से ऐजो बिलकुल स्पष्ट करी दियों, के से आप्णें देश की खोज़ दे लागे अंदे असो।

इब्रानियों 11:17

जबे पंण्मिश्वर ऐ बाबा-अब्राहम के परख-अजमाँऐष करी, तअ तेसी बिश्वाष के कारण ही बाबा-अब्राहम ऐ आप्णा ऐकलोत्ते बैटा इसहाक भे बल़ीदाँण कर्णो खे तैयार हुवा; जबे के तेस्की गंईलो ऐजा बाय्दा करा गुवा थिया,

इब्रानियों 11:7

सेजा बिश्वाष ही थिया, के बिना देखी चींजो के बारे दे ऋषी-नूँह खे पंण्मिश्वर कैई शी आगे ही चिताँव्णीं भेटी; अरह् तेने तियों चिताँव्णीं भेट्दे ही आप्णें कुड़बे बंचाँणों खे ऐक पाँणीं गाशी चाल्णों वाल़ो बड़ो जहाँज बाँणों; अरह् तेने आप्णें बिश्वाष के कारण ही ईयों संईसारी दुषी-कसूरबार बंणाँऐ, अरह् तियों धार्मिक्त्ता का हंकदार बँणा; जुण्जा हंक बिश्वाष कर्णो के कारण भेंटो।

इब्रानियों 9:28

तेष्णा ही मसीया भे भहीते के पापो थागणों खे ऐकी बई बल़ीदाँण हुऐ, अरह् जुण्जे लोग तिनकी बाट-बाट जुहों, तिनके पाप के छ़ुट्कारे खे, हजो से दुज़ाल़िऐ बिना पाप के थागी देखाई पड़्दे।

इब्रानियों 9:5

अरह् तियों संदूक गाशी दो चंम्कदार बाज थिऐ, जू पंस्ताँवे के आस्णँ गाशी आप्णें पाख्ह लंई छ़या पाँव थिऐ; परह् हेबी ईन सब बातो का सुवाँ करियों बखाँण करणाँ किऐ मुँष्किल असो।

1 यूहन्ना 1:10

जे आँमें बुलो के आँमें किऐ पाप ने करी थई, तअ आँमें तिनू झूठे बाँणों; अरह् तिनका बचन आँमों दा बसा अंदा ने आथी।

1 यूहन्ना 2:2

अरह् से ही अमाँरे पापो खे ऐक बल़ीदाँण असो, सिर्फ आँमों खे ही ने; परह् बादी संईसारी के पापो खे।

1 यूहन्ना 4:10

पियार किऐ चींज ने आथी; पियार हों ऐ: पंण्मिश्वर आँमों शो पियार के जाँणें आप्णा बैटा अमाँरे पापों की पसतावे खे कुरबाँण बल़ी कराँणों खे डियाल़े—तिनू ईन्देंखे ने डियाल़ी, के आँमें पंण्मिश्वर शो पियार करी थो।

प्रकाशितवाक्य 1:5

अरह् यीशू मसीया की ढबे शी जू बिश्वाष ज़ूगे गुवाह्-शाज़्त्त अरह् मँरे अँदे मुँझ शे जीऊँदे हणों वाल़े मुँझ्शे जैठे अरह् धर्ती के राजाओं लोगो का हाकम असो, तुँओं खे कृपा, अरह् शाँण्त्ति, भेंट्दी रंह्। से आँमों आरी प्यार करह्, अरह् तिन्ऐं आप्णें लह्ऊँ के कारण आँमों पाप शे छुड़ाऐ थुऐ।

प्रकाशितवाक्य 13:8

धर्ती के सेजे बादे रंहणों वाल़े, तैथू बूणेर के पुजा करह्, जिनके नाँव माँरे अंदे छ़ैल़्टे के जीवन की कताबे दे संईसारी की उत्पत्ति के बख्तो शे ऊँबे लिखे अंदे ने आथी।

प्रकाशितवाक्य 20:15

अरह् जेसी कोसी को नाँव जीवन की कताबे दो लिखों अंदो ने भेंटी, तेसी तियों ही आगी की झ़ील दा पाऐ दिता।

प्रकाशितवाक्य 5:9

से ऐजो नुंवों गीत्त गाँदे लागे: “तू ईयों कताबे कर्णो खे, अरह् ईन्देकी सिलो खुल्णों ज़ूगा असो, किन्देंखे के तुँऐं कुरबाँण हऐयों आप्णें लह्ऊँ शी ऐक नाँम कुल़-बंष अरह् भाषा बुली अरह् लोग अरह् हर जात्ती मुँझ़्शे पंण्मिश्वर खे लोग मोले-खरीदियों लुऐ;