रोमियों 3:19 - Sirmouri

¹⁹ आँमें जाँणो, के ऋषी-मूसा खे भेटे गुऐं निय्म जू किऐ बुलो ऐ, से यहूदी लोगो खे ही बुलो, जुण्जे ऋषी-मूसा के निय्म के बष दे असो; ईन्देंखे के ईन्दो कुँऐं किऐ ने बुली सक्दें, अरह् बादी संईसारी पंणमिश्वर की सजा ज़ूगी बंणी गऐ;

सिरमौरी नौवाँ नियम

¹⁹ आमै जाणुए, कै मूसा कै कानून जू किछै बौल़ौए, सै तिनु लोगौ शै बौल़ौ, जू मूसा कै कानून कै अधीन औसौ। ताकि लोगौ कै भानै बाणणौ शै रौकै सौकौ, औरौ दुनिया कै सौब लोग पौरमेशवर कै सामणै दोषी ठैहराए जांव।

रोमियों 3:19 ပူးပေါင်းရင်းမြစ်များ

यूहन्ना 15:25

ऐजो ईन्देंखे हुओं, के ‘ऋषी मूसा खे भेटे गुऐ अज्ञाँ-निय्म का सेजा लेख्ह पुरा हों: के तिन्ऐं मुँह आरी बिना कारण को बंईर करी थो।’

यूहन्ना 8:9

परह् से ऐजो शुँणियों बादे अगुवाल़ अरह् बादे छ़ोटे-बड़े बेरा-बेरिऐ ऐक-ऐक करियों तेथै शे नीकल़ी गुऐ; अरह् प्रभू यीशू तेथै ऐक्ली रूऐ, अरह् सेजी तिरंई भे तेथै बीचो ठाँई खह्ड़ी रंऐ।

रोमियों 1:20

तिनके अ-दे:खे गुण, मतल्व तिनकी अपार शक्त्ति अरह् ईश्वरिऐ, सभाव, शे संईसारी की सृष्ट्री के बख्तो शी ऊबी तिनके काँम-काज़ के जाँणें दे:खाई दी पढ़ो, ऐथै तोड़ी के लोगों कैई ईन्देंखे का किऐ जबाब ने आथी।

रोमियों 3:2

हर परकार शा बैजाऐ भहिता फाय्दा असो। आगे तअ ऐजा असो, के पंणमिश्वर के बचन तिनखे दिऐ गुऐ।

रोमियों 3:23

ईन्देंखे के सभिऐं पाप करी थुवा, अरह् पंणमिश्वर की बड़ियाऐ के बिना असो,

रोमियों 3:4

बिल्कुल् ने! परह् पंणमिश्वर साचा, अरह् ऐक नाँम आदमी झुठा बंणा, जेष्णों पबित्र-ग्रन्थों दो लिखी थो, “जिन्दे लई तू आप्णी बातो दा पंणमिश्वर की नंजरी दा बै-कसूर बंण्दा, अरह् नियाँव के बख्ते तू जित्ती ज़ाँऐं।”

रोमियों 3:9

तअ तबे का हुओ? कियों आँमें तिन शे आछे असो? बिल्कुल् ने; किन्देंखे के आँमें यहूदियों अरह् यूनानियों दुई गाशी ऐजा दोष-ईल़जाम लाऐ थुवा, के से बादे के बादे पाप के बषौ दे असों।

1 कुरिन्थियों 1:29

जू कुँऐं पराँणीं पंणमिश्वर के साम्णें आप्णी बड़ियाऐ ने करी सको।

गलातियौं 3:10

ईन्देंखे जै-तोड़े लोग मूसा खे भेटे गुऐ अज्ञा-निय्म शा काँम-काज़ गाशी बिश्वाष थों, से बादे निरभाग असो! किन्देंखे के लिखी थो; के “जुण्जों किऐ, मूसा खे भेटे गुऐ अज्ञा-निय्म की कताबे दो लिखो अंदो असो, सेजो जे कुँऐं बादी बातो दो पुरो कर्णो खे पाक्का ने रह्दा, तअ से निरभाग असो!”

गलातियौं 4:21

तुँऐं जू निय्म के बष दो हंणों चहाँव, तअ मुँह कैई ऐजो बुलो; के कियो तुँऐं निय्म दो ऐजो शुणी ने के?

गलातियौं 4:5

किन्देंखे के जू से मूसा खे भेटे गुऐ ज्ञाँन-निय्म दे फशे अंदें लोग खरदियों निय्म के बंन्धण शे उडे छुड़ाऐ दियों; जिन्दें लई आँमें पंण्मिश्वर के गोद लुऐ अंदें नहाँन्ड़िया अरह् वारिस बंणी ज़ाँव।

गलातियौं 5:18

ईन्देंखे के जे तुँऐं पबित्र-आत्त्मा के मुँताबिक चालो, तअ मूसा खे भेटे गुऐ अज्ञाँ-निय्म के बष दे ने रूऐ।