रोमियों 2:9 - Sirmouri

⁹ अरह् दु:ख-कल़ेष, कष्ट ऐक नाँम आदमी गाशी पड़ो, जू बुरो करह्, आगे यहूदी गाशी, तबे यूनानी गाशी:

सिरमौरी नौवाँ नियम

⁹ औरौ कौल़ेश औरौ मुसीबत हरेक आदमी पांदी जू बुरु कौरौ आन्दै, चाहै सै कुणिए बै काए नी हौंव, आगै यहूदी लोगौ पांदी औरौ तोबै सैजै जू यहूदी ना आथी।

रोमियों 2:9 ပူးပေါင်းရင်းမြစ်များ

मत्ती 16:26

जे आदमी खे बादी संईसारी भेंटी ज़ाँव, अरह् आप्णा अमर-जीवन गुवाँऐंयों आप्णा नुकसाँन करह्, तअ तेस्का का फाऐंदा हंदा? के आदमी अमर-जीवन के बद्ल़े का देऐ सको; से किऐं भे ने देऐ सक्दा?

लूका 24:47

अरह् तिनके नाँव शे यरूशलेम शे ऊँडे, अरह् बादी संईसारी के लोगों का मंनबद्ल़ों शे पापो की माँफी खे पसतावे की खुशख्बरी शुँणाँऐं ज़ाँदी।

प्रेरितो कै काम 11:18

ऐजी बातो शुँणियों यहूदी बिश्वाषी भाऐ-बंईणों शाँण्त्त हऐ गुऐ, अरह् तिन्ऐं पंण्मिश्वर के आरार्धना करी; के जबे “पंण्मिश्वर ऐ गऐर-यहूदियों खे भे ऐजा बरंदाँन देऐ थुवा, के ऐ भे आप्णाँ मंन बद्ल़ों अरह् ईनू भे नुवाँ जीवन भेटो।”

प्रेरितो कै काम 13:26

“हे भाईयों! बाबा अब्राहम के अलाद, अरह् जुण्जे गऐर यहूदी भगत्त लोग ईथै हाजिर असो; मुँक्त्ति-छ़ूट्कारे खे बचन आँमो सोभी कैई डेयाल़ा गुवा।

प्रेरितो कै काम 20:21

मुँऐ यहूदियों अरह् यूनानियों के सहाँम्णें साफ-साफ गुवाऐ-शाज़्त्त दिती, के पस्तावा करियों आप्णें पाप शा मंन बद्ल़ो; अरह् पंण्मिश्वर के ढबै आप्णा मंन फिराव, अरह् अमाँरे प्रभू यीशू दा बिश्वाष करह्।

प्रेरितो कै काम 26:20

मुँऐं आगे दमिश्क, अरह् यरूशलेम के लोगों मुँझी, अरह् तिन्दें पाछ़ी बादे यहूदा प्रदेश दा, अरह् तबे गऐर-यहूदियों मुँझी ऐजा प्रचार करा; के पस्तावा करो, अरह् पंण्मिश्वर के ढबै फीरी ज़ाव; अरह् पस्तावे के हिसाब शा चाल-चल़्ण करह्।

प्रेरितो कै काम 28:17

च़ींन देसो बित्त्णों गाशी, संत्त-पौलुस ऐ यहूदियों के मुख्या-बुड़े-बुजूर्गो लोग बईदे, अरह् जबे से बादे झुणें कठै हऐ गुऐ, तअ तबे संत्त-पौलुस ऐ तिनखे बुलो, “हे भाईयों! मुँऐं अमाँरी जात्ती के बिरूध किऐ भे अपराध ने करी थंई; अरह् ना आप्णें पुराँणियाऐं के रित्ती-रूवाज के बिरूध किऐ अपराध करी; तबे भे मुँह यरूशलेम दा कंय्द करा, अरह् रोमियों के हवाले करी दिता।

प्रेरितो कै काम 28:28

“ईन्देंखे तुँऐ लोग जाँणीं पाव, के पंण्मिश्वर की ऐजी छ़ुट्कारे के खुषख्बरी गऐर-यहूदियों खे डेयाल़ी दिती; अरह् से जरूर शुँण्ले।”

प्रेरितो कै काम 3:26

पंण्मिश्वर ऐ तुओं लोगों खे आप्णाँ सेंवक यीशू मसीया हजो ऊबा जीयाल़ा, अरह् सोभी शा आगे तुओं लोगों कैई डेयाल़ा; जिन्दें लंई से तुओं मुँझ्शे ऐक नाँम आदमी बुराई शे फेरियों तिनखे आशिर्बाद दियों।”

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 10:12

यहूदियों अरह् यूनानियों दा किऐ भेद्-भाव ने आथी, किन्देंखे के सोभी का प्रभू ऐक ही असो; अरह् आप्णे बादे नाँव जप्णों वाल़े खे से दिल खुलियों आशिर्बाद दियों।

रोमियों 2:10

परह् बड़ियाऐं अरह् आदर-ईज्जत, अरह् कल्याँण ऐकी नाँमों भेंट्दा, जुण्जा भले काँम-काज़ कर्लें, आगे यहूदी खे तबे यूनाँनी खे।

रोमियों 8:35

कुँण ऐ जू आँमों मसीया के पियार शे ज़ई करदा? कियों कल़ेष, के कष्ट, के हारकुँण्जी, के काल़, के कंगाली, के खतरा, के तरवार?

रोमियों 9:24

मतल्व आँमों गाशी; जिनू तिन्ऐ सिर्फ यहूदियों ही मुझ्षे ने, परह् गऐर यहूदी मुँझ्शे भे बय्दी थुऐ।

गलातियौं 3:28

ऐबे कोसी दा किऐं फर्क ने रंई, किन्देंखे के ना तअ कुँऐं यहूदी रूवा, ना यूनानी, ना कुँऐं दास ना कुँऐं अजाद ना कुँऐं नंर अरह् ना कुँऐं नारी, किन्देंखे के तुँऐं बादे यीशू मसीया दे ऐक असो।

कुलुस्सियों 3:11

तिदा ना तअ कुऐं यूनानी रंई, अरह् ना यहूदी; ना खतना वाल़े, अरह् ना खतना के बिना, ना जागल़ी, ना स्कूती, ना दास, अरह् ना अजाद: सिर्फ मसीया ही सब-कुछ असो, अरह् सोभी दा बसा अंदा असो।

2 थिस्सलुनीकियों 1:6

किन्देंखे के पंण्मिश्वर के नंजीक ऐजा नियाँव असो, के जू तुँओं खे कल़ेष दियों, तिनखे बद्ल़े का कल़ेश दिया ज़ाँदा।

1 पतरस 4:17

किन्देंखे के सेजा बख्त आऐ पुज़ा, के आगे पंणमिश्वर के लोगो का नियाँव करा ज़ाँव; अरह् जबे के नियाँव की शुरूवात आँमों शी ही हली, तअ तिनको का होंदो, जू पंणमिश्वर की खुषख्बरी माँन्दें ने?