रोमियों 2:5 - Sirmouri

⁵ परह् तू जाँणी-बुझियों आप्णा मंन जीद्दी-कठूर करे, जिन्दे लई, तू पंणमिश्वर के कुरूध् के देसो खे, जिन्दा पंणमिश्वर का साचा नियाँव पर्गट हंदा, तुँऐं आपु खे पाप कमाऐ लुवा।

सिरमौरी नौवाँ नियम

⁵ पौरौ जिथुकै तुऐं जिद्दी औसौ औरौ पश्‍चाताप कौरणौ शै मना कौरौ, इथकारिए पौरमेशवर तुऔं कड़ी सौजा दैन्दा। जिथुकै सैजौ दूस आन्दौ लागै रौ, जौल़ौ पौरमेशवर आपणा गुस्सा दिखाला औरौ आपणा साचा न्याय प्रगट कौरला।

रोमियों 2:5 ပူးပေါင်းရင်းမြစ်များ

रोमियों 1:18

जुण्जे लोग पंणमिश्वर की सचाऐं आप्णें पाप के जाँणें दबाऐं दियों, तिनू लोगों की बुरे काँम-काज़ गाशी, अरह् अनियाँऐं गाशी पंणमिश्वर का रोष स्वर्गो शा पर्गट हों,

रोमियों 11:25

हे भाऐ बंईणों, कद्दी ऐशो ने हईयों, के तुँऐं आपु खे बद्धीमाँन जाँणों; ईन्देंखे हाँव ने चहाँदा के तुँऐं ऐसी राज भेद् शे अजाँण्दे ने रंह्, के जबे गऐर यहूदी पुरी रित्ती शे ने आऐ ज़ाँव, ताँव-तोड़ी इस्राएल का ऐक हिस्सा ऐष्णा ही कुठूर रंह्दा।

रोमियों 9:22

तअ ईन्दी हराँन हंणों की का बात असो, के जे पंणमिश्वर आप्णा कुरूध दे:खाँणों खे आप्णी शक्त्ति पर्गट कर्णो खे बैजाऐ बख्तो तोड़ी तिनू बास्णों सह्य्न करे, जुण्जे नाँष हंणों खे तियार थिऐ, परह् पंणमिश्वर बंड़े सबैर शे तिनू सह्य्न कोरें;

2 कुरिन्थियों 5:10

किन्देंखे के जरूरी असो, के आँमों सोभी का हाल मसीया के नियाँव के सिगास्णों के साम्णें खुली ज़ाँदा, के ऐक नाँम आदमी आप्णी-आप्णी भली बुरी काँम-काज़ का बद्ल़ा, जू तिन्ऐं देह्-शरीर के जाँणें करी थुवा, तिन्दें का लेखा दियों।

2 थिस्सलुनीकियों 1:5

ऐजा पंण्मिश्वर के साच्चै नियाँव का साफ परमाँण असो, के तुँऐं पंण्मिश्वर के राज्य ज़ुगे बणों, जिन्देकी ताँईऐं तुँऐं दु:ख्ह भे भूगो।

इब्रानियों 3:13

परह् जाँव तोड़ी सेजो देस, मंतल्व जिन्देंखे ऐत्त्लो को देस बुली; से अमाँरे सहाँम्णें रोज ओका ओकी संहम्झाँदे रंह्, के कोद्दी ऐशो ने हईयों के तुँओं मुँझ़्शा कुँऐं जंण पाप के छल़-कप्ट, दा आऐयों भट्की ने ज़ाँव।

इब्रानियों 3:15

जेष्णों बुलो ज़ाँव: के “जे तुँऐं ऐत्त्लो तिनकी धाव शुँणों, तअ आप्णे मंन कुठूर ने करे, जेष्णें के तुऐं मुँह घिपंऐयों तेसी बंख्त्तें जाँगल़ो दे करे थऐ।”

इब्रानियों 4:7

तअ तबे पंण्मिश्वर ऐ किऐ खास देस बंणाँऐयों, ऐतोड़े देसो बित्त्णों पाछ़ी, दाऊद की किताबे दो तिन्देंखे ऐत्त्लो को देस बुलो; जेष्णों तिन्ऐं आगे बुलो थियों: के “जे तुऐं ऐत्त्लो तिनकी धाव शुँणों; तअ आप्णें मंन कंठूर ने करे।”

याकूब 5:3

तुवाँरे सुन्नें-चाँदी का रंग धुधला हऐ गुवा, अरह् सेजा धुधलापंण ईन्देंखे गाशी गुवाऐ-शाज़्त देंदा, अरह् तुँवारी देह्-शरीर को आगी लई खेऊँड़ बंणियों तुँवारो माँस भस्म हंदो; किन्देंखे के ऐजा संईसारी का आखरी बख्त असो, अरह् तुँऐं हजो भे कप्टो शो धंन हे सलाऐ लो।

2 पतरस 2:9

ऐशो दाँई प्रभू जाँणों ऐ के भगत्त लोग कैशे दाँई नियाँव के देसो तोड़ी बंचाऐंयों थहणें, अरह् दुष्ट लोग कैशे दाँई सजा पाँणों खे थहणें;

2 पतरस 3:7

परह् ऐजो अस्माँन अरह् धर्ती तेसी ही बचन के जाँणें ईन्देंखे थऐ थुऐ, के जल़ाऐ ज़ाव; अरह् तिनू नाँस्त्तिक आदमी का नियाँव अरह् नाँष हंणों के देसो तोड़ी ऐशे ही थुऐ ज़ाले।

यहूदा 1:6

जिनू स्वर्गदूत्तों ऐ आप्णा पद्-भार पाक्का अट्ल़ ने थई, परह् तिन्ऐं आप्णों खास घर छुड़ी दितो, तिन्ऐं तिनू भे तेसी भायानंक देसो के नियाँव खे ईनाँरे दे, जुण्जो ईनाँरो सदा खे असो, बाँनियों थऐ थुऐ।

प्रकाशितवाक्य 2:21

मुँऐ तियों खे मंन बद्ल़्णों खे मुक्का दिता, परह् से आप्णे कू-कर्म बिचका-काँम शा मंन बद्ल़्णा ने चहाँव थी।

प्रकाशितवाक्य 6:17

किन्देंखे के तिनके रोष के डराव्णें देसो आऐ गुऐ, ऐबे तिनके सहाँम्णें कुँण ठहरी सको?”