रोमियों 2:3 - Sirmouri

³ ओ आदमी तू जू ऐष्णी-ऐष्णी काँम-काज़ कर्णो वाल़े गाशी दोष-ईल़जाम लाऐं, अरह् आपु भे ऐष्णी ही काँम-काज़ करे; तअ कियो तू ऐशो जाँणें के तू पंणमिश्वर की सजा शा छूटी ज़ाँईदा?

सिरमौरी नौवाँ नियम

³ तू जू ऐशणै-ऐशणै काम कौरणौवाल़ै पांदी दोष लांए, औरौ आपी बै सैजैई काम कौरे; तू का ऐजौ सौमझै कै पौरमेशवर कै सौजा शै बौचै जांदा?

रोमियों 2:3 ပူးပေါင်းရင်းမြစ်များ

मत्ती 23:33

ओ शंगाव, के बीश्लें नहाँन्ड़िया, तुँऐं नंरक की सजा शे किऐ-किऐ बंच़्दे?

मत्ती 26:53

कियों तू जाँण्दा ने, के हाँव आप्णे पिता शी बिनती-अरज करी सकूँ; अरह् से स्वर्गदूत्त की बारह् पल़्टणों शी जादा हेभी मुँह कैई हाजिर करी देला?

लूका 12:14

प्रभू यीशू ऐ तैस्खे बुलो, “हे भाऐ! कुँणें मुँह तुवारा पंच सियाँणा बंणाऐं थुवा; के हाँव तुवाँरा बाँडा-बंडाऊँ?”

लूका 22:58

बिस्तोड़ो कोसी ओकी ऐं पतरस देखियों बुलो, “तू भे तअ ईन्हीं मुँझ्शा ऐक असो”; परह् पतरस ऐं जबाब दिता, “ना भाई! हाँव ने आथी।”

लूका 22:60

पतरस ऐ बुलो, “हाँव ने जाँण्दा के तुँऐं का बुली लो!” तबे पतरस के ऐजो बुलियों चूको, के तैख्णी कुक्ड़े ऐं बाँक दिता।

रोमियों 1:32

सेजे लोग पंणमिश्वर की धार्मिक बिधी आछ़ी-भली जाँणों थिऐ, के ऐष्णी-ऐष्णी काँम-काज़ कर्णो वाल़े, मऊँती की सजा ज़ूगै असो; परह् से आपु तअ ऐष्णें बुरे काँम-काज़ करह् ही थिऐं, परह् जे कुँऐं ओके करह् थिऐं; तबे भे से तिन्शे खुशी हों थिऐ, अरह् आपु भे तिनका साथ करह् थिऐ।

रोमियों 2:1

तअ: ओ दोष-ईल़जाम लाँणों वाल़े, तू भाँव कुँऐं भे असो, ताँव कैई जबाब ने आथी; किन्देंखे के जियों बातो दा तू ओकी गाशी दोष-ईल़जाम लाँऐ, तियों ही बातो का ताँदा भे दोष-ईल़जाम लागदा, ईन्देंखे के तू जू ओकी दा दोष-ईल़जाम लाँऐं, तू आपू भे सेजी ही टह्ल करे।

रोमियों 2:2

आँमें जाँणों ऐं, के ऐष्णी-ऐष्णी काँम-काज़ कर्णो वाल़े, गाशी पंणमिश्वर की ढबे शी सही-सही सजा की अज्ञाँ भेटो।

रोमियों 9:20

हे आदमी भला तू कुँण असो; जू पंणमिश्वर का सामणा करे? कियों घड़ी-तराशी अंदी चींज घढ़णों वाल़े खे बुली सको, के “तुँऐं मुँह ऐष्णा कैई बाँणा?”

1 थिस्सलुनीकियों 5:3

जबे लोग बुल़्ले, के “आछो असो, अरह् किऐ डोर ने आथी,” तअ तिनू् गाशी ऐकदंम अब्ल़ी बईशली, जैष्णी के पेट्भारी के ऐकदंम सुणो को चाईत लागो; अरह् तैयाँरे केशी ही दाँई भे चऐन ने पढ़दी।

इब्रानियों 12:25

च़ौक्क्ष रंह्, अरह् तेसी बुल्णों वाल़े शो आप्णों मुँह ने फेरे, किन्देंखे के से लोग जबे धर्ती गाशी चिंताँव्णी देणों वाल़े शे मुँह फेरियों ने बंची सकी, तअ आँमें स्वर्ग गेछ़ै चिताँव्णी देणों वाल़े शे मुँह फेरियों किऐ-किऐ बंच्दे?

इब्रानियों 2:3

तअ आँमें लोग ऐष्णें बड़े छुट्कारे शे बै-फिकरे रंऐयों किऐ-किऐ बंची सको? जिन्दें के चर्चा आगे ही आगे प्रभू के जाँणें हऐ, अरह् शुँण्णों वाल़े के जाँणें अमाँरे तिन्देंका बिश्वाष हुवा।