रोमियों 2:10 - Sirmouri

¹⁰ परह् बड़ियाऐं अरह् आदर-ईज्जत, अरह् कल्याँण ऐकी नाँमों भेंट्दा, जुण्जा भले काँम-काज़ कर्लें, आगे यहूदी खे तबे यूनाँनी खे।

सिरमौरी नौवाँ नियम

¹⁰ पौरौ महिमा औरौ आदर औरौ शान्तै हरेक आदमी कै भैटदी, जू भला कौरौ, पौरमेशवर सौबीदै आगै यहूदी लोगौ खै दैंदा औरौ तोबै तिनुकै जू बैगानै यहूदी औसौ।

रोमियों 2:10 ပူးပေါင်းရင်းမြစ်များ

मत्ती 10:13

जे तेसी घर के लोग तुवाँरे आशिर्बाद के कल्याँण ज़ुगे हले, तअ तिनका कल्याँण हंदा, परह् जे से तिन्दें ज़ूगै आथी ने, तअ तुवाँरा आशिर्बाद का कल्याँण तुँओं कैई पाछु आँदा।

लूका 1:79

किन्देंखे के ईनाँरो अरह् मंऊँत्त की छ़या दे बंईठणों वाल़े, गाशी से प्रकाष दियों; अरह् अमाँरी भीखो संही सीधी बाटो दी चलाव।”

लूका 12:37

भागोईंत्त असो! सेजे दास-बैठू जिनू तिन का माँलिक घरह् की रंख्वाल़ी-जगवाल़ी कर्दे बीऊँजी दे:ख्ला; हाँव तुँओं खे खास बात बुलू, के सेजा माँलिक आप्णी कंमरी दी गाच़ी भीड़ियों तिनू सोभी ऐकी-ऐकी दास-बैठू कैई शो बंईठाल़ियों आपु भोजन कराला।

लूका 19:42

अरह् बुलो, “कैत्रो आच्छ़ों हंदो, के तू; होर, तूही! ऐत्त्लो शाँण्त्ति के बाट जाँणी पाँईदा; परह् ऐबे ऐ तेरी आ:खी शी छ़ुप्पी अंदी असो।

लूका 22:14

जबे बियाल़ी खाँणों का बख्त हुवा, तअ प्रभू यीशू आप्णें खास-चैले की गईलो बियाल़ी खाँदे बईठे।

लूका 9:48

अरह् प्रभू यीशू ऐ तिनू आप्णें सैले खे बुलो, “जुण्जा कुँऐं मेरे नाँव शा ऐथू नहाँन्ड़िया का माँन-समाँन करला, तअ से मेरा माँन-समाँन करला; अरह् जुण्जा कुँऐं मेरा माँन-समाँन करह्, से मेरे भेज्णों वाल़े का भे माँन-समाँन करह्; किन्देंखे के तुँओं सोभी मुँझ्षा जुण्जा छ़ुटे शा छ़ुटा असो, सैजा ही बड़ा असो।”

यूहन्ना 12:26

जे कुँऐं मेरी सेंवा करह्, तअ से मुँह पाछी आँव; अरह् जेथै हाँव असो, तेथै मेरा दास भे हंदा। जे कुँऐं मेरी सेंवा करह्, तअ बाबा तैस्की आदर-ईज्जत करला।

यूहन्ना 14:27

तुओं खे हाँव शाँण्त्ति देऐ देंऊँ, मंतल्व आप्णी शाँण्त्ति हाँव तुओं खे छूड़ी देऊँ; तेष्णीं ने जेष्णी संईसारी दियों, तुऐं आप्णें मंन ब्याकुल अरह् डरोह् दे ने रंहणों दिऐ।

यूहन्ना 16:33

मुँऐं तुओं कैई ऐजो सब-कुछ़ ईन्देंखे बुलो, के तुँओं शाँण्त्ति भेटो; किन्देंखे के संईसारी दे तुओं खे सिर्फ दु:ख्ह अरह् कल़ेष असो; परह् आँनन्दित्त खुशी हुऐ, के मुँह संईसारी गाशी जींत्त भेंटी रंऐ।”

प्रेरितो कै काम 10:35

आदमी भाँव कोसी भी जात्ती का हों, अरह् जे कुँऐ पंण्मिश्वर की भग्त्ति करह्, अरह् तिनू गाशी श्रदा थंह्; तअ तैसी गाशी पंण्मिश्वर की कृपा के नंजर सदा बंणाँऐ अंदी थंह्; अरह् तेस्का सभाव भे तेष्णाँ ही हऐ ज़ाँव।

रोमियों 14:17

किन्देंखे के पंणमिश्वर को राज खाँणों-पिणों ने, परह् नियाँव, अरह् मेल-मिलाप, अरह् सेजा आँनन्द-खुशी असो, जू पबित्र-आत्त्मा शा हों।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 2:7

जुण्जे आछे काँम-काज़ कर्दें अट्ल़ रंह्ले, से बड़ियाऐ, अरह् आदर-ईज्जत, अरह् अमर हंणों की खोज दा असो, तिनखे से अमर जीवन देंदा;

रोमियों 2:9

अरह् दु:ख-कल़ेष, कष्ट ऐक नाँम आदमी गाशी पड़ो, जू बुरो करह्, आगे यहूदी गाशी, तबे यूनानी गाशी:

रोमियों 5:1

तबे: जबे आँमें बिश्वाष शे पंणमिश्वर की नंजरी दे बै-कसूर बंणें, तअ आप्णे प्रभू यीशू मसीया के जाँणें पंणमिश्वर की गईलो मिली-चालियों रंह्,

रोमियों 8:6

किन्देंखे के जूण्जे आदमी आप्णें पाप वाल़े सुभाव दे जीयों, तिन्दें का नंतीजा मंऊँत्त असो, अरह् जुण्जे आदमी पबित्र-आत्त्मा की बातो दा मंन लाँव, तिन्दें का नंतीजा जीवन अरह् शाँण्त्ति असो;

रोमियों 9:21

कियो कुमाँर का माँटी गाशी हंक-अधिकार आथी ने, के ऐकी ही माँटी के लेदे लई ऐक बासंण शोह् खे; अरह् दुज़ो घरे बर्तोणों खे बाँणों?

रोमियों 9:23

पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

गलातियौं 5:22

परह् पबित्र-आत्त्मा का फल़ पियार, खुशी, शाँण्त्ति, धीरज, कृपा, भलाऐ, बिश्वाष,

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

फिलिप्पियों 4:7

तबे पंण्मिश्वर के शाँण्त्ति, जू बादी संम्झ शे बाऐर असो, तुवाँरें दिल अरह् तुवाँरे बिचार मसीया प्रभू यीशू दे बचाऐं दियों।

1 तीमुथियुस 1:17

ऐबे सदा का राजा मतल्व अ-बिनाषी, अनाँथों: खे, सिर्फ ऐक पंण्मिश्वर का आदर अरह् बड़ियाऐ ज़ूगौ-ज़ूगौ तोड़ी हंदी रंह्। आमीन।

इब्रानियों 2:7

तुँऐं तेसी सिर्फ थोड़े ही बंख्त्तों खे स्वर्गदूत्तों शा थोड़ा ही ऊँदोड़ा थुवा: तुऐं तेसी आप्णीं बड़ियाई अरह् आदर-ईज्जत्त शा संजाऐ दिता,

याकूब 2:22

तबे: तुँऐं दे:खी पाव, के बिश्वाष अरह् करंम साथी चालो, अरह् करंम लई बिश्वाष मंजबूत-पाक्का रंह्।

याकूब 3:13

तुँओं मुँझी ज्ञाँनी अरह् ठगड़ा सम्झदार कुँण असो? जुण्जा ऐशा हों के आप्णे आच्छ़े सभाव अरह् करंम के जाँणें ज्ञाँन पय्दा कर्णो वाल़ी नरमाँऐं आरी पर्गट हों।

1 पतरस 1:7

अरह् ईन्देंखे हों के तुवाँरा पर्खा अंदा बिश्वाष जू आगी शे भाड़े अंदे नाँष हंणों वाल़े सुन्नें शा भे कैथी बैजाऐ किम्त्ति असो; प्रभू यीशू मसीया के पर्गट हंणों गाशी, तारीफ, अरह् बड़ियाऐं अरह् आदर का कारण बंणों।

1 पतरस 5:4

जबे सेजा बड़ा जगवाल़ा पर्गट हला, तअ तुँओं खे बड़ियाऐं को मुँकुट-ताज दियो ज़ालो; जू कोद्दी भे मुँल़शाँन्दो ने।