रोमियों 2:1 - Sirmouri

¹ तअ: ओ दोष-ईल़जाम लाँणों वाल़े, तू भाँव कुँऐं भे असो, ताँव कैई जबाब ने आथी; किन्देंखे के जियों बातो दा तू ओकी गाशी दोष-ईल़जाम लाँऐ, तियों ही बातो का ताँदा भे दोष-ईल़जाम लागदा, ईन्देंखे के तू जू ओकी दा दोष-ईल़जाम लाँऐं, तू आपू भे सेजी ही टह्ल करे।

सिरमौरी नौवाँ नियम

¹ इथकारिए, ओए रै ओकी पांदी दोष लाणौ वाल़ै! तुऐं चाहै कुणिए बै काए नी हौंव, भाना ना बाणै सौकौ। जियौं बातौ दा तुऐं ओकी पांदी दोष लांव, तियौंई बातौ दा आपी कै बै दोषी बाणौ, जिथुकै तुऐं, जू ओकी पांदी दोष लांव, आपी बै सैजैई काम कौरौ।

रोमियों 2:1 ပူးပေါင်းရင်းမြစ်များ

लूका 12:14

प्रभू यीशू ऐ तैस्खे बुलो, “हे भाऐ! कुँणें मुँह तुवारा पंच सियाँणा बंणाऐं थुवा; के हाँव तुवाँरा बाँडा-बंडाऊँ?”

लूका 19:22

तेने सैठे ऐं ऐजो शुँणियों, तेसी दास खे बुलो, ‘ओ दुष्ट दास! हाँव तेरे ही बुल्णों लई ताँव दूषी-कसूरबार बाँणू; तू मुँह जाँणें थिया, के हाँव शक्त्त कठूर आदमी असो; जुण्जों मुँऐ थऐ ने थई, सेजो हाँव ऊँबो थागू; अरह् जुण्जो मुँऐं बऐ ने थई सेजो भे हाँव ऊँडो लुणू?

लूका 6:37

“दोष-ईल़्जाँम ने लाऐ, तअ तुँओं दा भे दोष-ईल़्जाँम ने लागो: दोषी-कसुरबार ने बाँणें, तअ तुओं भे दोषी-कसुरबार ने बाँणें ज़ाँव: माफ करह्, तअ तुओं खे भे माँफ करो ज़ालो।

रोमियों 14:22

तेरा जू बिश्वाष हों, तेसी पंणमिश्वर के साम्णें आप्णें ही मंन दा थह्। भागोईत असो! सेजा जेस्की अंत्तर-आत्त्मा तेसी कसूरबार ने बाँण्दी, जबे से आप्णी संमझशा शा चालो।

रोमियों 2:2

आँमें जाँणों ऐं, के ऐष्णी-ऐष्णी काँम-काज़ कर्णो वाल़े, गाशी पंणमिश्वर की ढबे शी सही-सही सजा की अज्ञाँ भेटो।

रोमियों 2:3

ओ आदमी तू जू ऐष्णी-ऐष्णी काँम-काज़ कर्णो वाल़े गाशी दोष-ईल़जाम लाऐं, अरह् आपु भे ऐष्णी ही काँम-काज़ करे; तअ कियो तू ऐशो जाँणें के तू पंणमिश्वर की सजा शा छूटी ज़ाँईदा?

रोमियों 3:9

तअ तबे का हुओ? कियों आँमें तिन शे आछे असो? बिल्कुल् ने; किन्देंखे के आँमें यहूदियों अरह् यूनानियों दुई गाशी ऐजा दोष-ईल़जाम लाऐ थुवा, के से बादे के बादे पाप के बषौ दे असों।

रोमियों 9:20

हे आदमी भला तू कुँण असो; जू पंणमिश्वर का सामणा करे? कियों घड़ी-तराशी अंदी चींज घढ़णों वाल़े खे बुली सको, के “तुँऐं मुँह ऐष्णा कैई बाँणा?”

1 कुरिन्थियों 4:5

ईन्देंखे जाँव तोड़ी प्रभू ने आँव, तेसी बख्तो शा आगे कोसी भी बातो का नियाँव ने करे: किन्देंखे के से ईनाँरे दी दब्बी अंदी बातो आपु पियाशै दी दे:खाले, अरह् आदमी के मंन के बिचार भे आपु पर्गट कर्लें, तबे पंणमिश्वर की ढबे शी ऐकी नाँमों के बड़ियाऐ हली।

1 कुरिन्थियों 7:16

किन्देंखे के ओ तिरोंई, तू का जाँणें के तू आप्णें घरवाल़े का छुट्कारा कराऐ पाऐदी? अरह् ओ मरोदह् तू का जाँणें के तू आप्णी घरवाल़ी का छुट्कारा कराऐ पाईदा?

याकूब 2:20

परह् ओ ज़ोगर आदमी, कियों तुँऐं ऐजो भे जाँण्दें ने, के करंम के बिना बिश्वाष बै-कार असो।

याकूब 4:11

हे भाऐ बंईणों, ओका ओकी के बदनाँमी ने करे, किन्देंखे के जुण्जे भाऐ बंईणों ओका ओकी के नीदया-बदनाँमी करह्, के आप्णें भाऐ कसूरबार बाँणों; से अज्ञाँ-नीय्म के बदनाँमी करह्; अरह् अज्ञाँ-नीय्म कसूरबार बाँणों; अरह् जे तू अज्ञाँ-नीय्म दा चाल्णों वाल़ा ने, परह् तिन्दे का नींयाँईच़ू बंणें।