रोमियों 16:7 - Sirmouri

⁷ अन्द्रुनीकुस अरह् यूनियास खे जू मेरे कुड़्बे के असो, अरह् मेरी गईलो कय्द हुऐ थिऐ, अरह् प्रभू यीशू के खास-चेलै मुझी माँने-गीणें असो, अरह् मुँह शे आगे मसीही बंणें थिऐ, नमंष्कार।

सिरमौरी नौवाँ नियम

⁷ अन्‍द्रुनीकुस औरौ यूनियास कै जू मैरै साथी यहूदी औसौ, औरौ मैरै साथै कैदी बै थिए औरौ चोणेयौंदे चैलै तिनु आछै शै जाणौए, औरौ ऐजै दुईनै जोणे मुं दै आगै मसीह दै आए गौवै थिए, नमशकार।

रोमियों 16:7 ပူးပေါင်းရင်းမြစ်များ

यूहन्ना 14:20

तेसी देसे तुँओं कैई ऐजा पता लागला, के हाँव आप्णें बाबा दा असो; अरह् तुऐं मुँह्दें असो, अरह् हाँव तुओं दा बसा अंदा असो।

यूहन्ना 15:2

मुँह्दी लागी अंदी ऐक नाँम डाल़ी जिन्दें फ़ल़ ने लागदे, तियों से काटी दियों; अरह् जियों डाल़ी दे फ़ल़ लागो, तियों डाल़ी के से काट-छ़ाँट करह्; के तिन्दें हजो भे जादा फ़ल़ लागो।

यूहन्ना 6:56

अरह् जुण्जा मेरी देह्-शरीर खाँव, अरह् मेरो लह्ऊँ पीयों, से सदा मुँदा बास करदा, अरह् हाँव तेस्दा बसा अंदा रंह्दा।

रोमियों 16:10

अरिस्तुबुलुस खे, जू मसीया दा साच्चा-पाका नींक्ल़ा, नमंष्कार। अरिस्तुबुलुस के घराने खे नमंष्कार।

रोमियों 16:11

मेरे कुड़्बे के हेरोदियोन खे, नमंष्कार। नरकिस्सुस के घराने के जू लोग प्रभू दे असो, तिनखे नमंष्कार।

रोमियों 16:21

मेरा साजी तीमुथियुस का, अरह् मेरे कुड़्बे के लूकियुस अरह् यासोन अरह् सोसिपत्रुस का तुँओं खे नमंष्कार।

रोमियों 16:3

बंईण प्रिस्का अरह् तियारा घरवाल़ा भाऐ अक्विला खे जू मसीया यीशू दे मेरे साजी असो, तिन्खे नमंष्कार।

रोमियों 16:6

मरियम खे, जिऐं तुँओं खे बैजाऐ मेंह्न्त करी, नमंष्कार।

रोमियों 16:8

अम्पलियातुस खे, जुण्जा प्रभू दा मेरे प्यारा असो, नमंष्कार।

रोमियों 16:9

उरबानुस खे, जू मसीया दा अमाँरा साजी असो, अरह् मेरा प्यारा इस्तखुस खे नमंष्कार।

रोमियों 8:1

तअ: ऐबे जू मसीया यीशू के असो, तिनू् गाशी पंणमिश्वर की सजा के अज्ञाँ ने आथी। (किन्देंखे के से देह्-शरीर के मंन की बुरी हिछ़ा शे ने, परह् पबित्र-आत्त्मा की हिछ़ा शे चालो।)

रोमियों 8:11

जे तेस्की ही आत्त्मा जिन्ऐं यीशू मरे अंदे मुँझ्शे जीऊँदे करे, से तुँओं दे बसे आँदें असो; तअ जिन्ऐं यीशू मसीया मरे अंदे मुँझ्षा जींऊँदा करा, से तुवाँरे देह्-शरीर भे आप्णी आत्त्मा के जाँणें जुण्जा तुँओं दा बसा अंदा असो, से जियाल़्दा ऐ।

रोमियों 9:3

किन्देंखे के हाँव ऐते ज़ुगौ चहाँऊ, के इस्राएली लोग जू मेरे देह्-शरीर के भाव शे भाऐ-बंईण, अरह् मेरे कुढ़्बे के असो, तिनकी भलाई खे हाँव मसीया का श्राँप-फींटकारा आपु गाशी लंणों खे; अरह् तिन्दें शा ज़ई रंहणों खे भे तियार असो।

1 कुरिन्थियों 1:30

परह् तेस्की ही ढबे शे तुँऐं मसीया यीशू के असो, जू पंणमिश्वर की ढबे शा आँमों खे ज्ञाँन बंणा, मतल्व धर्म, अरह् पबित्रता, अरह् मुँक्त्ति;

2 कुरिन्थियों 11:23

कियों सेही मसीया के दास असो; हाँव झाले को जैष्णों बुलू, हाँव तिन शा बड़ियों असो! जादा मेंह्नत्त कर्णो दा; बार-बार कय्द हंणों दा; कोड़े खाँणों दा; बार-बार मंऊँती के मुँहों दा;

2 कुरिन्थियों 12:2

हाँव मसीया का ऐक भगत्त जाँणू, जेसी च़ौऊँदो साल आगे च़ींज़ै स्वर्गो तोड़ी ऊबा टीपा गुवा; देह्-शरीर दा के बिना देह्-शरीर का; ऐजो हाँव ने जाँण्दा, परह् पंण्मिश्वर जाँणों।

2 कुरिन्थियों 5:17

ईन्देंखे के जे कुँऐं मसीया दा असो, तअ से नऐ सृष्टि असो: पुराँणी बातो ज़ाँदी रंई; दे:खो, बादी बातो नंई हऐ गई।

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

गलातियौं 1:22

परह् यहूदिया के कलीसिया ऐ जू मसीया दी थी, तिन्ऐं मेरो मुँह कद्दी ने दे:खी थई थी।

गलातियौं 2:2

पंण्मिश्वर ऐं मुँह कैई दिव्यदर्षण के कारण पर्गट करो, के मुँह जाँणों पड़ो; तबे मुँऐं तिनू लोगो के सहाँम्णें परह् ऐकाँन्त्तदो खास आदमी के सहाम्णें सेजी ही बात्त बुली; जिन्दें का प्रचार हाँव गऐर यहूदियों मुँझी करू; जिन्दें लई ऐशो ने हंईयों, के जुण्जी दोड-धूप मुँऐं करी लऐ, मतल्व करी पाऐ; सेजी बैकार ने ज़ाँव।

गलातियौं 2:6

परह् तिनू जाँने-माँने लोगो कैई शो मुँह किऐं ने भेटी, से भाँव कैष्णें ही भी थिऐ; मेरे तिंन्दे शो किऐ ने लोंणी थी, बिना कोसी का भेद्-भाव के बादे आदमी पंण्मिश्वर के सहाम्णें ऐक-भाँते असो; ईन्देंखे मुँह तिनू जाँने-माँने लोगो शा मुँखे अरह् मेरी खुषख्बरी खे किऐ फाय्दा ने हई।

गलातियौं 5:6

प्रभू यीशू मसीया दा बिश्वाष कर्णो लई, ना खतना, अरह् ना बिना खतने का, तिन्दें का किऐ मतल्व ने आथी; परह् जे मतल्व असो, तअ सिर्फ बिश्वाष का, जुण्जा पियारो लई करा ज़ाँव।

गलातियौं 6:15

किन्देंखे के ना खतना अरह् ना खतना के बिना किऐ आथी, परह् नंई सृष्टी सजी ही प्रभू यीशू के बात असो।

इफिसियों 2:10

किन्देखे के पंण्मिश्वर ऐं अमाँरी रंचणाँ करी, अरह् तिन्ऐं प्रभू यीशू मसीया आरी बादी संईसारी की रंचणा करी; जिन्दें लंई आँमें सेजे बादे आच्छ़े काँम-काज़ पुरे कंर्दे रंह्, जुण्जे पंण्मिश्वर ऐ आगे ही आँमों खे तैयार करी थुऐ।

कुलुस्सियों 4:10

भाऐ-अरिस्तर्खुस, जू मेरी गईलो कय्दी दा असो, अरह् मरकुस जू बरनबास का भाऐ असो, (जेस्के बारे दे तुँओं खे अज्ञाँ भेटी थी, के जे से तुँओं कैई आँव तअ तेसी आरी आछा बर्ताव करे),

फिलेमोन 1:23

इपफ्रास, जू मसीया यीशू दा मेरे गईलो कय्दी असो, तैस्का तुँओं खे नमंष्कार,

1 यूहन्ना 4:13

ईन्दें लई ऐजो जाणी ज़ाँव के आँमें तिन्दा अरह् से आँमों दा बास करह्; किन्देंखे के तिन्ऐं आप्णी आत्त्मा आँमों खे देऐ थऐ।

1 यूहन्ना 5:20

आँमें ऐजी सच्चाऐ जाँणों ऐ, के पंण्मिश्वर का बैटा आऐ, अरह् आँमों खे ऐजी संम्झ दिती जू सच्चाऐ असो, आँमें तियों जाँणों, अरह् तिन्दें अट्ल़ पाक्के मंन दे बंणें रंह्, जू सच्चाऐ असो, मतल्व तिनके बैटा मसीया प्रभू यीशू शे ही सोतिखे पंण्मिश्वर अरह् सदा-सदा का अमर-जीवन असो।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।