रोमियों 16:2 - Sirmouri

² के जेष्णाँ पबित्र लोगो का स्वागत् हुवा चेंई, तेष्णा ही तियाँरा भे प्रभू दा स्वागत् करह्, तैष्णी ही माँनों; अरह् जियों कोसी बातो दी तियाँरे तुँवारी जरूरत असो, तियाँरी साऐता-मंद्द करह्, किन्देंखे के से भे भहिते की मतल्व मेरी भी मदत्तगार कर्णो वाल़ी असो।

सिरमौरी नौवाँ नियम

² कै जू प्रभु कै औसौ, तियौं का स्वागत कौरौ, औरौ जैसी कोसी बात दै तियौंकै तुऔं लोगौ शै मौदद चैंई, तियौंकै मौदद कौरौ; जिथुकै सै बै बौहितै कै यानी मैरी बै मौदद कौरणौवाल़ी हौए रौए।

रोमियों 16:2 ပူးပေါင်းရင်းမြစ်များ

मत्ती 25:40

राजा तिन्खे जबाब देला; ‘हाँव तुओं खे खास बात बुलू, के जुण्जो किऐ तुँऐं आप्णें भाई, बंऐणी, खे जुण्जे मेरे ईनू छोटे शे छोटे खे किऐ करो; तुऐं सेजो ईनखे ने परह् मुँखे करी थुओं।’

प्रेरितो कै काम 9:13

परह् हनन्याह ऐ बुलो, “हे प्रभू! मुँऐ कंई लोगों कैई शो शुँणीं थो; के ऐने आदमी ऐं यरूशलेम दे तुवाँरे भगत्तों गाशी अत्त्याचार करी थुवा।

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

प्रेरितो कै काम 9:36

याफा नंगर दा तबिथा मतलब् यूनानी भाषा दो दोरकास नाँव के ऐक बिश्वाषनी रंह् थी; से बैजाऐ भले-भले काँम-काज़ अरह् दाँण-पूनं करिया करह् थी।

प्रेरितो कै काम 9:39

तबे: संत्त-पतरस बींऊँजियों तेख्णीं तिनकी गईलो चाल पड़े, अरह् जबे से याफा दे पंह्ऊँचे, तअ लोगे ऐ तिनू टंकैड़ी गाशी नींऐ; तेथै बादी बिधवा रूदे-रूदे तियाँरे च़ौऊँ ढबै खह्ड़ी हंऐ रंई थी; अरह् से कुर्ते अरह् खोट्णों तिन कैई शे देखाँदी लागी; जुण्जे तिऐ दोरकास ऐ तिनकी गईलो रंह्दे बख्त्ते बंणाऐ थुऐ थिऐ।

प्रेरितो कै काम 9:41

संत्त-पतरस ऐ तियाँरा हाथ थाँम्ब्ड़ियों तियों खह्ड़ी करी, अरह् पबित्र लोग अरह् बिधवा बऐदियों दोरकास तिनू कैई शी जीऊँदी देखाऐ।

रोमियों 15:7

ईन्देंखे जेष्णी मसीया ऐ पंणमिश्वर के बड़ियाऐ खे तुँओं माँनी थुऐ, तेष्णें ही तुँऐं भे ओका ओकी माँनिया करह्।

रोमियों 16:15

फिलुलुगुस अरह् यूलिया अरह् नेर्युस अरह् तिनकी बऐणें, अरह् उलुम्पास अरह् तिनकी गईलो के बादे पबित्र लोगो खे, नमंष्कार।

रोमियों 16:23

गयुस जू मेरी अरह् कलीसिया का पाऊँणाई कर्णो वाल़ा असो, तेस्का तुँओं खे नमंष्कार। इरास्तुस जू नगर का भडारी असो, अरह् भाऐ क्वारतुस का तुँओं खे नमंष्कार।

रोमियों 16:6

मरियम खे, जिऐं तुँओं खे बैजाऐ मेंह्न्त करी, नमंष्कार।

रोमियों 16:9

उरबानुस खे, जू मसीया दा अमाँरा साजी असो, अरह् मेरा प्यारा इस्तखुस खे नमंष्कार।

इफिसियों 5:3

जेष्णें के पबित्र लोग हुऐ चैई, तुवाँरे बिचो दे किऐ भे च़ूरीजारी ने हंऐ चैंई, अरह् ना किऐ अशुद्ध काँम-काज़, अरह् ना किऐ लोभ-लाल़्च, के बात तक ने हऐ च़ैई;

फिलिप्पियों 1:27

सिर्फ ऐतड़ो करह्, के तुवाँरा चाल-चल़्ण मसीया के खुषख्बरी के ज़ुगा हों, के हाँव आऐयों तुँओं देखू, भाँव ना देखू; परह् हाँव तुवाँरे बारे दो ऐजो ही शुणू, के तुँऐं ऐक ही आत्त्मा दे अट्ल़ असो, अरह् ऐक मंन हऐयों खुषख्बरी के बिश्वाष खे मेंह्नत कर्दे रंह्,

फिलिप्पियों 2:29

ईन्देंखे तुँऐं तेसी आरी बैजाऐ खुशी शे भेंट करे, अरह् प्रभू दे बैजाऐ आँनन्द दा तेस्का सू-स्वागत् करे।

कुलुस्सियों 4:10

भाऐ-अरिस्तर्खुस, जू मेरी गईलो कय्दी दा असो, अरह् मरकुस जू बरनबास का भाऐ असो, (जेस्के बारे दे तुँओं खे अज्ञाँ भेटी थी, के जे से तुँओं कैई आँव तअ तेसी आरी आछा बर्ताव करे),

1 तीमुथियुस 2:10

बलकी भले काँमों शी सजो, किन्देंखे के पंण्मिश्वर की भगत्ती धारण कंर्णो वाल़ी तिरंईयों खे ऐजो ही ठीक भे असो।

2 तीमुथियुस 1:18

(प्रभू ऐशो करह्, के तेसी देसे तेसी गाशी दया-रंय्म हों)। अरह् जुण्जी-जुण्जी सेवा तेने इफिसुस दी करी, तियों भे तू आच्छ़ी ढंग शी जाँणें।

तीतुस 2:3

तेष्णी ही बूड़ी तिरंई का चाल-चल़्ण भे पबित्र लोगो जेष्णाँ हुआ चेंई; से बदी लाँणों वाल़ी, अरह् पिय्कड़ ने हई चेंई, परह् आच्छ़ी बातो शिखाँणों वाल़ी हई चेंई

फिलेमोन 1:12

तैसी ही जू मतल्व मेरे काल़जे का टुक्ड़ा असो, मुँऐं तैसी ताँव कैई पाछू डियाल़ी थुवा।

फिलेमोन 1:17

तअ: जे तू मुँह आप्णा साथी जाँणें, तअ ऐसी ऐशा मान जैष्णाँ के तू मुँह मुँह माँने।

2 यूहन्ना 1:10

जे कुँऐं तुँओं कैई आँव, अरह् ऐजी ही शिक्क्षा ने दियों, तअ तैसी ना तअ भीटा घर दा आँणों दिऐ, अरह् ना तैस्खे नमंष्कार करे।