रोमियों 15:19 - Sirmouri

¹⁹ अरह् चींन-निशाँणी अरह् बड़े काँम-काज़ की शक्त्ति शी अरह् पबित्र-आत्त्मा की शक्त्ति शी मेरे जाँणें करी; ऐतै ज़ूगी के मुँऐ यरूशलेम शी ऊँडी चौऊँँ ढबे इल्लुरिकुम तोड़ी मसीया की खुषख्बरी का पुरा-पुरा प्रचार करा।

सिरमौरी नौवाँ नियम

¹⁹ औरौ पवित्र आत्मा कै दवारा मुखै दैय गोई अनौखी शौकतै शै हांव अनौखै काम औरौ चौमत्कार कौरु इथकारिए जिथै बै हांव यरूशलेम शहर शै इल्‍लुरिकुम प्रदेश तौड़ी हौटा, तौ मोऐं तिथै सौबी लोगौ कै, यीशु मसीह कै बारै मुंजी सुसमाचार शुणौऊवा।

रोमियों 15:19 ပူးပေါင်းရင်းမြစ်များ

मत्ती 12:28

परह् जे हाँव पंणमिश्वर के आत्त्मा की मंद्त्त-सहाय्ता शी दुष्ट-आत्त्मा गाड़ू, तअ पंणमिश्वर को राज्य तुँओं मुँझी आऐ पुज़ों।”

यूहन्ना 4:48

तबे प्रभू यीशू ऐ तेस्खे बुलो, “तुऐं लोग चींह्न-चंम्त्तकार देखे बिना बिश्वाष कैई ने कर्दे।”

प्रेरितो कै काम 1:8

पबित्र-आत्त्मा तुँओं गाशी ऊँत्रणों गाशी, तुओं खे शक्त्ति भेट्ली; अरह् तुँऐं यरूशलेम अरह् बादे यहूदिया अरह् सामरिया दे, अरह् धर्ती के आखरी कुँणें तोड़ी मेरे गुवाह-शाज़्त्त हले।”

प्रेरितो कै काम 13:14

संत्त-पौलुल अरह् बरनबास पेरगे शे आगु चालियों पिसिदिया ईलाके के अन्ताकिया नंगर दे आऐ; अरह् से बिषाँव के देसे यहूदी चौत्रें दे ज़ाऐयों बंऐठी गुऐ।

प्रेरितो कै काम 13:51

तबे: संत्त-पौलुस, अरह् संत्त बरनबास ऐं तिनके बिरूध गुवाऐ-शाज़्त्त देंणों खे, आप्णें लात्तो की धूड़-माँटी भे तैथी झ़ाड़ी दिती; अरह् से आपु इकुनियुस नंगर खे हुटे।

प्रेरितो कै काम 14:10

संत्त-पौलुस ऐ जूराल़ो बुलो, “आप्णी बाँगणी के सहारे सीधा खह्ड़ा हों” से ऊष्टियों आप्णी बाँगणीं के सहारे खह्ड़ा हुआ, अरह् ऊडा-पुडा हाँडा।

प्रेरितो कै काम 14:20

जबे चैले संत्त-पौलुस के चौऊँ ढबै कंट्ठै हुऐ, तअ से बादे झ़ुहणें हजों बीऊँजे अरह् तेसी नंगर दे हुटे; अरह् दुज़े के से बरनबास की गंईलो दिरबे खे हुटे।

प्रेरितो कै काम 14:25

अरह् पेरगे नंगर दे खुषख्बरी शुँणाँऐयों से अंत्तालिया नंगर दे आऐ,

प्रेरितो कै काम 14:6

परह् जेई संत्त-पौलुस अरह् संत्त-बरनबास कैई ईयों बातो का पता लागा; तेई से तेथै शे लुकाउनिया के लुस्त्रा अरह् दिरबे जैष्णें नंगरोंह् शे उडे-पुडे के ईलाके दे भागियों बंची गुऐ।

प्रेरितो कै काम 15:12

जबे बादी खुम्ल़ी के लोग चुप-चाँण संत्त-बरनबास अरह् संत्त-पौलुस की बातो शुँण्दे लागे, के पंण्मिश्वर ऐ तिनके जाँणें गऐर-यहूदी मुँझी कैष्णें-कैष्णें बड़े चींह्न-चंम्त्तकार अरह् नोंखे-नोंखे काँम-काज़ देखाऐ थुऐ।

प्रेरितो कै काम 16:18

से बैजाऐ देसो तोड़ी तेष्णों ही कर्दी रंऐ; अरह् संत्त-पौलुस तिदा दुखी हुआ, अरह् तेने पाछू फीरियों तियों दुष्ट-आत्त्मा खे बुलो, “हाँव ताँव्खे यीशू मसीया के नाँव शी अज्ञाँ देऊँ, के ईयों शी निक्ल़ी ज़ा” अरह् से तियों शी तेख्णी नीकल़ी गऐ।

प्रेरितो कै काम 17:10

बिश्वाषी भाई-बंईणों ऐ तेख्णी रात्ते-रात्त संत्त-पौलुस अरह् सीलास बिरीया नंगर खे डेयाल़ी दित्ते; अरह् तेथै पंह्ऊँचियों से यहूदियों के च़ौत्रें दे हुटे।

प्रेरितो कै काम 17:15

संत्त-पौलुस के साथिऐ तेसी एथेंने नंगर तोड़ी डेयाल़ा, अरह् संत्त-पौलुस के ईयों अज्ञाँ आरी पाछ़ू आऐ; के जैतड़ी शिघवाँत्त हऐ सको, सीलास अरह् तीमुथियुस मुँह कैई पाछ़ू आँव।

प्रेरितो कै काम 18:1

तबे संत्त-पौलुस एथेंस नंगर छुड़ियों कुरिन्थियों दा आया।

प्रेरितो कै काम 18:19

जबे से इफिसुस नंगर दे पंह्ऊँचे, तअ संत्त-पौलुस ऐं प्रिस्किल्ला अरह् अकिवला तैथी छ़ोड़ी दित्ते; अरह् आपु यहूदी च़ौत्रें दे ज़ाऐयों यहूदियों की गईलो बात-च़ीत्त करदा लागा।

प्रेरितो कै काम 19:1

ऐशो हुओ के जबे अपुल्लोस कुरिन्थियों दा थिया, तअ संत्त-पौलुस ऊबे के बादे गाँव-इलाके शा इफिसुस दा आया। अरह् तेथै तिनू किऐ चैले भेंटे।

प्रेरितो कै काम 20:20

अरह् जुण्जी-जुण्जी बातो तुवाँरे भलाई की थी, सेजी बादी बातो बुल्णों खे; मुँऐ किऐ झ़ीझ्क ने करी, परह् मुँऐं सोभी के सहाँम्णें अरह् घरह्-घरह् ज़ाँऐयों मुँऐ तिन्दे के बारे दे पुरी-पुरी शिक्क्षा दिती।

प्रेरितो कै काम 20:6

आँमें अखमीरी रोटी के देसो बैत्त्णों गाशी, फिलिप्पी नंगर शे पाँणी के जहाजो दे यात्रा शुरू करी; अरह् पाँच देसो, पाछ़ी त्रोआस दे तिन कैई पंह्ईच़ें, जेथै आँमें सात्त देसो तोड़ी रूऐ थिऐ।

रोमियों 15:13

पंणमिश्वर जू भुर्षे का दाता असो, से तुँओं खे बिश्वाष के जाँणें साँत्त-भात्ते आँनन्द अरह् शाँण्त्ति शे भरपुर करह्, जिन्दें लई पबित्र-आत्त्मा की शक्त्ति शा तुवाँरा भुर्षा शुरा-पुरा हों।

रोमियों 15:16

के हाँव गऐर यहूदी खे मसीया यीशू का दास बंणियों पंणमिश्वर की खुषख्बरी की सेवा याजकों जैष्णी करू; जिन्दे लई गऐर यहूदी लोग पंणमिश्वर कैईं धारण कर्णो ज़ुगी भेंट बंणी सको, अरह् पबित्र-आत्त्मा के जाँणें पंणमिश्वर खे पुरे ढंग शे पबित्र बंणों।

रोमियों 15:24

ईन्देंखे जबे हाँव स्पेन खे ज़ाँऊबा तअ तुँओं कैई शा चग्राईयों ज़ाँऊबा, किन्देंखे के मुँह भूर्षा असो, के तियों यात्रा दी तुँओं आरी मेरी भेंट मील हंदी, अरह् जबे तुँवारी साथ-हाथ शा मेरा जीऊँ कुछ भरी ज़ाँव, तअ तुँऐं मुँह किऐ आगुड़े तोड़ी डेयाल़ी दिऐ।

1 कुरिन्थियों 2:4

अरह् मेरे बचन, अरह् मेरे प्रचार दी ज्ञाँन की लाल़च देणों वाल़ी बातो ने थी, परह् पबित्र-आत्त्मा अरह् शक्त्ति का नंतिजा थिया,

2 कुरिन्थियों 12:12

प्रभू यीशू के खास-चैले के जिऐं भे तुँओं मुँझी सात्त-भाँत्ते धीरज आरी चींन, अरह् चंम्तकार के काम, अरह् शक्त्ति के काम भे दे:खाऐं गुऐ।

गलातियौं 3:5

पंण्मिश्वर जू तुँओं खे आप्णी आत्त्मा दियों, अरह् जू तुँओं मुँझी चींन-चम्तकार करह्; से ऐजो ईन्देंखे करह्, के तुँऐं मूसा खे भेटे गुऐ अज्ञा-निय्म का पाल़्ण करह्, के तुँऐं खुषख्बरी शुणियों बिश्वाष करो?

कुलुस्सियों 1:25

ईयों ही कलीसिया की ताँईऐ हाँव तुओं खे पंण्मिश्वर के जाणें दिती गंऐ, सेवा खे सेवक च़ूणाँ-छ़ाँटा गुवा, के हाँव पंण्मिश्वर की अज्ञाँ का ठीक ढंग शा बचन का प्रचार करूँ।

1 थिस्सलुनीकियों 1:5

किन्देंखे के अमाँरी खुषख्बरी तुँओं कैई सिर्फ शब्द मात्र ही ने आथी, परह् शक्त्ति अरह् पबित्र-आत्त्मा दे, अरह् पाक्कै इरादे आरी पऊँची रंऐ; जेष्णों तुँऐं जाँणों ऐ के आँमें तुँवारी ताँईऐ तुँओं मुझी कैष्णें बंणी रंह् थिऐ।

2 तीमुथियुस 4:17

परह् प्रभू मेरे मंद्दत्तगार रूऐ, अरह् मुँखें शँक्त्ति दिती, जू मेरी जाँणें खुषख्बरी का पुरा-पुरा प्रचार हों, अरह् बादे गऐर यहूदी लोग शुँणीं पाँव; अरह मुँह सीयों के ज़ात्ती शा जिया छ़ुडाया गुवा।

इब्रानियों 2:4

ईन्देंके सुवाऐ पंण्मिश्वर ऐ चींह्न-चंम्त्तकार अरह् आप्णी कंई-किस्मं के अनोंख्हें काँमों के कारण: अरह् आप्णीं हिछ़या के मुँताबिक देऐ गंऐ पबित्र-आत्त्मा के तागत्त के कारण भी ईन्देंके घोष्णाँ करी थंऐ।

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।