रोमियों 14:9 - Sirmouri

⁹ किन्देंखे के मसीया ईन्दी ही की ताँईऐं मंरा, अरह् ऊबे भे जींऐं के से मरे अंदे अरह् जींऊदे दुई के प्रभू असो।

सिरमौरी नौवाँ नियम

⁹ जिथुकै मसीह इथकारिए मौरा औरौ औटेयौ जियुंदी हौए गौआ कै सै सैजाई औसौ जैसी मौरेयौंदे औरौ जियुंदी लोग दुईनै प्रभु कै रुप दै स्वीकार कौरौ।

रोमियों 14:9 ပူးပေါင်းရင်းမြစ်များ

मत्ती 28:18

प्रभू यीशू ऐ तिन कैई आऐयों बुलो, “स्वर्गो अरह् धर्ती का बादा हंक-अधिकार मुँखे दिया गुवा।

लूका 24:26

कियों जरूरी थी ने, के मसीया ऐजा बादा दु:ख्ह भूगों, अरह् ऐषी ही दाँई आप्णी बड़ियाई लंई दाखिल हंदें?”

यूहन्ना 12:24

हाँव तुँओं खे ऐक खास बात बुलू, के जाँव तोड़ी गींऊँ का दाँणा जींम्मी दा पड़ियों मँरी-शड़ी ने ज़ाँदा, ताँव-तोड़ी से ऐक्ली ही रंह्; परह् जबे से मँरी-शंड़ी ज़ाँव, तअ तबे सेजा दाँणा हजो ऊँबा जाँमियों आपु दे फल़ियों बैजाऐ दाँणें फल़ आँणों।

प्रेरितो कै काम 10:36

पंण्मिश्वर ऐं इस्राएलियों खे आप्णा आच्छ़ा शुझ़ा दिता, अरह् यीशू मसीया के जाँणें, जुण्जे सोभी के प्रभू! पंण्मिश्वर असो: तिन कैई ही शाँण्त्ति की खुषख्बरी शुँणाँणों खे दिती।

प्रेरितो कै काम 10:42

अरह् तिन्ऐ आँमों खे ऐजी अज्ञाँ दिती, के आँमें लोगो मुँझी ऐजा प्रचार करह्; अरह् ऐजी घोष्णाँ करी दियों, साफ-साफ गुवाऐ-शाज़्त्त दियों; के से ‘सेजा ही असो!’ जिनू पंण्मिश्वर ऐं जीऊँदे अरह् मंरे अंदे का नियाँव कर्णों वाल़ा, नींयाँईच़ू बंणाँऐ थुवा।

रोमियों 10:9

के जे तू आप्णे मुँहों शा यीशू खे प्रभू जाँणियों माँनें, अरह् आप्णे मंन शा बिश्वाष करे, के पंणमिश्वर तिनू मरे अंदे मुँझ्षे ऊबे जींयाल़े, तअ तू जरूर मुँक्त्ति पाँईदा।

2 कुरिन्थियों 5:14

किन्देंखे के मसीया को पियार आँमों मजबूर-बै-बस करी दियों; ईन्देंखे के आँमें ऐजो जाँणों के जबे ऐक सोभी की ताँईऐं मरे, तअ बादे मरी गुऐ।

1 थिस्सलुनीकियों 4:14

किन्देंखे के जे आँमें बिश्वाष करह्, के प्रभू यीशू मंरे अरह् ऊबे जीऐ, तअ तेष्णे ही पंण्मिश्वर तिनू भी ऊबे जीयाल़्दे जू प्रभू यीशू गाशी बिश्वाष करियों मंरी रूऐ।

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

2 तीमुथियुस 4:1

पंण्मिश्वर अरह् मसीया यीशू हाजीर जाँणियों, जुण्जे जीऊँदे अरह् मँरे अँदे का नियाँव कर्ले; अरह् तिनके हजो पर्गट् हंणों गाशी तिनको राज नंजीक असो, ऐजो जाणियों हाँव ताँव खे ऐजी ऐक खास अज्ञाँ देंऊँ।

इब्रानियों 12:2

आँमें आप्णीं नंजर प्रभू यीशू दे थंह्, जुण्जे अमाँरे बिश्वाष के अगुवाल़ असो, अरह् सिद्ध कर्णो वाल़े असो; जिन्ऐं तेसी आँनन्द खे जुण्जा तिनखे आगे ही बंणाँऐ थुवा थिया; अरह् तिन्ऐं आप्णीं बैस्त्ति का किऐ भे फीकर ने करी, अरह् सेजी शुँल़ी-फ़ाँशी की मंऊँत्त संह्ऐन करी; अरह् पंण्मिश्वर के सिगाँस्णों के सुऐं ढंबै बंईठी गुऐ।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 पतरस 4:5

परह् जू हेभी जीऊँदे, अरह् मरी रूवें तिनू आप्णें कर्मों का लेखा-ज़ूखा प्रभू यीशू मसीया कैई देंणा पड़ला; जू तिनका नियाँव कर्णो वाल़े असो।

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 2:8

“स्मुरना नंगर की कलीसिया के दूत्त खे ऐजो लिख: “जू आगला अरह् आखरी असो, जू मँरी गुवा थिया, अरह् ऐबे जीऊँदा हऐ गुवा, से ऐजो बुलो के,