रोमियों 14:8 - Sirmouri

⁸ जे आँमें जीऊँदे असो, तअ प्रभू खे जीऊँदे असो; अरह् जे मंरो ऐ, तअ प्रभू खे मंरो; तअ: आँमें जींयों भाँव मंरो, आँमें प्रभू के ही असो।

सिरमौरी नौवाँ नियम

⁸ जिथुकै जै आमै जियुंदी औसौ, तौ प्रभु कै खातिर औसौ; औरौ जै आमु मौरे जोऊं, तौ प्रभु कै खातिर मौरु; तोबै आमै जियुं या मौरु, आमै प्रभु ही कै औसौ।

रोमियों 14:8 ပူးပေါင်းရင်းမြစ်များ

लूका 20:38

किन्देंखे के से मंरे अंदे का ने परह् जीऊँदे का पंण्मिश्वर असो; ईन्देंखे से बादे तीनखे जीऊँदे असो।”

यूहन्ना 21:19

प्रभू यीशू के बुल्णों का ऐजा मतल्व थिया, के संत्त-पतरस केष्णी मंऊँत्ती लंई, पंण्मिश्वर के बड़ियाऐ करदा: अरह् ऐजो बुलियों, प्रभू यीशू ऐ संत्त-परस खे बुलो, “मुँह पाछ़ी चाल।”

प्रेरितो कै काम 13:36

“किन्देंखे के दाऊद तअ पंण्मिश्वर की हिछ़या के मुँताबिक शे आप्णे ज़ूगौ दे सेवा करियों मँरी गुऐ, अरह् आप्णे पुराँणियाऐं की गईलो खात्ती-कबर दे थुऐ गुऐ, अरह् शँड़ी-गल़ी भे गुऐ।

प्रेरितो कै काम 20:24

मेरी नंजरी दे, मेरे जीवन-प्राँण के किऐ भे मोंल-किमम्त्त ने आथी; मेरे आप्णी जीयाँन-प्राँण प्यारे आथी ने: हाँव सिर्फ आप्णीं सेजी दोऊँड़ खह्त्तंम कर्णी चहाँऊ; अरह् सेजी सेंवा पुरी कर्णी चहाँऊ; जुण्जी प्रभू यीशू ऐं मुँह्खें देऐ थंऐ, मतल्व हाँव पंण्मिश्वर के कृपा की खुषख्बरी की गुवाऐ-शाज़्त्त देंदा रंह्ऊँ;

प्रेरितो कै काम 21:13

ईन्दे गाशी संत्त-पौलुस ऐ जबाब दिता, “तुँऐं लोगे तअ रूऐ-रूऐयों मेरा दिल च़ूड़ी लुवा, अरह् ऐजो बुलियों? हाँव प्रभू यीशू के नाँव के कारण यरूशलेम दा बाँनणों शा ने, परह् मंर्णो खे बे तैयार असो।”

1 कुरिन्थियों 15:23

परह् ऐक नाँम आप्णी बारी शे: आगला फल़ मसीया, तबे मसीया के आँणों गाशी तिनके लोग हंदे।

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

फिलिप्पियों 2:30

किन्देंखे के से मसीया की काँम-काज़ खे आप्णे पराँण भे जोख्मि दे पाँऐयों मऊँत्ती के नंजीक आऐ गुआ थिया जू कंम्मीं तुवाँरे ढबे शी मेरी सेवा दे रऐ रंऐ थी, से तियों कंम्मीं पुरी करह्।

1 थिस्सलुनीकियों 5:10

प्रभू यीशू ऐ अमाँरी ताँईऐं प्राँण ईन्देंखे दित्ते, के आँमें जीऊँदे असो, भाँव मँरी ज़ाँव, परह् जबे से हजो पाछू आँव; तअ आँमें तिनकी गईलो जीऊँदें रंह्।

प्रकाशितवाक्य 14:13

तबे मुँऐ स्वर्गो शी ऐजी धाव शुणीं, “लिख: भागोईत हंदें से मंरे अंदे, किन्देंखे के ऐबे तिनकी मंऊँत प्रभू दे हंदी,” ऐजो “साच्चो असो!” पबित्र-आत्त्मा बुलो, “होर, से आप्णी कष्टो-मेंह्नत शा बिषाँव कर्दे, किन्देखे के तिनके भले काँम-काज़ तिनकी ही गईलो असो।”