रोमियों 14:3 - Sirmouri

³ सब-कुछ खाँणों वाल़ा, नीरमाँसी खे छुटा ने जाँणें, अरह् ना नीरमाँसी सब-कुछ खाँणों वाल़ा कसूरबार बाँणों; किन्देंखे के पंणमिश्वरे तेसी भी कबूल करी थुवा।

सिरमौरी नौवाँ नियम

³ औरौ जू मांसहारी ‍औसौ, सै निर्मांसी कै बैकार ना जाणौ, औरौ जू निर्मांसी औसौ सै मांसहारी पांदी दोष नी लाया; जिथुकै पौरमेशवर दु कै स्‍वीकार कौरौ।

रोमियों 14:3 ပူးပေါင်းရင်းမြစ်များ

मत्ती 18:10

“ख्याल थुऐ, के तुँऐं ईनू छुटे मुँझ्षा कोसी भे छुटा छ़ूत्त जाँणियों ने दे:खो; हाव तुँओं खे बुल्णों चहाँऊ, के स्वर्गो दे ईनके स्वर्गदूत्त मेरे स्वर्गो के पिता को मुँह हमेशा दे:खो।”

मत्ती 9:14

तबे नहाँण-नूहाँणों वाल़े संत्त-यूहन्ना के चैले ऐ प्रभू यीशू कैई आऐयों बुलो, “का बात असो, के आँमें अरह् यहूदी भाट-बाँम्ण तअ ऐत्रा बरत करह्, परह् तुवाँरें चैले बरत ने कर्दे?”

लूका 18:9

किऐ लोग आपु खे आप्णें आत्त्मबिश्वाष आरी धर्मी जाँणों थिऐ, अरह् से ओकी लोगो खे पापी अरह् छूत्त जाँणों थिऐ; तिनू लोगो के बिचार दे:खियों, प्रभू यीशू ऐ तिनखे ऐक अनाँणों दितो।

प्रेरितो कै काम 10:34

तबे संत्त-पतरस ऐं बुल्णों शुरू करो, “ऐबे हाँव बिलकुल संहम्झीं गुवा; के पंण्मिश्वर कोसी आरी भी पक्षपात्त-अपणोंट ने करदा।

प्रेरितो कै काम 10:44

संत्त-पतरस ऐ ऐजो बुली ही लो थियों, के पबित्र-आत्त्मा तिनू सोभी लोगो गाशी ऊदी ऊत्री; जिनू लोगें ऐ बचन शुँणी लुवा थिया।

प्रेरितो कै काम 28:2

तेथै के रंहणों वाल़े लोगे ऐं आँमों आरी बैजाऐ आछ़ा बर्ताव करा; जबे अस्माँनों शो पाँणीं लागी रूओं थियों, अरह् तेथै बैजाऐ शेल़ौ-जाड़ो पड़ी रूओं थियों; तबे तेथै के लोगे ऐं आँमों खे आग बाल़ियों दित्ती, अरह् आमों सोभी लोग सेकाऐ दिते।

रोमियों 11:15

किन्देंखे के जबे तिनका छ़ुड़ा ज़ाँणा, पंणमिश्वरो आरी संईसारी के मिलाप का कारण बंणाँ, तअ कियों तिनका धारण करा ज़ाँणा, मरे अंदे मुँझ्शे ऊबे जींऊँणों के बराबर हंदी ने?

रोमियों 14:1

जुण्जा बिश्वाष दा कंंमजोर असो, तेसी आप्णी साथ-हाथ दा करह्, परह् तेसी आरी भेद्-भाव दा झगड़ा ने करे।

रोमियों 14:10

तू आप्णे भाऐ-बंईण कसूरबार कैई बाँणें? अरह् कैईं तू आप्णा भाऐ-बंईण छुटे जाँणें? आँमें बादे के बादे पंणमिश्वर के नियाँव के सिगास्णों के साम्णें खड़े हंदें।

रोमियों 14:13

तअ: हजो खे आँमें ओका ओकी कसूरबार ने बाँणों; अरह् तुँऐं ऐजो जाँणी पाँव के कुँऐं आप्णें भाऐ के बंईणीं के साम्णें ढैस-ठोकर का कारण ने बंणें।

रोमियों 14:15

जे तेरा भाऐ-बंईण तेरे भोजन के कारण उदास हों, तअ तबे तू पियारो के हिसाब शा ने चाल्दा; जिन्दें की ताँईऐं मसीया मरे, तेथू पियार तू आप्णे भोजन के कारण नाँष ने करे।

रोमियों 14:21

भलो तअ ऐजो असो, के ना तू माँस खाँऐं अरह् ना अंगुरोह् का रंस पीऐ; अरह् तू ऐशो किऐं ने करे जिन्दें लई तेरे भाऐ-बंईण पाप दे पढ़ो।

रोमियों 15:7

ईन्देंखे जेष्णी मसीया ऐ पंणमिश्वर के बड़ियाऐ खे तुँओं माँनी थुऐ, तेष्णें ही तुँऐं भे ओका ओकी माँनिया करह्।