रोमियों 14:23 - Sirmouri

²³ परह् जुण्जा षक करियों खाँव, से कसूरबार असो, किन्देंखे के से अंत्तर-आत्त्मा के बिश्वाष दा ने चाल्दा; अरह् जुण्जा कुँऐं आप्णी अंत्तर-आत्त्मा के बिश्वाष दा पाक्का ने हंदा से पाप करह्।

सिरमौरी नौवाँ नियम

²³ पौरौ जै तुऔं इयौं बातौ दा शक औसौ कै तुऔं किछै खाणौ चैंई या ना, तौ जै तुऐं औगौड़ियौ बौढ़ेयौ इथु खाए दियु तौ तुऐं पाप कौरे लौआ। जिथुकै तुऐं आपणै बिशवाश का पालन ना कौरे लैई। आमु जू बै कौरुए, जै ऐजौ प्रभु दो बिशवाश कै साथै ना आथी, तौ सैजौ अमारै खातिर पाप औसौ।

रोमियों 14:23 ပူးပေါင်းရင်းမြစ်များ

रोमियों 13:2

ईन्देंखे के जू कुँऐं हंक-अधिकारी के बिरूध हों; से पंणमिश्वर की बीधी का सामणाँ करह्, अरह् सामणा कर्णो वाल़ा पंणमिश्वर शी सजा पाँदा।

रोमियों 14:5

कुँऐं आदमी तअ ऐक देस ओकी देसो शो पबित्र माँनों; अरह् कुँऐं आदमी बादे देसो, ऐक-भाँते माँनोंं। ऐक नाँम आदमी आप्णें ही मंन की बात मानियाँ करह्।

1 कुरिन्थियों 8:7

परह् सोभी कैई ऐजा ज्ञाँन ने आथी, परह् कुँऐं लोग तअ हेभी भी मुर्त्तियों खे बल़ी करी अंदी चीजो खाँव, अरह् तिनके बिचार कंंमजोर हंणों के जाँणें अशुद्ध गाँन्दे हऐ ज़ाँव।

तीतुस 1:15

पबित्र लोगो खे बादी च़ीज़ो पबित्र हों, परह् बिचकै अरह् बै-बिश्वाषी खे किऐ भे शुद्ध ने आथी, परह् तिनकी बुद्धी अरह् तिनका जमीर दुईनें अ-शुद्ध असो।

इब्रानियों 11:6

अरह् बिश्वाष के बिना पंण्मिश्वर खुष करणा कठींण असो, तअ: जुण्जा कुँऐ पंण्मिश्वर के नंजीक ज़ाँणों चहाँव, तेस्खे बिश्वाष करणाँ जरूरी ही असो; के “पंण्मिश्वर असो ऐ”! अरह् से तिनू लोगों खे प्रत्तिफ़ल़ दियों; जुण्जे तिनके खोंज़ दे लागें अंदे रंह्।