रोमियों 13:12 - Sirmouri

¹² रात्त बैजाऐ बित्ती रंऐ, अरह् देस आँणों वाल़ो असो; ईन्देखे आँमें ईनाँरे की काँम-काज़ छुड़ियों, प्रकार ऊँजाल़े के शाँदर बाँनी दियों।

सिरमौरी नौवाँ नियम

¹² इयौं बुरै दुनिया दा रौणौ का अमारा सौमय ऐकी राती कै खत्म हौए जाणौ कै जैशणा लमसम खत्म हौए गौआ, औरौ सैजा सौमय बै नेड़िक औसौ जोबै मसीह पाछु आन्दा। आमु तिनु बुरी चीज़ौ कै बंद कौरे दैणै चैंई जू लोग इनारै दै कौरौ। आमु तिनु हथियारों कै इस्तैमाल कौरणै चैंई जू इनारै दै इस्तैमाल कौरे जांव।

रोमियों 13:12 ပူးပေါင်းရင်းမြစ်များ

रोमियों 13:14

परह् प्रभू यीशू मसीया धारण करह्, अरह् आप्णें पापी सुभाव की हिछ़या पुरी कर्णो की कोशिष ने करह्।

1 कुरिन्थियों 10:11

परह् ऐजी बादी बातो, जुण्जी तिनू लोगो गाशी बित्ती-पढ़ी, ऐजी बादी बातो आँमों खे चिताऊँणी असो; अरह् आँमों खे ही लिखी थई, किन्देखे के आँमें ऐसी ज़ूगौ दे असो, जू आखरी अंन्त्त के नंजीक असो,

1 कुरिन्थियों 7:29

हे भाऐ बंईणों, हाँव ऐशो बुलू, के बख्त कंम असो, ईन्देंखे ऐशो चेंई के जुण्जे शादी-शुदा असो, से तेष्णें रंह्, जेष्णें बिन बियाऐ असो;

2 कुरिन्थियों 10:4

किन्देंखे के अमाँरी लड़ाई के हथ्यार देह्-शरीर के ने आथी, परह् गढ़ ढाल़्णों खे पंण्मिश्वर के कारण शक्त्तिशाली असो।

2 कुरिन्थियों 6:7

साच्चे पियार दे, सच्चाई के बचन दे, पंण्मिश्वर की शक्त्ति दी, धार्मिक्त्ता के शाँन्द्रो शे जू सुऐं-डेरे हाथों दे असो,

इफिसियों 4:22

के तुँऐं पाछले चाल-चल्ण के पुराँणी इंनसाँनिय्त खे जू भर्मांणों वाल़ी हिछ़या के मुँताबिक भ्रष्ट हंदी ज़ाँव; तियों बद्ल़ी दियों।

इफिसियों 5:11

जुण्जे लोग ईनाँरे के नीषफल़ काँम-काज़ करह्, तुँऐं भे तिनके साथी ने बंणे; परह् तिनखे ऐजो बुलो, के ऐजे बुरे काँम-काज़ तुऐं भे ने करे; अरह् तुँऐं तिनू भे सम्झाऐ,

इफिसियों 5:8

किन्देंखे के तुँऐं तअ आगे ईनाँरे दे थिऐं, परह् ऐबे प्रभू के त्तेज-प्रकाश दे असो; तअ: त्तेज-प्रकाश की अलाद के संमाँन चालो;

इब्रानियों 10:25

अरह् ओका ओकी आरी कोट्ठो हणों ने छुड़ो, जेष्णो के कंऐयों लोग करह्; परह् तुऐ तेष्णों ने करे, अरह् ओका ओकी खे हमेशा होंस्ला देंदा रंह्; अरह् जैई-जैई सेजो देस नंजीक आँदे देखो, तैई-तैई हजों भे जादा ऐष्णों ही करिया करह्।

इब्रानियों 12:1

ईन्देंखे जबे अमाँरे चोंऊँ ढंबै गुवाह्-शाज़्त्त का ऐक बोड़ो बाद्ल़ जियों छ़ाँऐ रूओं; तअ आँमें भे रूकाव्ट देंणों वाल़ी चींज अरह् ऊल़्झ़ाँणों वाले पाप दूर करियों, सेजी दोऊँड़ जिन्दें अमाँरे दोऊँड़्णो ऐ तिन्दे आँमें धिरज शे दोऊँड़ो।

याकूब 1:21

बिचकी चाल-ढाल अरह् संईसारी कि बादी बुराई शे दुर्के रंह्, अरह् नरमाँऐं वाल़े बचन माँनें, जू तुँवारी सासो दे बऐं थुऐ, सेजे बचन माँनोंं, जू तुँवारी आत्त्मा खे मुँक्त्ति दियों।

याकूब 5:8

तुँऐं भे ढैठ-हिम्मत करह्, अरह् सास पाक्का बंणाँव, किन्देंखे के प्रभू के आँवणीं नंजीक असो।

1 पतरस 2:1

ईन्देंखे बादी साँत्त-भाँत्ती बुराई अरह् बईर भाव, छल़-कप्ट, जल़्ण-डाह्, अरह् नीदया-चुगली आपु शी दुर्की करह्,

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

2 पतरस 3:11

जबे के बादी चींजो ऐशी दाँई पीगल़्णों वाल़ी तअ तुऐ पबित्र चाल-चलण, अरह् भग्त्ति दे कैशे आदमी हुऐ चैई,

2 पतरस 3:9

प्रभू आप्णा बाय्दा पुरा कर्णो खे बैरियाँदे ने, जेष्णा के कुछ लोगो का बिचार असो, परह् से तुवाँरें बारे दा सबैर करह्, अरह् से ऐजो चहाँदा ने, के कुँऐं नाँष हों, परह् ऐजो चहाँव के सोभी खे आप्णें मंन बद्ल़ों का मुका भेटो।

1 यूहन्ना 2:18

प्रभू दे पय्दा हुऐ नुऐं प्यारे नहाँन्ड़िया, ऐजा आखरी बख्त असो; अरह् जैष्णों तुँऐं शुणी थो, के मसीया का बिरोधी पर्गट हंणो वाल़ा असो; तिन्दे के मुताबिक ऐजो जाँणी पाव के ऐबे आखरी बख्त असो।

प्रकाशितवाक्य 1:3

भाग्ईंत असो! सेजा जुण्जा ईयों बरंम्बाँणी पढ़ो ऐं, अरह् सेजे बादे लोग जुण्जे ईयों बरंम्बाँणीं शुँणों ऐ; अरह् ईन्दी लिखी अंदी बातो का पाल़्ण करह्, किन्देंखे के सेजा बंख्त्त नंजीक आऐ रूवा।

प्रकाशितवाक्य 22:10

तबे तेने मुँखे बुलो, “ईयों कताबे के बरंम्बाँणीं की बातो बंद ने करे; किन्देंखे के बख्त नंजीक असो।