रोमियों 13:11 - Sirmouri

¹¹ बख्त पछ़्याँणियों ऐष्णों ही करह्, ईन्देखे के ऐबे तुवाँरे नींज़ो शी बीऊँझ्णों के घड़ी आऐ पऐची; किन्देंखे के जेसी बख्ते आँमें बिश्वाष करा, तेसी बख्तो के बिचार शा ऐबे अमाँरा मुँक्त्ति नंजीक असो।

सिरमौरी नौवाँ नियम

¹¹ तुऔं कै ऐकी दुजैआरी प्यार कौरदै रौणौ चैंई जिथुकै सैजा सौमय नेड़िक औसौ जोबै पौरमेशवर आमु इयौं बुरै दुनिया शै बौचांदा। जोबै आमु आगली बैई मसीह पांदी बिशवाश कौरु थिए, तैसी दूसौ कै हिसाब शै ऐबै मसीह आमु बौचाणौ कारिए औटेयौ पाछु आणौ कु दूस नेड़िक औसौ।

रोमियों 13:11 ပူးပေါင်းရင်းမြစ်များ

मत्ती 16:3

अरह् झ़ीषों-भियाँसरो दो तुँऐं बुलो, के ‘ऐतलो ढोंढ फीर्दों, किन्देखे के अस्माँन दो लाल अरह् धोंवाँट असो।’ तुँऐं अस्माँनों के हाल्त देखियों, तिन्दे का भेद्-पता बुली सको, तअ तबे चाले अंदे बख्त्तो की चींन-नीशाँणी का भेद् कैई ने बुली बल़्दें?

लूका 21:28

जबे ऐजी बातो हंदी लागली तअ सीधे खल़ियो आप्णें मूँडो ऊबे करे, किन्देंखे के तुँओं खे छुट्कारा-मुँक्त्ति भेट्दी।”

1 कुरिन्थियों 10:11

परह् ऐजी बादी बातो, जुण्जी तिनू लोगो गाशी बित्ती-पढ़ी, ऐजी बादी बातो आँमों खे चिताऊँणी असो; अरह् आँमों खे ही लिखी थई, किन्देखे के आँमें ऐसी ज़ूगौ दे असो, जू आखरी अंन्त्त के नंजीक असो,

1 कुरिन्थियों 15:34

धर्म की ताँईऐं ऊबे बीऊँजो अरह् पाप ने करह्; किन्देंखे कोंऐ ऐशे भे असो, जू पंणमिश्वर जाँण्दें ही ने। हाँव तुँओं शर्मिन्दें कर्णो खे ऐजो बुलू।

इफिसियों 5:14

अरह् जुण्जो देखियों पर्गट हों, से आपु भे त्तेज-प्रकाश बंणों, ईदेखे पबित्-ग्रन्थों दो लिखी थुओं: के “हे सुतणों वाल़े, नींज़ो शे ऊबे बिऊँजो, अरह् मँरे अंदे मुझ्शे ऊबे जियों, मसीया का त्तेज-प्रकाश तुँओं गाशी चंम्मकोदा लागा।”

याकूब 5:8

तुँऐं भे ढैठ-हिम्मत करह्, अरह् सास पाक्का बंणाँव, किन्देंखे के प्रभू के आँवणीं नंजीक असो।

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

2 पतरस 3:11

जबे के बादी चींजो ऐशी दाँई पीगल़्णों वाल़ी तअ तुऐ पबित्र चाल-चलण, अरह् भग्त्ति दे कैशे आदमी हुऐ चैई,

2 पतरस 3:9

प्रभू आप्णा बाय्दा पुरा कर्णो खे बैरियाँदे ने, जेष्णा के कुछ लोगो का बिचार असो, परह् से तुवाँरें बारे दा सबैर करह्, अरह् से ऐजो चहाँदा ने, के कुँऐं नाँष हों, परह् ऐजो चहाँव के सोभी खे आप्णें मंन बद्ल़ों का मुका भेटो।

1 यूहन्ना 2:18

प्रभू दे पय्दा हुऐ नुऐं प्यारे नहाँन्ड़िया, ऐजा आखरी बख्त असो; अरह् जैष्णों तुँऐं शुणी थो, के मसीया का बिरोधी पर्गट हंणो वाल़ा असो; तिन्दे के मुताबिक ऐजो जाँणी पाव के ऐबे आखरी बख्त असो।

प्रकाशितवाक्य 1:3

भाग्ईंत असो! सेजा जुण्जा ईयों बरंम्बाँणी पढ़ो ऐं, अरह् सेजे बादे लोग जुण्जे ईयों बरंम्बाँणीं शुँणों ऐ; अरह् ईन्दी लिखी अंदी बातो का पाल़्ण करह्, किन्देंखे के सेजा बंख्त्त नंजीक आऐ रूवा।

प्रकाशितवाक्य 22:10

तबे तेने मुँखे बुलो, “ईयों कताबे के बरंम्बाँणीं की बातो बंद ने करे; किन्देंखे के बख्त नंजीक असो।

प्रकाशितवाक्य 22:12

“देख, हाँव शीघा आँणों वाल़ा असो; अरह् ऐकी नाँमों के काँम-काज़ के मुँताबिक तिनखे तिन्देंका प्रत्ति फ़ल़ देऊँबा।

प्रकाशितवाक्य 22:20

ईनू बातो की गुवाऐ-शाज़्त्त देणों वाल़ा ऐजो बुलो, “हाँव जरूर शीघा ही आँदा लागा।” आमीन! हे प्रभू यीशू आओ!