रोमियों 12:6 - Sirmouri

⁶ जबे के तियों कृपा के मुँताबिक जू आँमों खे देऐ थंऐ, आँमों किस्म-किस्म के बर्दांण भेंटी रूऐ, तअ जेस्खे पंणमिश्वर का संन्देश देंणों का बर्दांन भेंटी रूआ, से बिश्वाष के मुँताबिक सेजा संन्देश लोगो तोड़ी पंहिचाल़ो;

सिरमौरी नौवाँ नियम

⁶ जोबै कै तैसी अनुग्रह कै हिसाब शै जू पौरमेशवरे आमु दैय राए, आमुखै भान्त‌‌‌-भान्त कै वरदान भैटी रौवै। तौ जैसीखै पौरमेशवर कै बातौ बौताणौवाल़ै कै वरदान भैटी रौवै, तैसी तिनु बातौ कै बौल़णी चैंई जैसी पांदी सै बिशवाश कौरौ कै पौरमेशवरे तैसी बौताए राए।

रोमियों 12:6 ပူးပေါင်းရင်းမြစ်များ

मत्ती 23:34

ईन्देंखे दे:खो, हाँव तुँओं कैई आप्णी बरंम्बाणीं कर्णो वाल़े अरह् बुद्धीमाँन, अरह् ज्ञाँन-निय्म शिखाँणों वाल़े डियाँल़ूबा; अरह् तुँऐं तिन मुँझ शे किऐ तअ माँरी देले, अरह् शुँल़ी-फ़ाँशी चड़ाले, अरह् किऐ आप्णी खुम्ल़ी के यहूदी-च़ोंत्रें दे कोड़े माँर्लें अरह् ऐकी नंगर शे ओकी नंगर्दे खेदियों लालें अरह् से रिट्दे-फिर्दें रंह्ले।

मत्ती 25:22

“अरह् जेस्खे दो सुन्नें की सर्फी भेंटी रंई थी, तेने आऐयों बुलो, ‘हे मालिक, तुँऐं मुँखे दो सुन्नें की सर्फी देऐ थई थी, दे:खो, मुँऐ हजो दो सुन्नें की सर्फी कमाऐ।’

लूका 11:49

ईन्देंखे पंण्मिश्वर की ज्ञाँन-बुद्धी ऐ ऐजो बुलो; हाँव तिन कैई ऋषियो, अरह् खास-चैले डियाल़ूबा; अरह् से तिन मुझ्के कंई लोगो के हंत्त्या कर्ले, अरह् कंई गाशी आप्णा अंत्त्याचार करियों सताले।

प्रेरितो कै काम 13:1

बड़ो नंगर अन्ताकिया की कलीसिया दे कंऐयों ऋषी अरह् शिक्क्षा देणों वाल़े थिऐ: जेष्णाँ के बरनबास अरह् शमौन जेस्खे नीगर बुली थिया; अरह् लूकियुस कुरेने का रंहणों वाल़ा, अरह् राजा हेरोदेस की गईलो पाल़ा-धाच़ा गुवा, मनाहेम, अरह् शाऊल।

प्रेरितो कै काम 15:32

यहूदा अरह् सीलास आपु भे ऋषी थिऐ; अरह् तिन्ऐं भे भाऐ-बंईणों खे हिमम्त्त देऐयों बिश्वाष दे पाक्कै करे।

प्रेरितो कै काम 2:17

पंण्मिश्वर ऐजो बुलो: के हाँव आखरी के देसो दे आप्णी आत्त्मा बादे आदमी गाशी पैरूबा, अरह् तुवाँरे बैटे अरह् बेटीयाँ बरंम्बाँणीं कर्ली; अरह् तुआँरें नोंईयाँ-जवाँन दर्षण देख्ले, अरह् तुवाँरें बुड़ाईको के सुईणें-तंदाल़ों लागले।

प्रेरितो कै काम 21:9

तेस्के चार कुंँवाँरी बेटी थी, जिन कैई पंण्मिश्वर की बरंम्बाँणीं कर्णो का बंरदाँण थिया।

रोमियों 1:11

किन्देंखे के मेरे तुँओं आरी भेटिणों की बेजाऐ हिछ़्या असो, के हाँव तुँओं खे किऐ आत्त्मिक बर्दांण देऊँ; जिन्दें लई तुँऐं बिश्वाष दे अट्ल़ पाके हऐ ज़ाँव;

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

1 कुरिन्थियों 12:18

परह् सत्तिखे पंणमिश्वर ऐक नाँम अंग आप्णी हिछ़या शे ऐक-ऐक करियों, देह्-शरीर दे थऐ थुऐं।

1 कुरिन्थियों 13:2

अरह् जे हाँव बरंम्बाणीं करी सकू, अरह् बादे भैद् अरह् साँत-भाँते ज्ञाँन जाँणू सम्झू, अरह् मुँह ऐथै तोड़ी पुरा बिश्वाष हों, के हाँव धार-टिम्बड़ी भे हटाऐ देऊँ, अरह् हाँव पियार ने करू, तअ हाँव किऐ ने आथी।

1 कुरिन्थियों 14:1

पियार कर्णो की कोशिष करह्, अरह् आत्त्मिक बर्दांनों की लगंन दे रंह्, खास करियों ऐजो के बरंम्बाणीं करह्।

1 कुरिन्थियों 14:24

परह् जे बादे बरंम्बाणीं कर्दें लागों, अरह् कुँऐं बाईला के बै-बिश्वाषी आदमी कलीसिया दा भिठा आँव, तअ बादे तेसी दोषी-कसूरबार बंणाँऐं देंदे; अरह् पर्खी पाँदे;

1 कुरिन्थियों 14:29

ऋषियों मुँझ्शे भे दो, के च़ींन लोग बुलो, अरह् ओके लोग तिनके बुले अंदें बचन पर्खो अरह् सम्झो।

1 कुरिन्थियों 3:5

अपुल्लोस कुँण असो? अरह् पौलुस का असो? सिर्फ पंणमिश्वर के दास, जिनके जाँणें तुँऐं बिश्वाष करा, जैष्णी के सेवा कर्णो के जुम्मेबारी प्रभू ऐ आँमों खे दिती।

1 कुरिन्थियों 7:7

हाँव ऐजो चहाऊँ, के जेष्णाँ हाँव आपु असो, तेष्णें ही बादे मंरोद् भे बिना बियाव-जाझ़्ड़े के रंह्; परह् पंणमिश्वरे तुँओं मुझ़ शी ऐक नाँम आदमी खे भाँत्ती-भाँत्ती के दाण-वर्दान देऐ थुऐ।

2 कुरिन्थियों 8:12

किन्देंखे के जे मंन की हिछ़या हों, तअ दाँण तिन्दें के मुताबिक धारण भी करो ज़ाँव, जुण्जों तैस कैई असो ऐ, ना के तिन्दें के मुताबिक जुण्जो तैस कैई आथी ने।

इफिसियों 3:5

ऐजा गुप्त भेद्-पता आगली पीड़ी के लोगो कैई ने बुली थई थी, परह् ऐबे पबित्र-आत्त्मा के जाँणें तिनके पबित्र खास-चैले अरह् ऋषियों कैई पर्गट करी थुवा,

इफिसियों 4:11

तिन्ऐं कईयों तअ प्रभू यीशू के खास-चैले च़ूणें-छ़ाँटे; अरह् कंऐ लोग ऋषी बंणाँऐ, अरह् किऐ खुषख्बरी शुँणाँणों वाल़े बंणाऐं; अरह् कोसी लोग कलीसिया के रंखवाल़े बाँणें, अरह् कोसी खे शिक्क्षा देणों का बरंदाँण दिता।

फिलिप्पियों 3:15

आँमों मुझ्शे केतोड़े लोग आपु आप्खे सीद्ध जाँणों, अरह् ऐजा ही बिचार थुऐं; अरह् जे कोसी बातो दे तुवाँरा ओका ही किऐ बिचार असो, तअ पंण्मिश्वर तेसी भे तुँओं गाशी पर्गट करह्।

1 थिस्सलुनीकियों 5:20

ऋषियों की बरंम्बाणीं छुटी ने जाँणें।

2 पतरस 1:20

परह् आगे ऐजो जाँणी पाँव के पबित्र-ग्रन्थों की किऐ भे बरंम्बाणीं कोसी के आप्णे ही बिचार धारा गाशी पुरी ने हंदी,