रोमियों 12:5 - Sirmouri

⁵ तेष्णें ही आँमें जू बैजाऐ भहिते असो, से मसीया दे ऐक ही देह्-शरीर अरह् ओका ओकी का अंग असो।

सिरमौरी नौवाँ नियम

⁵ ठीक तैशैखैई आमै बै जू मसीह बिशवाशी औसौ, आमै सौबै मसीह कै शोरीर कै अंग औसौ, औरौ ऐकी दूजै शै जोड़ेयौंदे औसौ।

रोमियों 12:5 ပူးပေါင်းရင်းမြစ်များ

यूहन्ना 17:11

“ऐबे हाँव ईयों संईसारी दा ने रंह्दी, परह् ऐजे लोग तअ ईयों ही संईसारी दे रंह्दे; अरह् हाँव तुँओं कैई आँदा लागा, हे पबित्र-पिता! ईनू आप्णें तेसी नाँव दे, जुण्जो नाँव तुँऐं मुँखे देऐ थो; तिन्दें बंचाऐयों थुऐ, अरह् ईनकी रक्षा करे, जू ऐजे लोग भे ऐक हों; जेष्णें आँमें ऐक असो।

रोमियों 12:4

किन्देंखे के जेष्णें अमाँरी देह्-शरीर दे कऐयों अंग असो, अरह् बादे अंगों की ऐक-भाँती टह्ल ने आथी;

1 कुरिन्थियों 10:17

ईन्देंखे के ऐक ही रूटी असो, तबे भे आँमें जू बैजाऐ भहीते असो, ऐक हे देह्-शरीर असो: किन्देंखे के आँमें बादे झुणे ऐकी ही रोटी दे हिस्सेदार असो।

1 कुरिन्थियों 10:33

जेष्णें हाँव सोभी बातो दे बादे लोग खुशी थंऊँ, अरह् आप्णा ही भला ने, परह् ओकी भहिते लोगों के फाय्दे का ख्याल थंऊँ, के तिनू सोभी खे छुट्कारा भेटो।

1 कुरिन्थियों 12:20

ईन्देंखे सच्चाऐं ऐजी असो, के अंग अनेक अरह् देह्-शरीर ऐक असो।

1 कुरिन्थियों 6:15

कियों तुँऐं जाँण्दे ने, के तुँओं सोभी की देह्-शरीर मसीया का अंग असो? तअ कियो हाँव मसीया का अंग पाऐयों बैष्या के अंग का हिस्सा बंणाऊँ? बिलकुल भी ने!

इफिसियों 1:23

कलीसिया मसीया की देह्-शरीर असो, अरह् तिन्ही की बादी भरपुरी शो असो, जू सोभी दो सब-कुछ पुरो करह्।

इफिसियों 4:12

जिन्दें लंई पबित्र लोग सीद्ध बंणीं ज़ाव, अरह् सेवा का काँम-काज़ करा ज़ाँव; अरह् ईन्दें लंई मसीया की देंह्-शरीर बंड़ोत्री पाँव,

इफिसियों 4:25

ईदेखे झूठो बुल्णों छुड़ियों ऐक नाँम आप्णें पड़ोसी आरी साच्चो बुलो, किन्देंखे के आँमें आपु मुझी ओका ओकी का अँग असो।

इफिसियों 5:23

किन्देंखे के घरवाल़ा घरवाल़ी को मूँड असो, जैष्णें के मसीया कलीसिया को मूँड असो; अरह् कलीसिया तिनकी देह्-शरीर असो, अरह् आपु ही देह्-शरीर का मुँक्त्ति देणों वाल़े असो।

इफिसियों 5:30

ईन्देंखे के आँमें मसीया की देह्-शरीर के अंग असो।

कुलुस्सियों 1:24

ऐबे हाँव तिनू दु:खो के जाँणें आँनन्द करू, जू हाँव तुँवारी ताँईऐं ऊठाऊँ; मसीया ऐ आप्णी देह्-शरीर मतल्व कलीसिया की ताँईऐं जू दु:ख भोगी थुवा, तिन्दी जुण्जी किऐ कंम्मीं-पैशी रंऐ रई, हाँव तियों आप्णी देह्-शरीर दी पुरी करूबा।

कुलुस्सियों 2:19

ऐष्णाँ आदमी सेजो मुँढ पाक्कों ने थाँम्बड़ियों थंदा, जिन्दें लंई बादी देह्-शरीर जोड़ अरह् माँस आरी, साँस लंणों वाल़े अंग के जाँणें पाल़्ण-पौष्ण लंई सब कंट्ठै हंऐयों पंण्मिश्वर की तरफ़ शे बड़्दे ज़ाँव।