रोमियों 12:3 - Sirmouri

³ किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

सिरमौरी नौवाँ नियम

³ जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

रोमियों 12:3 ပူးပေါင်းရင်းမြစ်များ

लूका 18:11

यहूदी भाट-बाँम्णें खह्ल़ियों आप्णे सासो दे ऐजी प्रार्थना करी, ‘हे पंण्मिश्वर, हाँव तेरा धन्यबाद करू, के हाँव ओकी आदमी जेष्णाँ पापी अ-नियाँऐं कर्णो वाल़ा, के चोरी-जारी कर्णो वाल़ा, अरह् ना ऐसी चूँगी लोंणो वाल़े, जेष्णाँ आथी।

यूहन्ना 3:34

किन्देंखे के जेसी पंण्मिश्वर ऐ डेयाल़ी थुवा, से पंण्मिश्वर की ही बातो बुलो; किन्देंखे के पंण्मिश्वर आत्त्मा नाँपी-तोलियों ने देंदे।

रोमियों 1:5

तिनके जाँणें आँमों कृपा अरह् प्रभू यीशू के खास-चैला बंण्णों खे मुका भेटा, के तिनके नाँव के जाँणें बादी गऐर यहूदी के लोग बिश्वाष करियों तिनकी बष दे हों,

रोमियों 11:20

ठीक असो, सेजे लोग तअ बै-बिश्वाष के जाँणें च़ूड़ी दिते, परह् तू बिश्वाष दा पाक्का बंणा रूऐ, ईन्देंखे तू घमंन्डी ने बंणें, परह् डरियों रूऐ,

रोमियों 11:25

हे भाऐ बंईणों, कद्दी ऐशो ने हईयों, के तुँऐं आपु खे बद्धीमाँन जाँणों; ईन्देंखे हाँव ने चहाँदा के तुँऐं ऐसी राज भेद् शे अजाँण्दे ने रंह्, के जबे गऐर यहूदी पुरी रित्ती शे ने आऐ ज़ाँव, ताँव-तोड़ी इस्राएल का ऐक हिस्सा ऐष्णा ही कुठूर रंह्दा।

रोमियों 12:16

आपु मुँझी मिली-चालियों रूऐ; तारीफ ने करे, परह् गरीब आरी संग्त्ति करे; आप्णी नंजरी दे बुद्धीमान ने बंणें।

1 कुरिन्थियों 15:10

परह् हाँव जू किऐ भे असो ऐ, से पंणमिश्वर की कृपा शा असो; तिनकी कृपा जू मुँह गाशी हऐ से बै-कार ने गई; परह् मुँऐं तिनू सोभी शी जादा मेंह्न्त भे करी; तबे भे मेंह्न्त कर्णो वाल़ा हाँव ने परह् पंणमिश्वर असो, जिनकी कृपा मेरी गईलो रऐ।

1 कुरिन्थियों 3:10

पंणमिश्वर की तियों कृपा के मुताबिक जुण्जा मुँखे दिता गुवा, मुँऐंं संम्झदार बाढ़ई की जेऐ पह्-नींव पाँऐ, अरह् ओका तिन्दें गाशी रंद्दा लाँव। परह् ऐक नाँम आदमी च़ौक्क्ष रूऐ के से तिन्दें गाशी केष्णा रंद्दा लाँव।

1 कुरिन्थियों 7:17

पंणमिश्वरे जेसी जियों दशा दा थऐ थुवा, मतल्व जेसी रूप दा बऐदी थूवा, से तेष्णा ही बंणा अंदा रंह्; सभी कलीसिया खे मेरा ऐजा ही सुजाव असो।

2 कुरिन्थियों 10:13

आँमें तअ सीमा-हद् शे बाऐर ज़ाऐयों बिलकुल भे आप्णी तारीफ ने कर्दे, परह् तियों ही सीमा-हद् तोड़ी जू पंण्मिश्वर आँमों खे बंणाऐ थऐ, अरह् तिन्दी तुँऐं भी आऐ गुऐ, अरह् तिन्दी के मुताबिक तारीफ भे कर्ले।

2 कुरिन्थियों 12:13

तुँऐं कियों बातो दे ओकी कलीसियों शे कंम थिऐ, सिर्फ ईन्देखे मुँऐ तुँओं गाशी आप्णा भार-बोझ़ ने पाई। मेरी ऐजी अ-नियाऐं माफ करह्।

2 कुरिन्थियों 12:7

ईन्देंखे के हाँव भहिते दिब्यप्रकाष्णों के जाँणें शिंयाँगिए ने ज़ाऊँ; मेरी देह्-शरीर दा ऐक काँडा चुभाऐ थुआ, मतल्व शैतान का ऐक दूत्त जू मुँदी मुकिऐं लाँव; जू हाव बैगेही ने शियाँगिऊँ।

गलातियौं 6:3

किन्देंखे के जे कुँऐं कैथी ज़ूगा ने आथी, अरह् तबे भे आपु खे किऐ जाँणों, तअ से आपु आपु खें धोखा दियों।

इफिसियों 3:2

जे तुँऐं पंण्मिश्वर की तियों कृपा के ईन्त्तजाँम के बारे दो शुँणीं थुओं, जुण्जी कृपा तुओं खे मुँह कैई देऐ थंऐ;

इफिसियों 3:4

जिन्दे लई तुँऐं पढ़ियों जाँणी पाँव, के हाँव मसीया का सेजा भेद्-पता केथै तोड़ी जाँणीं पाँऊ।

इफिसियों 4:16

मसीया दी ही बादी देह्-शरीर खे तागत भेटो, अरह् देह्-शरीर के बादे अंग जुड़दे ज़ाँव, अरह् ऐक नाँम अंग आप्णा-आप्णा काँम-काज़ ठीक-ठीक करह् जुण्जा तिन्दे का हों; अरह् से आप्णें आप बड़दे ज़ाँव, के से प्यार दे भे बड़्दे ज़ाँव।

फिलिप्पियों 2:13

पंण्मिश्वर आप्णी आच्छ़ी हिछ़या पुरे कर्णो खे, तुँओं दी तेस्की हिछ़ा पय्दा करह्; अरह् तिन्दे के मुँताबिक शा काँम-काज़ कर्णो के तागत भे दियों।

कुलुस्सियों 1:29

ईन्देंखे हाँव तिनकी तियों शक्त्ति के मुँताबिक, जुण्जी मुँदी तागत आरी असर पाँव, तिन्देंखे हाँव तन-मंन लाऐयों मेंह्नत भे करू।

कुलुस्सियों 2:13

पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते।

1 तीमुथियुस 1:14

अरह् अमाँरे प्रभू के बैजाऐ बड़ी कृपा, बिश्वाष अरह् प्यार आरी जू मसीया यीशू दा असो, से बैजाऐ भहिती हऐ।

1 तीमुथियुस 2:15

परह् तिरंई खे नहाँन्ड़िया हंणों के कारण ही छ़ुट्कारा भेंट्दा, जे से होंष-सबैर आरी बिश्वाष, प्यार, अरह् पबित्रता दी अंट्ल़-पाक्कीं रंह्।

1 तीमुथियुस 2:9

ऐष्णीं ही दाँई तिरंई भे बिना झ़ीझ्क, अरह् सुवें करियों सिधे-साधे खोट्णों बाम्बियों ईज्जत, दी रंऐयों आप्णाँ संज्णाँ-धज्णाँ करह्, ना के आप्णें मुँढ़ो दी भंहित्ती बैल्णी बाँणियों, अरह् ना भहित्ते सुन्नै, अरह् हीरे-मंतियों लंई, अरह् ना बैगेही मोंह्गै खोट्णों लंई सजो,

तीतुस 2:12

अरह् आँमों खे चिताँव्णी दियों, के आँमें मुँरूख्ता अरह् संईसारी की लाल़्चो शा मंन बद्ल़ियों ऐसी ज़ूगौ दे द्रिडता, धर्म अरह् भक्त्ति शा जीवन बिताँव;

तीतुस 2:2

मतल्व बुड़े मरोद् सकन्नै, धीरज-बाँन, अरह् आपु आप्णे बष दे रंह्; तिनका बिश्वाष, प्यार अरह् धीरज-सबैर पाका हों।

तीतुस 2:4

जू से जवाँन तिरंई खे शिक्क्षा देंदी रंह्, के आप्णे घरवाल़े अरह् नहाँन्ड़िया शो प्यार करह्;

तीतुस 2:6

तेष्णें ही जवाँन मरोद् भे सम्झाया करह्, के से भे झ़ूकै-शियाँगी अंदे ने हों।

याकूब 4:6

पंणमिश्वर आँमों खे बैजाऐ कृपा दियों, ईन्देंखे पबित्र-ग्रन्थों दो ऐजो लिखी थो: “पंणमिश्वर घमंन्डियों के बिरूध रंह्, अरह् गरीब-दीन नंरमाँई वाल़े लोगों खे आप्णी कृपा-रंय्म अरह् शाँण्त्ति दियों”,

1 पतरस 1:13

ईन्देंखे आप्णी-आप्णी बुद्धी-सम्झ शे च़क्क्ष रूवे, आप्णें आपै दे रूवे, तियों कृपा गाशी पाक्का भूर्षा थुऐ, जू प्रभू यीशू मसीया के पर्गट हंणों गाशी तुँओं खे दिया ज़ादा।

1 पतरस 4:11

जे कुँऐं बचन बुलो, तअ तेष्णा बुलो, जेष्णाँ तेसी पंणमिश्वर कैई शा भेटियों तेने बुली लुवा; जे कुँऐं सेवा करह्, तअ तियों शक्त्ति शी करह्, जैष्णी पंणमिश्वर कैई शी भेटी रूऐ; जिन्दे लई बादी बातो दी प्रभू यीशू मसीया के जाँणें, पंणमिश्वर की बड़ियाऐ पर्गट हों; बड़ियाऐ अरह् शक्त्ति सदा-सदा तिनकी ही असो। आमीन।

1 पतरस 4:7

सेजा बख्त्त नंजीक असो, जबे बादी चीजो खत्त्म हंली, ईन्देंखे धीरज थऐयों प्रार्थना खे च़ौक्क्ष रूवे।

1 पतरस 5:5

ऐशो ही दाँई, हे नों जुवाँनो, तुँऐं भे ठग्ड़ै के बष दे रंह्, परह् तुँऐं बादे के बादे ओका ओकी की सेवा कर्णो खे नींमताई शी कमरी दी गाच़ी बाँनों, किन्देंखे के “पंणमिश्वर घम्मडी का बिरोध करह्, अरह् दींन-गरीबो गाशी कृपा कर्णो की पक्क्ष दे रंह्।”

1 पतरस 5:8

च़ौक्क्ष रूऐ, अरह् बीऊँजी रूऐ; किन्देंखे के तुवाँरा बिरोधी शैतान नाँदिणों वाल़े सिंह के जेष्णाँ ऐसी ताक दा रंह, के कोसी ऊपाड़ियों खाऊँ।

3 यूहन्ना 1:9

मुँऐ कलीसिया खे चिट्ठी लिखी थी, परह् दियुत्रिफेस जू तिन मुँझी हमेशा अगुवा बंण्णों चहाँव थिया, से अमाँरी ने माँनों थिया।