रोमियों 12:19 - Sirmouri

¹⁹ हे मेरे प्यारे, तुँऐं आपु बद्ल़ा ने लुऐ, परह् पंणमिश्वर के कुरूध खे मुक्का दियों, किन्देंखे के पबित्र-ग्रन्थों दो लिखी थो, के “प्रभू बुलो, के बद्ल़ा लोंणाँ मेरा काँम-काज़ असो, हाँव आपु ही बद्ल़ा लंऊँबा।”

सिरमौरी नौवाँ नियम

¹⁹ ओए रै प्‍यारो आपणा बौदला नी लोया; पौरौ पौरमेशवर कै तैसी आदमी कै सौजा दैणौ दैंव, जिथुकै पवित्र शास्त्र दो प्रभु बौल़ौ, “बौदला लोणा मैरा काम औसौ, प्रभु बौल़ौ हांव ही बौदला लोन्दा।”

रोमियों 12:19 ပူးပေါင်းရင်းမြစ်များ

मत्ती 5:39

परह् हाव तुँओं खे ऐजो बुलू, के बुराई कर्णो वाल़े आदमी का बिरोध ने करे, परह् जे कुँऐं तेरे सुऐं खुप्टे दे थापे लाँव, तअ तू डेरा भे तेस्की ढबे फेरी दे।

रोमियों 12:14

आप्णे सताँणों वाल़े खे आशिर्बाद दियो; सिर्फ आशिर्बाद परह् श्राँप-फींटकारा ने दिऐ।

रोमियों 12:17

बुराई के बद्ल़े कोसी आरी बुराऐ ने करे; जुण्जी बातो सोभी लोगो खे आच्छ़ी असो; तिन्दे के बारे दो सुचो।

रोमियों 13:4

किन्देंखे के हाक्म तेरी भलाई, की ताँईऐं पंणमिश्वर का दास असो। परह् जे तू बुराऐ करे, तअ डर, किन्देंखे के ताँव तेसी हाक्मों शी जरूर सजा भेट्ली; ईन्देंखे के से पंणमिश्वर का दास असो, अरह् से पंणमिश्वरो के कुरूध के मुताबिक बुरे काँम-काज़ कर्णो वाल़े खे सजा दियों।

इफिसियों 4:27

अरह् ना दुष्ट-शैतान खे मुँका दिऐ।

1 थिस्सलुनीकियों 4:6

के ईयों बातो दे कुँऐं आप्णे बिश्वाषी भाऐ-बंऐणीं ने ठगे, अरह् ना तिनखे किऐ चाल-चाले, किन्देंखे के प्रभू ईनू सोभी पापो का बद्ल़ा लोंणों वाल़ा असो; जेष्णों के आँमें तुँओं कैई शो आगे ही चिताऐं थुओ थियो।

2 तीमुथियुस 4:14

सिकन्दर कशाकरी ऐ मुँह आरी बैजाऐ बुरो करी थो; प्रभू तेस कैई शा तेस्के काँम-काज़ के मुँताबिक बद्ल़ा लंह्दा।

इब्रानियों 10:30

किन्देंखे के आँमें तिनू जाँणों ऐं, जिन्ऐं बुलो, के “बद्ल़ा लंणाँ मेरा काँम असो, हाँव ही बद्ल़ा लऊँबा।” अरह् तबे ऐजो भे बुलो, के “प्रभू आप्णें लोगो का नियाँव कर्दे।”