रोमियों 12:17 - Sirmouri

¹⁷ बुराई के बद्ल़े कोसी आरी बुराऐ ने करे; जुण्जी बातो सोभी लोगो खे आच्छ़ी असो; तिन्दे के बारे दो सुचो।

सिरमौरी नौवाँ नियम

¹⁷ बुराई कै बौदलै कोसीआरी बुराई नी कौरेया, जू बातौ सौबी लोगौ कै नज़दीक भली औसौ, तिनकै फिकर कौरेया कौरौ।

रोमियों 12:17 ပူးပေါင်းရင်းမြစ်များ

मत्ती 5:24

तअआप्णी भेंट तेथै बैदी-पुजो के साम्णें छुड़ी दिऐ, अरह् ज़ाऐयों आगे आप्णें भाई शी मेल-मिलाप करह्, तबे पाछू आऐयों आप्णी सेजी भेंट चड़ाँऐं।

मत्ती 5:39

परह् हाव तुँओं खे ऐजो बुलू, के बुराई कर्णो वाल़े आदमी का बिरोध ने करे, परह् जे कुँऐं तेरे सुऐं खुप्टे दे थापे लाँव, तअ तू डेरा भे तेस्की ढबे फेरी दे।

रोमियों 12:19

हे मेरे प्यारे, तुँऐं आपु बद्ल़ा ने लुऐ, परह् पंणमिश्वर के कुरूध खे मुक्का दियों, किन्देंखे के पबित्र-ग्रन्थों दो लिखी थो, के “प्रभू बुलो, के बद्ल़ा लोंणाँ मेरा काँम-काज़ असो, हाँव आपु ही बद्ल़ा लंऊँबा।”

रोमियों 14:16

तअ: तुँवारी ताँईऐं जू भलो असो, तेथू निदयाँ का कारण ने बंण्णों दिऐ।

कुलुस्सियों 4:5

बख्त्त-मुक्का किम्त्ती जाँणियों बाईले आरी बुद्धीमाँनी शा बर्ताव करे।

1 थिस्सलुनीकियों 4:12

जू बाईले लोगो कैई शी आदर-ईज्ज्त्त भेंटो, अरह् तुवाँरे कियों भी चींजो की कम्मी ने हो।

1 थिस्सलुनीकियों 5:15

सकन्नै रूऐ! कुँऐं कोसी आरी बुराई के बद्ल़े बुराऐ ने करह्; परह् सदा भलाई की ताक दे रंह्, आपस मुझी अरह् बादे आरी भलाई की ही कोशिष करे।

1 थिस्सलुनीकियों 5:22

साँत-भाँत्ती बुराई शे बंचे अंदे रूऐ।

1 तीमुथियुस 5:14

ईन्देंखे हाँव ऐजो चहाँऊ, के जुवाँन बिध्वा हजो शाऊँरे ज़ाँव; अरह् नहाँन्ड़िया हुआल़ो, अरह् आप्णों घरह्-बार देखो, अरह् तबे तिनू आप्णी नीदया कर्णों वाल़े खे आप्णें बारे दा किऐ भे बुल्णों का मुँक्का ने दियों।

1 पतरस 2:12

अ-बिश्वाषी आरी तुवाँरा चाल-चल़्ण आछा हों; जू जिन-जिन बातो दे से तुँओं कू-कर्मी जाँणियों बदनाँम करह्, से तुँवारी भली काँम-काज़ दे:खियों तिन्दी के जाँणें कृपा दृष्टी के देसे पंणमिश्वर की बड़ियाऐ करह्।

1 पतरस 3:16

अरह् तुवाँरा बिचार-जमीर भे पबित्र थुऐं, ईन्देंखे के जिन बातो के बारेदे तुँवारी बदनाँमी हों, तिन्दे के बारे देसे, जू मसीया दे तुवाँरे आछे चाल-चलण दी बदनाँमी करह् से आपु भे सरमाँऐं ज़ाव।

1 पतरस 3:9

बुराई के बद्ल़े बुराई ने करे, अरह् ना गाल़ी के बद्ल़े गाल़ी दिऐ; परह् गाल़ी के बद्ल़े आशिर्बाद दिऐ, किन्देंखे के तुँऐं आशिर्बाद के हंकदार हंणों खे बय्दी थुऐ।