रोमियों 12:13 - Sirmouri

¹³ पबित्र लोगो खे जू किऐ जरूरी असो, तिन्दी तिनकी साऐता-मंद्द करह्; अरह् पऊँणाँई कर्दे लागे रूऐ।

सिरमौरी नौवाँ नियम

¹³ पवित्र लोगौ कै जू किछै जौरुरी औसौ, तिथमुंजी तिनकै मौदद कौरौ, औरौ मैहमान नवाज़ी दै लागैयौंदे रौंव।

रोमियों 12:13 ပူးပေါင်းရင်းမြစ်များ

मत्ती 25:35

किन्देखे के जबे हाँव भूखा थिया, तअ तुँऐं मुँखे खाँणों खे दितो; हाँव च़ीषा थिया, तअ तुँऐं मुँह कैई शो पाँणी पीयाँव; हाँव प्रदेशी थिया, अरह् तुँऐं मुँह आप्णे घर दा थुवा।

प्रेरितो कै काम 10:4

कुरनेलियुस ऐ तेसी स्वर्गदूत्त सुवाँ करियों ध्याँन शा देखा, अरह् डरियों बुलो, “हे प्रभू! का बुली लो?” तेने स्वर्गदूत्त ऐं तेस्खे बुलो, “तेरी प्रार्थना अरह् तेरे दाँण-दछ़णाँ पंण्मिश्वर के सहाँम्णिऐं पंह्ऊँची रूऐ;

प्रेरितो कै काम 4:35

अरह् जैष्णी कंसी की जरूरत हों थी, तिनखे तिन्दें के मुँताबिक शो से ऐकी नाँमों खे बाँडी दियों थिऐ।

रोमियों 12:8

जू शिक्क्षा का प्रचारक असो, से शिक्क्षा प्रचार करदा लागा रंह्, दाँण देणों वाल़ा दिल शो दाँण दियों; जू अगवाँण असो, से होंस्ले आरी अगवाऐ करह्; अरह् जू दया-रंय्म करह्, से भी खुशी शी करह्।

1 कुरिन्थियों 16:15

हे भाऐ बंईणों, तुँऐं स्तिफनास के घराना जाँणों ऐ, के से अखया ईलाके दे प्रभू गाशी बिश्वाष कर्णो वाल़े आगले फल़ असो, अरह् से पबित्र लोगो की सेवा कर्णो खे तियार रंह्।

2 कुरिन्थियों 9:1

ऐबे तियों सेवा के बारे दी जू पबित्र लोगों खे करी ज़ाँव, मेरे तुँओं खे लिख्णों जरूरी ने आथी।

2 कुरिन्थियों 9:12

किन्देंखे के ईयों सेवा पुरी कर्णो शी सिर्फ पबित्र लोगो की ही जरूर्तो पुरी ने हंदी; परह् भहिते लोगों के ढबे शा पंण्मिश्वर का भे बैजाऐ धन्यबाद हों।

गलातियौं 6:10

ईन्देंखे जेथै तोड़ी मोंक्का भेंटो, आँमें सोभी आरी भलाऐं करह्, प्रभू यीशू के करियों बिश्वाषी भाऐ-बऐणी आरी।

1 तीमुथियुस 3:2

परह् ईन्देंखे ऐजो जरूरी असो, के अधिकारी ऐक नीर-दोष, ऐक ही घरवाल़ी का माँलक, होष-हाष वाल़ा, आच्छे बीचार वाल़ा, ईज्जत्तदार, अरह् पाँऊणें का आदर-संत्तकार कर्णों वाल़ा; अरह् शिखाँणों वाल़ संम्झ़दार हों;

1 तीमुथियुस 5:10

अरह् जिऐं आप्णें भले काँम-काज़ लंई आपु खे नाँव कंमाँऐ थुवा हला, जिंऐ आप्णें नहाँन्ड़िया का आच्छ़ा पालना-पोष्ण करी थुवा हला; अरह् जिऐ पाँऊँणें-पंई का आच्छ़ा आदर-संत्तकार करी थुवा हला, अरह् जिऐं पबित्र लोगो के लात्त धोऐ थुऐ हंले; अरह् कोसी दींन, दु:खिया की मंद्दत्त करी थंऐ हली, अरह् जुण्जी सोभी आच्छ़ै काँम-काज़ दी मंगन रंह् हले।

तीतुस 1:8

बलकी पाऊँणें का आदर कर्णो वाल़ा चेंई, भलाई माँन्णों वाल़ा, मिलाऊँ, नियाँईच़ू, पबित्र अरह् भागोईंत्त हो; आच्छ़ी सोंच होंस्ले वाल़ा हुआ चेंई, अरह् आप्णीं बादीं ज्ञाँन-ईन्द्रियाँ आप्णे बंष दी थों।

तीतुस 3:14

अमाँरे लोग भे जरूर्तो पुरी कर्णो खे आच्छ़ी काँम-काज़ दो लागो रंहणो शिखो, जू नि-षफल़ ने रंह्।

फिलेमोन 1:7

किन्देंखे के हे भाऐ, मुँह तेरे पियार शी बैजाऐ खुशी अरह् शाँण्त्ति भेंटी रूऐ, ईन्देंखे के तेरे जाँणें पबित्र लोगो के मंन हरे-भरे हऐ रूऐ।

इब्रानियों 13:16

भलाऐ कर्णी अरह् दया-रंय्म देखाणी ने बिसरे, किन्देंखे के पंण्मिश्वर ऐष्णे बल़ीदाँण शे खुशी हों।

इब्रानियों 13:2

पाऊणे-पौणाँई का आदर-सत्तंकार ने बिसरे, किन्देंखे के ऐष्णों कर्दे कंई लोगे ऐ स्वर्गदूत्तों का पाऊँणें का जिया आदर-सत्तकार करी थुवा।

इब्रानियों 6:10

किन्देंखे के पंण्मिश्वर अनियाँऐ कर्णो वाल़े ने आथी, के तुँवारी काँम-काज़, अरह् सेजो प्यार बिसरी ज़ाव, जुण्जो तुँऐं तिनके नाँव शो ऐशो ढंग शो देखाव, के पबित्र लोगो की सेवा करी, अरह् हजो भे सेवा करी लऐ।

1 पतरस 4:9

बिना तुड़-खुढ़ाई ओका ओकी की पऊँणाँई दी आदर-सत्तकार करह्।

1 यूहन्ना 3:17

जे कोसी कैई संईसारी की जजाऐत हंदे भे आप्णें बिश्वाषी भाई-बंईणी की जरूरत के अंण दे:खी करह्; तअ कियों दाँई ऐजो बुलो ज़ाँदों के ऐस्दो पंण्मिश्वर को पियार असो?

3 यूहन्ना 1:5

हे प्यारे! तुओं भाऐ-बंईणों खे अरह् तिनू नुऐं बिश्वाषी भाऐ-बंईणों खे, जिन शा हाँव हेबी अपरयाँण असो; तिनू सोभी खे के तुऐं जू किऐ करी लो, सेजो ऐक साच्चै बिश्वाषी ज़ूगौ हुओं चेंई।