रोमियों 12:1 - Sirmouri

¹ ईन्देखे हे भाऐ बंईणों हाँव तुँओं कैई शी पंणमिश्वर कि दया-रंय्म कृपा चींत्ते कराऐयों, ढाल-अरज करू के आप्णी देह्-शरीर जींऊँदें, पबित्र, पंणमिश्वर खे भाव्णों वाल़ी बल़ी-कुरबाँणीं देऐयों चढ़ाव। ऐजी ही तुँवारी आत्त्मिक सेवा असो।

सिरमौरी नौवाँ नियम

¹ इथकारिए ओए रै बिशवाशी भाईयों, हांव तुऔं पौरमेशवर कै दया याद दियायौ बिन्ती कौरु, कै आपणै जीवनो कै जियुंदी, औरौ पवित्र औरौ पौरमेशवर खै भायो बलिदान कौरेयौ चौढ़ाव; ऐजा तोंवारै पौरमेशवर कै सेवा कौरणौ का साचा तरीका औसौ।

रोमियों 12:1 ပူးပေါင်းရင်းမြစ်များ

लूका 7:47

ईन्देंखे हाँव ताँव्खे बुलू, याँरे पाप जू बैजाऐ असो, से माफ हुऐ, किन्देंखे के ईऐं पियार शा भैजाऐ साँन माँनी थुवा; ईन्देंखे जैस्खे ठीको माँफ करी थो, से पियार शा साँन भे ठीका ही माँन्दा।”

रोमियों 12:2

ईयों संईसारी के जेष्णें ने बंणें; परह् तुवाँरे मंन नुऐं हंणों लई, तुवाँरा चाल-चल़्ण भे बद्ल़ी दियों, जू तुवाँरे जाणियों के पंणमिश्वर तुँओं खे का चहाँव, अरह् तिनकी नंजरी दो का आछ़ो भाव्णों वाल़ो, अरह् परीपुर्ण असो।

रोमियों 15:16

के हाँव गऐर यहूदी खे मसीया यीशू का दास बंणियों पंणमिश्वर की खुषख्बरी की सेवा याजकों जैष्णी करू; जिन्दे लई गऐर यहूदी लोग पंणमिश्वर कैईं धारण कर्णो ज़ुगी भेंट बंणी सको, अरह् पबित्र-आत्त्मा के जाँणें पंणमिश्वर खे पुरे ढंग शे पबित्र बंणों।

रोमियों 15:30

हे भाऐ बंईणों, अमाँरे प्रभू यीशू मसीया के अरह् पबित्र-आत्त्मा को पियार चित्ते कराऐयों हाँव तुँओं खे ढाल-अरज करू के मेरी ताँईऐं पंणमिश्वर शी प्रार्थना कर्णो खे मेरी गईलो मीलियों मंगन रूऐ

रोमियों 2:4

कियों तू तिनकी दया-रंय्म, अरह् सय्नशिल्ता, अरह् धीरजरूपी धन, बै-कार जाँणें? कियों तू ऐजो जाँण्दा ने, के पंणमिश्वर की दया-रंय्म ताँव कैई शी बुरे काँम-काज़ शा मंन बद्ल़्णों शिखाँव?

रोमियों 6:13

तुँऐं आप्णी देह्-शरीर के अंग अ-धर्म की सेवा कर्णो खे पाप खे ने दिऐ, परह् तुँऐं आपु खे मरे अंदे मुँझ्शा जीऊँदा जाँणियों पंणमिश्वर खे देऐ दियों, अरह् आप्णें अंग पंणमिश्वर की नंजरी दे आछे काँम-काज़ की सेवा कर्णो खे देऐ दियों।

रोमियों 6:16

कियों तुँऐं जाँण्दे ने, के जेस्की अज्ञाँ माँन्णों खे तुँऐं आपु-आप्खे दास जिऐं देऐ थुऐ, कियों तुँऐं तिनके ही दास हों: भाव पाप के, जिन्देका अंत्त मंऊँत्त असो, भाँव अज्ञाँ कारीता के, जिन्दें का नंतीजा पंणमिश्वर की नंजरी दा माँन्णों ज़ूगा सही जीवन असो?

रोमियों 6:19

हाँव तुँआरी देह्-शरीर की कंमजूरी के जाँणें आदमी के हिसाब शो बुलू, के जेष्णें तुँऐं आप्णे अंग-पराँण कू-कर्म खे गाँन्दें अरह् कुकर्म के दास बंणाँऐयों दिते थिऐ, तेष्णें ही ऐबे आप्णे अंग-पराँण पंणमिश्वर की नंजरी दें सही माँन्णों ज़ूगै काँम-काज़ कर्णो खे आछे करियों देऐ तियों, तिन्दें लई तुँऐं पबित्र हंऐ ज़ाँव।

रोमियों 9:23

पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

2 कुरिन्थियों 10:1

हाँव, पौलुस खास करियों मसीया की नरमाँऐं अरह् सहय्नशिलता हाजिर जाँणियों तुवों खे ढाल-अरज करू, किन्देंखे के लोगों का ऐजा बुल्णाँ असो, के हाँव तुँओं मुँझी रंह्ऐयों दीन-नंम्बर असो, परह् जबे हाँव तुँओं मुझी ने हंदा तअ तुवों शा हाँव नीडर असो।

2 कुरिन्थियों 4:1

ईन्देंखे के जबे आँमों गाशी ऐष्णी कृपा हऐ, के आँमों ऐजी सेवा भेटी; तअ आँमें हिम्मत्त ने च़ूड़ो।

2 कुरिन्थियों 4:16

ईन्देंखे आँमें हिम्मत ने च़ूड़्दे; ना तअ अमाँरा दे:खावे की ईन्साँनिय्त नष्ट हंदी ज़ाँदी, तबे ही अमाँरी अंन्त्तर-आत्त्मा हर देसे नंऐं हंदी ज़ाँव।

2 कुरिन्थियों 5:20

ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

2 कुरिन्थियों 6:1

आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

इफिसियों 4:1

ईन्देंखे हाँव जू प्रभू खे कय्दी असो, तुँओं खे ढाल-अरज करू; के जेसी बुलावे शे तुँओं बय्दी थुऐ, तिन्दे ज़ूगी तुऐ चाल भे चालो,

इफिसियों 5:10

अरह् ऐशो परख-अजमाँव के प्रभू के का आच्छ़ो लागो।

फिलिप्पियों 1:20

हाँव तअ दिल शो चहाऊँ, अरह् भूर्षा थऊँ; के हाँव कोसी बातो दा शर्मिन्दा ने होंऊ, परह् जेष्णी मेरी बड़ी हिमम्त्त के जाँणें मसीया के बड़ियाऐ मेरी देह्-शरीर के जाँणें सदा हंदी रंह्, तैष्णी ही ऐबे बे हंदी रंह्, हाँव जीऊदा रंऊँ भाँव मँरी ज़ाऊँ।

फिलिप्पियों 2:17

तुँवारा बिश्वाष ऐक बल़ी के रूप दा असो, अरह् जे मेरो लह्ऊँ तुँवारी बल़ी गाशी पेरी देईलो तअ हाँव भे तुँवारी खुशी आरी खुशी असो।

फिलिप्पियों 4:18

मुँह कैई सब-कुछ असो, परह् बैजाऐ भे असो, जुण्जी चींजो तुँऐं भाई-इपफ्रुदीतुस कैई डियाल़ी थी, तिनू भेंटियों हाँव छ़क्की गुआ, से तअ सु:खदाय्क खुशबू-दार बंल़ीदाँण असो; जू पंण्मिश्वर के आछ़ा लागो।

1 थिस्सलुनीकियों 4:1

ईन्देंखे हे भाऐ-बंईणों, आँमें तुँओं खे ढाल-अरज करह्, अरह् तुँओं प्रभू यीशू दे सम्झाँव, के जैष्णी तुँऐं आँमों शी आच्छ़ी चाल चाल्णी अरह् पंण्मिश्वर खुशी करणा शिखा, अरह् जैष्णें तुँऐं चालो भे ऐ, तेष्णे ही हजो भे बढ़्दे रंह्।

1 थिस्सलुनीकियों 4:10

अरह् मकीदुनिया के बादे भाऐ आरी ऐष्णों ही प्यार करह्। परह् हे भाईयों, आँमें तुँओं सम्झाँव के हजो भे बिश्वाष दे बढ़्दे रंह्,

1 थिस्सलुनीकियों 5:12

हे भाऐ-बंईणों आँमें तुँओं खे ढाल-अरज करह्, के जू तुँऐं मेंह्न्त करह्, अरह् जू प्रभू दे तुवाँरे अगवाल़ असो, अरह् तुँओं खे शिक्क्षा दियों, तिनका आदर करह्।

1 तीमुथियुस 2:3

ऐजो अमाँरे छ़ुट्कारे देणों वाल़े, पंण्मिश्वर के आच्छ़ों लागों; अरह् तिनके ऐष्णों ही भाँव भे असो।

1 तीमुथियुस 5:4

परह् जे कोसी बिध्वा के नहाँन्ड़िया, के नात्ती-पोत्ती हों, तअ से आगे आप्णे ही कुड़बै आरी भगत्ति का बरताव करह्; अरह् आप्णें माँ-बाबा खे तिनका हंक देणाँ तिनू नहाँन्ड़िया कैई शा शिखाँव; किन्देंखे के सेजो पंण्मिश्वर के भे भाँव ऐ;

फिलेमोन 1:10

हाँव आप्णे धर्म का बैटा उनेसिमुस की ताँईऐं, जू मुँह कय्दी दा भेटा, अरह् मेरे जाँणें बिश्वाष दा मेरा गोद लुवा बैटा बंणा, हाँव तुँओं शी ढाल-अरज करू।

फिलेमोन 1:9

तबे भे हाँव पियार शी ताँव्खे ढाल-अरज कर्णी जादा आछो जाँणू, हाँव पौलुस जू ऐबे बुड़ी रूवा, अचकालिऐं प्रभू यीशू मसीया के ताँईऐं कय्दी दा असो,

इब्रानियों 13:22

हे भाऐ-बईणों हाँव तुँओं खे ढाल-अरज करू, के शिक्क्षा देणों वाल़े मेरे ऐजे बचन गेशी अमल करह्, मुँऐं तुँओं खे ऐजी लिखी अंदी पत्री बैजाऐ कंम लिखी थऐ।

1 पतरस 2:20

किन्देंखे के जे तुँऐं पाप करियों घूसै-मुँकिऐं खाई, अरह् सबैर मारा, तअ तिन्दी किऐ बड़ी बात ने आथी; परह् जे भली काँम-काज़ करियों कुँऐं दु:ख भूगौ, अरह् सबैर माँरो तअ ऐजो पंणमिश्वर के भे भाँव ऐ।

1 पतरस 2:5

तुँऐं भे जीऊँदें पाथरो जेष्णें बंणों, के आत्त्मिक देऊँठी के जेष्णें बंणाऐं ज़ाव; जू ऐक ऐशा पबित्र याजकों का समाज बंणियों सेवा करी सको, जिनका फर्ज ऐशे ऐशे आत्त्मिक बल़ीदाँण चढा़ऐया करह्, जू प्रभू यीशू मसीया के जाँणें पंणमिश्वरो के भाँव।