रोमियों 11:7 - Sirmouri

⁷ ईन्देका का नंतिजा हुआ? ऐजा के इस्राएली लोग जियों खोज-ताक दे थिऐ, से तिनू भेटी ने सकी; परह् चूंणें-छाँटें अंदें लोगो भेटो, अरह् ओकी लोगे आप्णा मंन कुठूर करी दिता।

सिरमौरी नौवाँ नियम

⁷ भलैई इस्राएल देश कै लोग पौरमेशवर कै साथै धरमी बौणणौ कै कौचिश कौरौ पौरौ सै नाकाम रौवै, जोबै कै जिनु लोगौ कै पौरमेशवरे चोणे राए सै तिनकै साथै धरमी बौणणौ कै कौचिश कौरौ, औरौ बाकी लोगौ कै जिद्दी बाणै दियै औरौ पौरमेशवर कै बात शुणणौ शै मोना कौरे दियु।

रोमियों 11:7 ပူးပေါင်းရင်းမြစ်များ

मरकुस 6:52

चैले के सेजी रोटी वाल़ी घट्णाँ ताँव-तोड़ी सम्झदे ने आऐ रंई थी, तिनके दिल ना सम्झ जैष्णें हऐ रूऐ थिऐ।

लूका 13:24

“साँगड़ी देओल़ी दो भिटो ज़ाणों कठींण हो, परह् तुँऐं भे कोशिष करह्; किन्देंखे के हाँव तुँओं खे बुलू, के कोशिष कर्णो गाशी भे भहिते लोग तिन्दें दाखिल ने हऐ बल़्दे।

यूहन्ना 12:40

पंण्मिश्वर ऐं तिनकी आखी शैड़ी, अरह् तिनका मंन कुठूर करी दिता; जू कंद्दी ऐशो ने हईयों, के से आप्णी आखिऐ देखो; अरह् आप्णी मंन, बुद्धी शो संह्म्झो, अरह् से मेरी ढबै फिरो; अरह् से पस्तावा करी पाँव, अरह् हाँव तिनू चाँग्गै-भले करी देंऊँ।

रोमियों 10:3

से पंणमिश्वर की नंजर दे बै-कसूर बंण्णों खे, जुण्जी बाट पंणमिश्वर बंणाँऐं थऐ, से तियों बाटो दे ने चाल्दे; परह् से आप्णी बाणी अंदी बाटो बाटी ज़ाऐयों से आप्खे पंणमिश्वर की नंजर दे बै-कसूर बंण्णों की खोज दे रंह्, अरह् तिन्ऐं पंणमिश्वर की बंणाऐ अंदी बाट ठुकराऐं दिती।

रोमियों 11:25

हे भाऐ बंईणों, कद्दी ऐशो ने हईयों, के तुँऐं आपु खे बद्धीमाँन जाँणों; ईन्देंखे हाँव ने चहाँदा के तुँऐं ऐसी राज भेद् शे अजाँण्दे ने रंह्, के जबे गऐर यहूदी पुरी रित्ती शे ने आऐ ज़ाँव, ताँव-तोड़ी इस्राएल का ऐक हिस्सा ऐष्णा ही कुठूर रंह्दा।

रोमियों 11:5

ठीक तेष्णें ही, किऐ पंणमिश्वर की कृपा शे चुँणें-छ़ाँटे अंदें लोग हजो ऐसी बख्ते भे असो।

रोमियों 3:9

तअ तबे का हुओ? कियों आँमें तिन शे आछे असो? बिल्कुल् ने; किन्देंखे के आँमें यहूदियों अरह् यूनानियों दुई गाशी ऐजा दोष-ईल़जाम लाऐ थुवा, के से बादे के बादे पाप के बषौ दे असों।

रोमियों 6:15

तअ का हुओं? कियो आँमें ईन्देंखे पाप करह्, के आँमें ऋषी-मूसा खे भेटे गुऐ निय्मो के बंष दे ने, परह् कृपा के बंष दे असो? बिल्कूल् ने!

रोमियों 9:18

ईन्देंखे के पंणमिश्वर जेस्खे चहाँव, तेसी ही गाशी आप्णी दया-रंय्म करह्, अरह् जेस्खे ने चहाँदा तेस्खे आप्णा मंन कुठूर करी दियों।

रोमियों 9:23

पंणमिश्वर ऐष्णों ईन्देंखे करह्, के से दया-रंय्म के तिनू बासंणों गाशी, आप्णी बड़ियाऐ के शाँन-शक्त्त पर्गट करणी चहाँव थिऐ, जिनू तिन्ऐ आप्णे संईसारी के शुरू शे ही आप्णी बड़ियाऐ खे ही तियार करी थुऐ थिऐ।

1 कुरिन्थियों 10:19

तअ मेरे बुल्णों का मंतल्व ऐजा असो? के मुर्त्तियों गाशी चड़ाई अंदी बल़ी किऐ ने आथी, अरह् ना किऐ मुर्त्तियों आथी?

2 कुरिन्थियों 3:14

खास करियों इस्राएली लोगों के मंत्ती मारी गऐ थी, किन्देंखे के पुराणा निय्म पढ़दे बख्त्ते ऐत्तलो तोड़ी भे तिन के मंन दा सेजा ही पड़्दा पड़ा अंदा रंह्; परह् सेजा पड़दा मसीया के आँणों गाशी हटाया ज़ाँईदा।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

इफिसियों 1:4

जेष्णें तिन्ऐं आँमों संईसारी की शुरूवात शे आगे मसीया की गंईलो चुँणी-छ़ाँटी थुऐ थिऐ, के आँमें तिनके नंजरी शे प्रेम दे पबित्र अरह् नीरदोष बंणों।

इफिसियों 4:18

किन्देंखे के तिनकी बुद्धी अकल माड़ी हऐ रंऐ, अरह् तियों बैसम्झी के जाँणें; जू तिनदी असो, अरह् तिनके मंन की कुठूरता के जाँणें; से पंण्मिश्वर के जीवन शे ज़ोई करे अंदें असो,

फिलिप्पियों 1:18

तबे का हुओं? सिर्फ ऐजो असो, के हर तरेह् शे, भाव भाने शे भाँव सच्चाई शे, परह् हों तअ मसीया का ही प्रचार हों; अरह् हाँव ईन्देशा खुशी असो, अरह् खुशी रंह्ऊँबा भे।

इब्रानियों 12:17

तुँऐं लोग जाँणों ऐ, के तिन्दें पाछ़ी से आप्णें बाबा कैई शा आशिर्बाद लंणाँ जहाँव थिया; परह् से तिन्दे ज़ुगा थी ने, अरह् तेने रूऐ-रूऐयों अरज करी, तबे भे से आप्णें बाबा का मंन बद्ल़्णों शा हारी गुवा।

1 पतरस 1:2

अरह् परमं-पिता पंणमिश्वर के हंणों वाल़े ज्ञाँन के मुताबिक, पबित्र-आत्त्मा के पबित्र कर्णो के जाँणें, प्रभू खे ज़ई करी थुऐ, सेजे मसीया प्रभू यीशू के अज्ञाकारी बंणों, अरह् तिनके लह्ऊँ का छ़िड़काँव लों: अरह् तुओं कृपा, अरह् शाँन्त्ति बैजाऐ भेटदी रंह्।