रोमियों 11:20 - Sirmouri

²⁰ ठीक असो, सेजे लोग तअ बै-बिश्वाष के जाँणें च़ूड़ी दिते, परह् तू बिश्वाष दा पाक्का बंणा रूऐ, ईन्देंखे तू घमंन्डी ने बंणें, परह् डरियों रूऐ,

सिरमौरी नौवाँ नियम

²⁰ ऐजौ साचौ औसौ, सै तौ अबिशवाश कै बौजैह शै तौड़ै गोई, पौरौ तू बिशवाश दा बौणेयौंदा रौंव, इथकारिए घमण्डी नी हौं, पौरौ डौर मानैया,

रोमियों 11:20 ပူးပေါင်းရင်းမြစ်များ

लूका 18:14

प्रभू यीशू ऐं बुलो, “हाँव तुँओं खे बुलू; के सेजा यहूदी भाट-बाँम्ण ने, परह् सेजा चूंग्गी लणों वाल़ा, आदमी ही धर्मीं बणियों, आप्णे घरेह् हुटा; किन्देंखे के जुण्जा कुँऐं आपु आप्खे बड़ा बंणला, तेसी ही छुटा बाँणा ज़ाला, परह् जुण्जा कुँऐ आपु आप्खे छुटा बाँण्ला, तैसी ही बड़ा बाँणा ज़ाला।”

प्रेरितो कै काम 18:6

परह् जबे सेजे लोग संत्त-पौलुस का बिरूध अरह् नीदया कर्दें लागे, तबे तेने आप्णे खट्णों की धूड़ झाड़ियों तिनखे बुलो, “तुवाँरो लह्ऊँ तुवाँरें ही मुँडे हों! हाँव नि-र्दोष-बै-कसूर असो। ऐबे हाँव गऐर-यहूदी कैई ज़ाँऊबा।”

रोमियों 11:18

तुँऐं आपु-आप्खे तियों डाल़ी शा बंडा बंणियों तारीफ ने करे; अरह् जे तू तारीफ करे, तअ जाँणी पाँऐ के तू जड़ नें परह् जड़ ताँव संभाल़ो।

रोमियों 11:21

किन्देंखे के जबे पंणमिश्वर जाँमी-ऊप्जी डाल़ी भे छुड़ी ने, तअ ताँव भे से छुड़दा ने।

रोमियों 12:16

आपु मुँझी मिली-चालियों रूऐ; तारीफ ने करे, परह् गरीब आरी संग्त्ति करे; आप्णी नंजरी दे बुद्धीमान ने बंणें।

रोमियों 12:3

किन्देंखे के हाँव तियों कृपा के जाँणें जू मुँह भेटी, तुँओं मुझ्शे ऐक नाँम खे बुलू, के जेष्णों सम्झणों पड़ो, तिन्दें शो बड़ियों कुँऐं भे आपु-आप्खे ने सम्झे; परह् जेष्णों पंणमिश्वर ऐकी नाँमों खे बिश्वाष के नंतिजे के हिसाब शो बाँडी थो, तेष्णें ही आच्छ़ी बुद्धी आरी आपु-आप्खे संम्झे।

रोमियों 3:3

जे किऐ लोग किऐ बिश्वाष घात्ती निक्ल़े भे तअ का हुओ? कियो तिनके धोखेबाज हंणों के जाँणें पंणमिश्वर बिश्वाष ज़ूगै हंदी ने किऐ?

1 कुरिन्थियों 10:12

ईन्देंखे जुण्जा कुँऐं ऐशो जाँणों के “हाँव बिश्वाष दा बिलकुल पाका असो,” सेजा च़ौक्क्ष रंह्; जू कद्दी से बिश्वाष शा टल़ी ने ज़ाव।

1 कुरिन्थियों 15:1

हे भाऐ, बंईणों, ऐबे हाँव तुँओं कैई शी सेजी ही खुषख्बरी शुणाँऊ, जुण्जी मुँऐं आगे भे शुणाँऐं थऐ, अरह् तुँऐं तियों खुषख्बरी माँनी भे थऐ, अरह् तुँऐं तिन्दें अट्ल़ भे असो।

1 कुरिन्थियों 16:13

बीऊँजी रूऐ, बिश्वाषो दे पाकै रूऐ, हिम्मत करह्, तागतबर बंणों।

2 कुरिन्थियों 1:24

ऐजो ने के आँमें बिश्वाष के बारे दा तुँओं गाशी हंक-अधिकार जमाँणा चहाँव; परह् तुवाँरे आँनन्द-खुशी के साथी असो, किन्देंखे के तुँऐं बिश्वाष दे ही पाक्कै रंह।

2 कुरिन्थियों 10:5

ईन्देंखे आँमें बिचारों का अरह् ऐक नाँम बड़ी बातो का, जू पंण्मिश्वर की पह्च्छयाँण खे रूकाव्ट दी खड़ी हों, तिन्दें का बिरूध करह्; अरह् ऐक नाँम भावना कय्द करियों मसीया खे अज्ञाकारी बंणाँऐं दियों,

फिलिप्पियों 2:12

ईन्देंखे हे मेरे प्यारे, तुँऐं सदा मेरी बात मान्दे रंह्, ऐबे हाँव तुँओं शा दुरका असो, ईन्देंखे जबे हाँव तुँओं आरी थिया, तिन्दे शे कंम ने; परह् तिन्दे शे भे जादा होंस्ले शे तुँऐं डर्दे, अरह् आप्णे पाप के छुट्कारे के काँँम-काज़ दे लागे अंदें रूऐ;

कुलुस्सियों 2:7

अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

2 थिस्सलुनीकियों 2:4

से आपु खे बादी चींजो शा बड़ा बंणदा, अरह् बिरूध करला, तिनका जू पंण्मिश्वर के आदर्णिऐं असो, अरह् से पंण्मिश्वर की देऊँठी दा बऐठियों आपु-आप्खे पंण्मिश्वर बुल्दा।

1 तीमुथियुस 6:17

अरह् ऐसी ज़ुगौ की चींजो लई, जू कुँऐं सेठ-धंनवाँन बंणी रूऐ, तिनखे अज्ञाँ दे, के से घमंडी ने बंणों, अरह् ना चंचल धंन दा किऐ भूर्षा करह्, परह् पंण्मिश्वर गाशी भूर्षा थुऐ, जेने अमाँरे सु:खो खे सब-कुछ बैजाऐ दितो।

इब्रानियों 3:12

हे भाऐ-बंईणों च़ौक्क्ष रूऐ, के तुँओं मुँझी कुँऐं बुरे अरह् बै-बिश्वाषी मंन के ने हों, जू तुँओं से जीऊँदे पंण्मिश्वर शे दुर्के ने नींयों।

इब्रानियों 3:19

ईन्देंखे ऐजों साफ असों, के आप्णें बैबिश्वाष के कारण से हाजीर ने हंऐ संकी।

इब्रानियों 4:11

ईन्देंखे आँमें तेसी बिषाँव के देसो दे हाजीर हंणों के पुरी हिमम्त्त आरी कोशिष करह्; के कोसी भी अज्ञाँ ना माँन्णों के कारण किऐ भे सजा ने पाँणीं पड़ो।

इब्रानियों 4:6

तअ जबे ऐजी बात हजो भे असो ऐ, के कैतोड़े हजों भे असो, जुण्जे तेसी बिषाँव के देसो दे हाजीर हऐ ज़ाव, अरह् जिन कैई शी तिनकी खुषख्बरी आगे शुँणाँऐं गऐ, से तिनकी अज्ञाँ ना माँनणों के कारण तेसी बिषाँव के देसो दे से हाजीर ने हंऐ सकी।

याकूब 2:19

ताँव बिश्वाष असो, के ऐके ही पंणमिश्वर असो, तअ तू आछो करे। दुष्ट-आत्त्मा भे ऐष्णा ही बिश्वाष करह्, के पंणमिश्वर असो ऐ, अरह् तिनके नाँव शी डरो, काम्लियों ऐ।

याकूब 4:6

पंणमिश्वर आँमों खे बैजाऐ कृपा दियों, ईन्देंखे पबित्र-ग्रन्थों दो ऐजो लिखी थो: “पंणमिश्वर घमंन्डियों के बिरूध रंह्, अरह् गरीब-दीन नंरमाँई वाल़े लोगों खे आप्णी कृपा-रंय्म अरह् शाँण्त्ति दियों”,

1 पतरस 1:17

अरह् जे तुवाँरे ऐक नाँम लोगो के कर्मों के मुताबिक बिना अप्णोंट के नियाँव कर्णो वाल़े पंणमिश्वर खे तुँऐं हे पिता करियों पुकारो, तअ ईयों धर्ती गाशी रंहणों के बख्त भऐ-डर शा आप्णा जीवन बिताव।

1 पतरस 5:12

मुँऐं सिलवानुस के हाथे, जेसी हाँव बिश्वाष ज़ूगा भाऐ जाँणू, दाँणिंक लिखियों तुँओं सम्झाऐ थुऐ, अरह् ऐजी गुवाऐ-शाज़्त देऐ थऐ, के पंणमिश्वर की साची कृपा ऐजी ही असो, ईन्दी ही पाक्के डटे अंदे रूऐ।

1 पतरस 5:9

बिश्वाष दे पाक्के हऐयों, अरह् ऐशो जाँणियों तैसका साँम्णा करह्, के तुवाँरे भाऐ बंईणों भी जू संईसारी दे असो, से ऐष्णें ही दु:ख संह्।

प्रकाशितवाक्य 18:7

तिन्ऐं जेतोड़ी आप्णी, बड़ियाऐं करी, अरह् तिन्ऐं जे-तोड़ा भोग-बिलास करा, तुँऐं भे तिनखे तेत्री ही परेशाँनी अरह् बैद्णीं दियों; किन्देंखे के से मंन ही मंन बुलो, के हाँव तअ राँणी जेष्णी बंईठी रंऐ, हाँव बिध्वा ने आथी; हाँव कद्दी भे दु:ख बीलाप, अरह् शोक दे ने पड़दी।

प्रकाशितवाक्य 3:17

तू बुले, के हाँव धनी-सैठ असो, अरह् अमीर बंणी रूवा, अरह् मेरे कोसी भी चींजो की कंम्मी ने आथी; अरह् तू ऐजो ने जाँण्दा, के तू नींरभाग, अरह् छुट्टा, अरह् कंगाल, अरह् शैड़ा, अरह् नाँगा असो।