रोमियों 11:16 - Sirmouri

¹⁶ जबे भेंट के बाटे अंदे आटे के आगली आरी पबित्र बंणी, तअ बादो आटा भी पबित्र बंणो; अरह् जबे जड़ पबित्र बणीं, तअ डाल़ी भी तैष्णी ही पबित्र असो।

सिरमौरी नौवाँ नियम

¹⁶ हांव यहूदी लोगौ कै बारै मुंजी तुऔं ऐक उदारण दियु। ऐजा आमु यहूदी लोगौ का भोवार औसौ, जोबै आमु रोटी बाणणौ कारिए आटो बाटु, तौ आमै पौरमेशवर कै भैंट दैणौ कै मुट्ठी भोरेयो आटो कौरु। जै सैजी ऐक मुट्ठी पौरमेशवर कै औसौ, तौ इथका मतलब औसौ कै पूरु आटो बै तैसकौ औसौ। तैशैखैई जै जड़ पौरमेशवर कै औसौ, तौ डाल़ी बै पौरमेशवर कै औसौ।

रोमियों 11:16 ပူးပေါင်းရင်းမြစ်များ

रोमियों 11:17

जे किऐं डाल़ी च़ूड़ियों ज़ई करी थंई, अरह् तुँऐं लोग जू बाड़ूई तेरमोंल़ी जेष्णें असो, अरह् जे तुँवारी तिनू डाल़ी के जागें दी कलंम लाईली, जू तुँऐं भे तेरमोंल़ी के पाचै तेरमोंल़ों के हिस्सेदार बंणों।

रोमियों 8:23

अरह् सिर्फ सेही ने, परह् आँमें भे जिन कैई पबित्र-आत्त्मा का आगला फल़ असो, आँमें भे सासो ऊदे ही सीटो; अरह् गोद् लणों की, मतल्व आप्णी देह्-शरीर के छुट्कारे की बाट जुओं।

1 कुरिन्थियों 7:14

किन्देंखे के बिश्वाष्णी घरवाल़ी का बै-बिश्वाषी घरवाल़ा भे तियाँरे बिश्वाष के जाँणें पबित्र माँना ज़ाँव; तैष्णी ही बै-बिश्वाषी तिरंई भे आप्णें बिश्वाषी घरवाल़े के जाँणें पबित्र बंणाँऐं ज़ाँव; ना तअ तुँवारी अलाद भे अशुद्ध रंह्दी थी! परह् ऐबे तुँओं दुई के जाँणें तुँवारी अलाद भे पबित्र असो।

याकूब 1:18

तिन्ऐं आप्णी हिछ़्या पुरी कर्णों खे आँमों सच्चाई के बचनों के जाँणें नुवाँ जीवन दिता, के आँमें तिनके जाँणें बंणाऐं गुऐ, पराँणी मुझ्शे बिश्वाष का आगला फल़ बंणों।

प्रकाशितवाक्य 14:4

से सेजे लोग असो, जुण्जे तिरंई की गईलो हेबी तोड़ी अशुद्ध ने हऐ रंई थी, अरह् से कुँवाँरें असो; से सेजे ही असो, जुण्जे हमेशा छ़ैल़्टे पाछ़ी चालो भाँव छ़ैल़्टा कैथी भे ज़ाँव; तिनू पंण्मिश्वर अरह् छ़ैल़्टे खे बिश्वाष की आगली ही ऊपज का जिया फ़ल़ आदमी मुझ्शे चूणें-छ़ाँटे गुवे।