रोमियों 10:9 - Sirmouri

⁹ के जे तू आप्णे मुँहों शा यीशू खे प्रभू जाँणियों माँनें, अरह् आप्णे मंन शा बिश्वाष करे, के पंणमिश्वर तिनू मरे अंदे मुँझ्षे ऊबे जींयाल़े, तअ तू जरूर मुँक्त्ति पाँईदा।

सिरमौरी नौवाँ नियम

⁹ इथकारिए जै तुऐं आपणै मुँह लैई लोगौ कै सामणै यीशु मसीह कै प्रभु जाणैयौ अपनांव, औरौ आपणै मन दा ऐजा बिशवाश कौरौ कै पौरमेशवरे मसीह कै मौरेयौंदे मुंजीदा जियुंदी कौरा, तौ पौरमेशवर तैरा उध्दार कौरदा।

रोमियों 10:9 ပူးပေါင်းရင်းမြစ်များ

लूका 12:8

तबे प्रभू यीशू ऐं हजो बुलो, “हाँव तुँओं खे बुलू: के जुण्जा कुँऐं मुँह आदमी के सहाँम्णें माँनला। तैसी आदमी का बैटा भे पंण्मिश्वर के दूत्तो के सहाँम्णें माँनदा ऐं।

यूहन्ना 9:22

तेसी आदमी के माँ-बाबा ऐं ऐजी बात ईन्देंखे बुली, किन्देंखे के से यहूदी निय्म के शिखाँणों वाल़े शे डरो थिऐ; अरह् यहूदी निय्म के शिखाँणों वाल़े ऐं ऐजो आगे ही ठाटी थो थियों, के जे कुँऐं आदमी प्रभू यीशू खे मसीया माँनला तअ आँमें तेसी आदमी यहूदी च़ौत्रे शा बाँईडा गाड़ी देऊँबे।

प्रेरितो कै काम 16:31

तिन्ऐं बुलो, “प्रभू यीशू गाशी बिश्वाष करह्, तअ तू अरह् तेरा बादा घराना मुँक्त्ति पाला।”

प्रेरितो कै काम 2:24

परह् पंण्मिश्वर ऐ, तीनू मंऊँत्ती की बैद्णीं शे छुड़ोऐयों पाछू ऊँबे जियाँल़े; किन्देखे के ऐजो मुँष्किल थियों, के से मंऊँत्ती के बषं दे रंह्दे;

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

प्रेरितो कै काम 8:36

जबे यात्रा कर्दे-कर्दे बाटो पुडे से चाल्दे-चाल्दे कोसी पाँणी वाल़ी जागा दे पंह्ईचे। तअ तबे तेने खोजे़ ऐ बुलो, “ईथै पाँणी असो, अरह् ऐबे मेरे नहाँण-नहाँणों दे का रूकावट असो?”

रोमियों 10:10

किन्देंखे के दिल शा बिश्वाष कर्णो शा पंणमिश्वर के नंजर दो बै-कसूर बंणों ज़ाव, अरह् मुँख शा माँनणों गाशी मुँक्त्ति भेटो।

रोमियों 14:11

किन्देंखे के पबित्र-ग्रन्थों दो लिखी थो, “प्रभू बुलो, मेरे जीवन की षौं, के ऐक नाँम घुन्डू मेरे साम्णें नोंदें, अरह् ऐक नाँम जीभ पंणमिश्वर माँनियों धारण कर्दे।”

रोमियों 14:9

किन्देंखे के मसीया ईन्दी ही की ताँईऐं मंरा, अरह् ऊबे भे जींऐं के से मरे अंदे अरह् जींऊदे दुई के प्रभू असो।

रोमियों 4:24

परह् आँमों खे भे असो, जे आँमें तेसी पंणमिश्वर गाशी बिश्वाष करूबे, जिन्ऐं अमाँरे प्रभू यीशू मरे अंदे मुँझ्शे जीयाल़े, तअ आँमें भे आप्णें बिश्वाष के जाँणें पंणमिश्वर के नंजर दे बै-कसूर माँनें ज़ाँदे।

रोमियों 8:34

तबे कुँण असो, जू सजा के अज्ञाँ देला? मसीया ही असो, जू मरी गुऐ, परह् मुँड़्दे मुँझ्शे पाछु ऊबे जीँऐं, अरह् पंणमिश्वर के सुऐं ढबे बंईठी गुऐ, अरह् अमाँरी ताँईऐं पंणमिश्वर शी बिनती-अरजी भे करह्।

1 कुरिन्थियों 12:3

ईन्देंखे हाँव तुँओं कैई शो चित्ते कराऊँ के जुण्जा कुँऐं पंणमिश्वर की आत्त्मा की शक्त्ति शो बुलो, से ऐजो बुली ने सक्दा के यीशू श्रापित असो! अरह् ना कुँऐं पबित्र-आत्त्मा भेटे बिना ऐजो बुली ने सक्दा के यीशू ही प्रभू असो।

फिलिप्पियों 2:11

अरह् परमं-पिता पंण्मिश्वर के बड़ियाऐं खे हर ऐक जीभ ऐजो माँनी पाँव के यीशू मसीया ही प्रभू असो।

1 पतरस 1:21

तिनू मसीया के जाँणें ही तुँऐं तिनू पंणमिश्वर गाशी बिश्वाष करह्, जिन्ऐं तिनू मरे अंदे मुँझ्शे ऊबे जीयाल़े, अरह् बड़ियाऐं दिती, के तुँवारा बिश्वाष अरह् भूर्षा पंणमिश्वर गाशी हों।

1 यूहन्ना 4:15

जुण्जा कुँऐं ऐजो मानी पाँव के प्रभू यीशू मसीया ही पंण्मिश्वर का बैटा असो, तअ से पंण्मिश्वर दा अरह् पंण्मिश्वर तैस्दा बास करह्।

2 यूहन्ना 1:7

संईसारी दे कऐयों दुरताँणों-भड़काँणों वाल़े चाल पड़े, जू ऐजो माँन्दा ने के प्रभू यीशू मसीया देह्-धारण करियों आमों मुझी आऐ; अरह् ऐष्णा आदमी दुष्ट हों, जू ओकी सच्चाई की बाटो शे भरमाँऐयों भटकाऐ दियों, सेजा मसीया का बिरूधी बऐरी असो।