रोमियों 10:2 - Sirmouri

² किन्देंखे के हाँव तिनके ढबे शी ऐजी गुवाऐ-शाज़्त देऊँ, के से पंणमिश्वर की लगंन दे बैजाऐ मंगन रंह्, परह् से पंणमिश्वर के बचन दे टीके ने रंह्दे, अरह् ना तिन्दें दारमदार रंह्दे।

सिरमौरी नौवाँ नियम

² जिथुकै हांव तिनुकै गवाही दियु, कै तिनुखै पौरमेशवर कै खातिर जोश रौंव, पौरौ पौरमेशवर कै सेवा कैशै कौरणै चैंई, इथकै बारै मुंजी तिनकै सौमझ सोही ना आथी।

रोमियों 10:2 ပူးပေါင်းရင်းမြစ်များ

यूहन्ना 16:2

से तुँओं यहूदी-च़ौत्रें शे आगू गाड़्ले, सिर्फ ऐत्ती ने, परह् सेजा बख्त्त भे आऐ गुवा; जबे तुवाँरी हंत्त्या कर्णों वाल़ा, आप्णें कुँकंर्म खे पंण्मिश्वर की सेवा कर्णी संम्झला।

प्रेरितो कै काम 21:20

तिन्ऐं ऐजी बात शुँणिंयों पंण्मिश्वर की बड़ियाऐं करी, अरह् संत्त-पौलुस खे बुलो; “भाऐ! तुऐ देखी लो, के हजारो यहूदियों ऐ बिश्वाष करी पाया; अरह् से बादे निय्म पाक्कै माँनणों वाल़े भे असो।

प्रेरितो कै काम 21:28

“हे प्यारे भाईयों! अमाँरी मद्त करह्; ऐ सेजा ही आदमी असो! जुण्जा ढींकों सोभी लोगों खे ऐशी शिक्क्षा का प्रचार करह्, जुण्जा अमाँरी जात्ती, अरह् अमाँरे रिती-रूवाज, अरह् ईयों देऊँठी के बिरूध असो; ऐने ईनू यूनानियों लोग पबित्र जागें दे नींह्ऐयों अ-पबित्र करी पाऐ।”

प्रेरितो कै काम 22:22

तिनू लोगे ऐ संत्त-पौलुस की बातो ईथै तोड़ी तअ जरूर शुँणीं, परह् ईदें पाछ़ी से बैजाऐ लेल्याऐ; के “ऐजा आदमी ईयों धर्ती गाशी रंहणों ज़ूगा ने आथी, ऐसी खह्त्तम करह्!”

प्रेरितो कै काम 22:3

“हाँव यहूदी असो! हाँव किलिकिया के तरंसुस नंगर दा पय्दा हऐ रूवा; अरह् मुँऐ ऐसी नंगर दे ही गुरू-गमलीएल के लात्तो कैई बऐठियों शिक्क्षा-दिक्क्षा लऐ थंऐ; मुँऐं आप्णें पुराँणियाऐं के रित्ती-रूवाज के बिधी-बिधान का बादा अध्यन करी थुवा; हाँव पंण्मिश्वर का तेष्णा ही आरार्धना कर्णों वाल़ा बंणाँ, जेष्णें तुऐं असो।

रोमियों 10:1

हे भाऐ बंईणों, मेरे मंन की हिछ़ा ऐजी असो, के इस्राएली लोगो खे, अरह् पंणमिश्वर शी मेरी ऐजी प्रार्थना असो, के से छूट्कारा पाँव।

रोमियों 10:3

से पंणमिश्वर की नंजर दे बै-कसूर बंण्णों खे, जुण्जी बाट पंणमिश्वर बंणाँऐं थऐ, से तियों बाटो दे ने चाल्दे; परह् से आप्णी बाणी अंदी बाटो बाटी ज़ाऐयों से आप्खे पंणमिश्वर की नंजर दे बै-कसूर बंण्णों की खोज दे रंह्, अरह् तिन्ऐं पंणमिश्वर की बंणाऐ अंदी बाट ठुकराऐं दिती।

2 कुरिन्थियों 4:4

अरह् तिनू बै-बिश्वाषी खे, जिनकी बुद्धी ईयों संईसारी के ईश्वर ऐ शैड़ी बाँणी थऐ, जे मसीया जू पंण्मिश्वर का सरूप असो, तिन के त्तेजमंऐं खुषख्बरी का प्रकाष तिनू गाशी ने चंम्को।

2 कुरिन्थियों 4:6

किन्देंखे के पंण्मिश्वर ही असो, जिन्ऐं बुलो, “ईनाँरें मुँझ्शी ज्योत्ति-चंम्को,” अरह् सेही अमाँरे सासो दी चंम्की, के पंण्मिश्वर की बड़ियाऐ की पंछ़याँण की चंम्क यीशू मसीया के मुँख्ड़े शी प्रकाषमाँन हऐ।

2 कुरिन्थियों 8:3

तिनके बारे दी मेरी ऐजी गुवाऐ-शाज़्त असो, के तिन्ऐं आप्णी शरदा शो अरह् आप्णी शरदा शो भे जादा मंन खुलियों दितों।

गलातियौं 1:14

आप्णे जात्ती वाल़े, जुण्जे मेरी ऊमरी के थिऐ; तिनू हाँव यहूदी मंत्त दे बैजाऐ बंड़ाऊँ थिया; अरह् आप्णे नाँना-बाबा के रिती-रूवाज के मुँताबिक बैजाऐ होंस्ले दा थिया।

गलातियौं 4:15

तअ तबे तुँवारी सेजी खुशी मंनाँणी केथै गऐ? हाँव तुवाँरा गुवाह्-शाज़्त असो; के जे हऐ सको, तअ तुँऐं आप्णी आँ:खी भे मुँखे गाड़ियों ऊँडी देंदे।

फिलिप्पियों 1:9

हाँव ऐजी प्रार्थना करू, के तुवाँरा प्यार ज्ञाँन अरह् बादी सम्झ आरी हजो भे बढ़दा ज़ाऊँ,

फिलिप्पियों 3:6

यहूदी धर्म दा ऐत्रा पाक्का थिया, के हाँव कलीसिया का सताँणों वाल़ा थिया; अरह् शिक्क्षा धार्मिक्त्ता के बारे दा जे बुलो तअ बै-कसूर असो।

कुलुस्सियों 4:13

हाँव तिन्देका गुवाह्-शाज़्त्त असो, के से तुँओं खे अरह् लौदीकिया नंगर अरह् हियरा-पुलिस नंगर वाल़े खे बड़ी मेंह्नत करदा रंह्।