रोमियों 10:17 - Sirmouri

¹⁷ तअ: बिश्वाष शुण्णों शा, अरह् शुण्णाँ मसीया के बचन शा हों।

सिरमौरी नौवाँ नियम

¹⁷ इथकारिए बिशवाश तोबै आंव जोबै कुणजाई सौंदेश शुणौए औरौ ऐजा सौंदेश मसीह कै बारै मुंजी वचन औसौ।

रोमियों 10:17 ပူးပေါင်းရင်းမြစ်များ

मरकुस 4:24

तबे प्रभू यीशू ऐ बुलो, “च़ौक्क्ष रंह् के तुँऐं का शुण्णों। जेसी पाथै-सोल़ै लई तुँऐं मिणों, तेसी ही पाथै-सोल़ै लई तुँओं खे भे मिणों ज़ालो, अरह् तुँओं खे, बैजाऐ दियों ज़ालो।

लूका 11:28

परह् प्रभू यीशू ऐ बुलो, “होर, परह् जादा भाग्ईंत्त सेजे असो! जुण्जे पंण्मिश्वर का बचन शुण्णों, अरह् तिन्दे का पाल़्ण करह्।”

लूका 8:11

“अनाँणे का मतल्व का असो: बीज़ पण्‍मेश्वर का बचन असो।

लूका 8:21

प्रभू यीशू ऐ तैस्खे जबाब दिता, “मेरी माँ, अरह् मेरे भाऐ, सेजे असो; जू पंण्मिश्वर का बचन शुण्णों, अरह् माँनों ऐ।”

यूहन्ना 1:37

तबे सेजे दुईनें चैले, संत्त-यूहन्ना के ऐजी बात शुँणियों प्रभू यीशू पाछी चाले।

रोमियों 1:16

किन्देंखे के हाँव यीशु मसीया की खुषख्बरी दा सरमाँदा ने, ईन्देंखे के से ऐक नाँम बिश्वाष कर्णो वाल़े खे आगे यहूदी खे, तबे यूनानी खे, मुँक्त्ति के मुँताबिक शी पंणमिश्वर के शक्त्ति असो।

रोमियों 10:14

तबे जेसी गाशी तिन्ऐ बिश्वाष ने करी थई, तेस्का नाँव से कैई जप्दे? अरह् जेस्के बारे दो तुँऐ शुणिंही ने थई, तेसी गाशी तुँऐ बिश्वाष कैई कर्दे? अरह् सेजा भे प्रचार के बिना कियों-कियों शुणों?

2 कुरिन्थियों 2:17

किन्देंखे के आँमें ईनू भहीते जैष्णें ने आथी, जू पंण्मिश्वर के बचन दी मिलावट करह्; परह् मंन की सच्चाई शे अरह् पंण्मिश्वर की ढबे शे पंण्मिश्वर हाजिर जाँणियों मसीया दो बुलो।

गलातियौं 3:2

हाँव तुँओं कैई शो सिर्फ ऐजो जाँण्णों चहाऊँ, के तुँओं पबित्र-आत्त्मा; मूसा खे भेटे गुऐ अज्ञा-निय्म का पाल़्ण कर्णो लई भेटा; के खुषख्बरी दा बिश्वाष कर्णो के कारण भेटी रूआ?

गलातियौं 3:5

पंण्मिश्वर जू तुँओं खे आप्णी आत्त्मा दियों, अरह् जू तुँओं मुँझी चींन-चम्तकार करह्; से ऐजो ईन्देंखे करह्, के तुँऐं मूसा खे भेटे गुऐ अज्ञा-निय्म का पाल़्ण करह्, के तुँऐं खुषख्बरी शुणियों बिश्वाष करो?

कुलुस्सियों 3:16

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्;

1 थिस्सलुनीकियों 2:13

ईन्देंखे आँमें भे पंण्मिश्वर का धन्यबाद सदा कर्दे रंह्, के जबे अमाँरे जाँणें पंण्मिश्वर की खुषख्बरी का बचन तुँओं कैई पईचा, तअ तुँऐं तेसी आदमी का ने; परह् पंण्मिश्वर का बचन जाँणा, (अरह् सत्तिखे ऐ ऐष्णों ही असो) तुँऐं भे माँनों; अरह् से तुँओं बिश्वाषी मुँझी जू बिश्वाष थंह्, ऐक दब-दबा बंणा अंदा रंह्।

इब्रानियों 4:2

किन्देंखे के आँमों कैई भी तिनू ही जैष्णी खुषख्बरी शुँणाऐ गऐ थी, परह् शुँणें अंदें बचन लंई तिनके किऐ भे फ़ाय्दा ने हंई; किन्देंखे के तिनू शुँण्णों वाल़े के मंन दा बिश्वाष ने हंऐ रंई थी।

1 पतरस 1:23

किन्देंखे के तुँऐं नाँष बाँन ने, परह् नाँष ने हंणों वाल़े बीज़ो शे, पंणमिश्वर के जीऊँदे अरह् सदा अट्ल़ बचन के जाँणें नुवाँ जीवन पाँऐ थुवा।

प्रकाशितवाक्य 1:9

हाँव यूहन्ना, जू तुवाँरा भाऐ अरह् प्रभू यीशू के कल़ेष अरह् राज्य अरह् धीरज दा तुवाँरा साजी असो, पंण्मिश्वर के बचन अरह् प्रभू यीशू की गुवाऐ-शाज़्त्त के कारण हाँव पतमुस नाँव के टापू दा थिया।