रोमियों 10:15 - Sirmouri

¹⁵ अरह् जे डियाल़े ने ज़ाँव, तअ प्रचार किया-किया कर्दें? जेष्णों पबित्र-ग्रन्थों दो लिखी थो, के “तेस्के लात्त-भींख कैत्री आछ़ी असो, जू खुषख्बरी की आच्छ़ी बातो का प्रचार करह्।”

सिरमौरी नौवाँ नियम

¹⁵ औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”

रोमियों 10:15 ပူးပေါင်းရင်းမြစ်များ

मत्ती 9:38

ईन्देंखे खेच़ौ के मालिक शी बिनती-अरज करह्, के से आप्णें खेच़ौ लोणों खे हजो धियाड़ूवा-खेच़्यारे डेयाँल़ो।”

लूका 10:1

ईनू सब बातो पाछ़ी प्रभू यीशू ऐ ओके संत्तर चैले च़ूणें-छ़ाँटे, अरह् जैसी-जैसी नंगर, अरह् गाँव दे से आपु ज़ाँणों चहाँव थिऐ, तेथै-तेथै तिनू दो-दो झुणें आप्णें ज़ाँणों शे आगे डियाल़े।

लूका 2:10

तबे स्वर्गदूत्त ऐ तिनखे बुलो, “डरे ने; किन्देंखे के दे:खो, हाँव तुँओं खे बड़े आनन्द-मंजे की खुषख्बरी देंदा आऐ रूवा, जुण्जी सोभी लोगो खे असो,

लूका 2:14

“अस्माँनों दे पंण्मिश्वर के बड़ियाऐं, अरह् धर्ती गाशी तिनू आदमी गाशी जिन शे से खुशी असो, तिनू शाँण्त्ति भेंटली।”

लूका 8:1

तबे प्रभू यीशू नंगर-नंगर अरह् गाँव-गाँव दे रीटियों ब्खाँण कर्दे, अरह् पंण्मिश्वर के राज्य के आच्छ़ी खुष्खबरी शुणाँदें लागे, अरह् तिन के बारह् खास-चैले भे तिन की ही गईलो थिऐ।

यूहन्ना 20:21

प्रभू यीशू ऐ तिनखे हजो बुलो, “तुँओं खे शाँण्त्ति भेंटो! जेष्णाँ बाबा ऐं मुँह डेयाल़ी थुवा; तेष्णें ही हाँव तुँओं भे डेयाल़ू।”

प्रेरितो कै काम 10:36

पंण्मिश्वर ऐं इस्राएलियों खे आप्णा आच्छ़ा शुझ़ा दिता, अरह् यीशू मसीया के जाँणें, जुण्जे सोभी के प्रभू! पंण्मिश्वर असो: तिन कैई ही शाँण्त्ति की खुषख्बरी शुँणाँणों खे दिती।

प्रेरितो कै काम 13:26

“हे भाईयों! बाबा अब्राहम के अलाद, अरह् जुण्जे गऐर यहूदी भगत्त लोग ईथै हाजिर असो; मुँक्त्ति-छ़ूट्कारे खे बचन आँमो सोभी कैई डेयाल़ा गुवा।

प्रेरितो कै काम 22:21

अरह् प्रभू ऐ मुँखे बुलो, ‘आगू ज़ा: किन्देंखे के हाँव ताँव गऐर-यहूदी लोगो कैई दुर-दुर डेयाल़ी देऊँबा।’”

प्रेरितो कै काम 9:15

प्रभू ऐ हनन्याह खे बुलो, “ज़ाओ! से मेरा च़ूणाँ-छ़ाँटा अंदा असो; से गऐर यहूदी, राजाओं अरह् इस्राएलियों के सहाँम्णें मेरे नाँव का प्रचार करला।

रोमियों 1:15

तअ: हाँव तुँओं खे भे जू रोम देश दे रंह्, तिनखे यीशु मसीया की खुषख्बरी शुणाँणों खे तक्मं-तियार असो।

रोमियों 15:20

परह् मेरे मंन के हिछ़या ऐजी असो, के जेथै-जेथै मसीया का नाँव ने लईदा तेथै ज़ाईयों खुषख्बरी शुणाँऊ, ऐशो ने हईयों के ओकी की तल़ी-पह् गाशी घर बंणाँऊ।

इफिसियों 2:17

तिन्ऐं आऐयों तुँऐं लोग जू दुर्के थिऐ, अरह् सेजे लोग जू नंजीक थिऐ, तिनू दुई डूंगों खे शाँन्त्ति की खुषख्बरी शुँणाऐं।

इफिसियों 3:8

मुँखे जू पंण्मिश्वर के लोगो मुँझ्शा सोभी शा छुटा असो, मुँखे ऐजा बरंदाँण भेटी रूआ, के हाँव गऐर यहूदी खे मसीया की अपरंम-पार कृपा के खुषख्बरी शुँणाँऊ;

इफिसियों 6:15

अरह् लातो दे मेल के खुषख्बरी की तैयारी के जूत्ते लाऐयों,

1 पतरस 1:12

तिन कैई शो ऐजो दे:खाव गुओं थियों, के तिनू बातो का बचन का बखाँण कर्दे से आप्णी ने परह् तुँवारी सेवा करह् थिऐ। सेजी बातो स्वर्गो शी भेजी गई पबित्र-आत्त्मा के जाँणें तुँओं खे खुषख्बरी की शिक्शा देणों वाल़े के जाँणें बुली गई थी, अरह् तिनू बातो जाँण्णों खे तअ स्वर्गो के दूत भे तर्शोऐ।