रोमियों 1:4 - Sirmouri

⁴ अरह् पबित्र-आत्त्मा के जाँणें से मरे अंदे मुंझ्शा ऊबे जीऊँणों के जाँणें शक्त्ति आरी पंणमिश्वर का बैटा माँना गुवा।

सिरमौरी नौवाँ नियम

⁴ औरौ पवित्र आत्मा कै अनौखी शौकतै लैई सै मौरेयौंदे मुंजीदा जियुंदी हौणौ की बौजैह शै तियौं शौकतै कै साथै पौरमेशवर का बैटा साबित हौआ औरौ सैजा यीशु मसीह अमारा प्रभु औसौ।

रोमियों 1:4 ပူးပေါင်းရင်းမြစ်များ

मत्ती 4:3

तबे पर्ख्णों वाल़े शैतान नंजीक आऐयों प्रभू यीशू खे बुलो, “जे तू पंणमिश्वर का बैटा असो, तअ अज्ञाँ दे के पाथरो की रोटी बंणी ज़ाँव।”

प्रेरितो कै काम 17:31

किन्देंखे के तिन्ऐ सेजो ऐक देस पाक्को करी थुओं, के जबे बादे आदमी संईसारी का नियाव के रूप दा बिचार करह्; किन्देंखे के पंण्मिश्वर ऐं तेसी आदमी हजों पाछ़ू ऊबा जीऊँदा करियों ईन्दे का परमाँण भे देऐ थुवा।”

प्रेरितो कै काम 2:24

परह् पंण्मिश्वर ऐ, तीनू मंऊँत्ती की बैद्णीं शे छुड़ोऐयों पाछू ऊँबे जियाँल़े; किन्देखे के ऐजो मुँष्किल थियों, के से मंऊँत्ती के बषं दे रंह्दे;

प्रेरितो कै काम 2:32

पंण्मिश्वर ऐ तिन्ही यीशू हजो ऊबे जियाल़े, अरह् आँमें बादे ईयों बातो के गुवाह्-शाज़्त्त असो।

प्रेरितो कै काम 3:15

तुँऐं जीवन देंणों वाल़े माँरी दित्ते; परह् पंण्मिश्वर ऐं तिनू मँरे अँदे मुँझ्शे पाछ़ू ऊँबे जीयाल़े; जिन्दें के आँमें भे गुवाह्-शाज़्त्त असो।

रोमियों 1:3

आप्णे बैटे अमाँरे प्रभू यीशू मसीया के बारे दा बाय्दा करा थिया; के से देह्-शरीर के हिसाब शा तअ राजा दाऊद के बंष दा पय्दा हुवा

2 कुरिन्थियों 13:4

से तिनू कंमजूरी के कारण शुँल़ी-फ़ाँशी तअ चढ़ाऐ तअ गुऐ; तबे भी पंण्मिश्वर की शक्त्ति शे जीऊँदी असो। आँमें भे तिन्दें कंंमजोर असो, परह् पंण्मिश्वर की शक्त्ति शे जू तुँओं खे असो, तिनकी गईलो जींऊँबे।

इब्रानियों 9:14

तअ तबे मसीया को लह्ऊँ जिन्ऐं आपु आप्खे सदा अमर रंहणों वाल़ी आत्त्मा के कारण पंण्मिश्वर के सहाँम्णें नीर-दोष बंल़ीदाँण के रूप दा भेंट कंरियों चड़ाया; तअ तबे तुवाँरी अंन्त्तर आत्त्मा के मँरे अंदे कामों शे से कैई ने शुद्ध कर्दी? जू तुऐं जीऊँदें पंण्मिश्वर के सेंवा करी सको।

1 पतरस 1:11

तिनू ऋषिऐं जू मसीया की पबित्र-आत्त्मा के जाँणें सेजो जाँणों, जू मसीया गाशी दु:ख के बारे दो बुली लो थियों, अरह् सेजी बड़ियाऐ जू तिनू दु:खो पाछी पर्गट हली, तियों पबित्र-आत्त्मा ऐ तिन कैई बुली लो थियों। सेजी बातो ईयों संईसारी दी कद्दी हंदी अरह् तबे ईयों संईसारी को का हंदों।

2 पतरस 1:21

किन्देंखे के कुँऐं भे बरंम्बाणीं आदमी की हिछ़या शी कोद्दी ने हंदी, परह् ऋषी जंण पबित्र-आत्त्मा की जाँणें ऊकसाऐ ज़ाँणों लई पंण्मिश्वर की ढबे शो बुलो।

प्रकाशितवाक्य 1:18

हाँव जीऊँदी असो; हाँव मँरी गुवा थिया, परह् ऐबे देखो, हाँव ज़ूगौ-ज़ूगौ तोड़ी जीऊँदा असो; अरह् मंऊँत्ती अरह् अंधलोक की ताल़ी-कुँन्जी मेरे हंक-अधिकार दी असो।

प्रकाशितवाक्य 19:10

ईन्देंखे हाँव स्वर्गदूत्त खे नंमष्कार कर्णो खे लाँम्बा पसरियों तिनके लातो गाशी पड़ा। तिन्ऐ मुँखे बुलो, “देख, ऐष्णों ने करे, हाँव तेरा अरह् तेरे भाईयों का संगी दास असो, जू प्रभू यीशू की गुवाऐ-शाज़्त्त देंदा संईसारी दा आऐ रूवा। पंण्मिश्वर ही के लातो गाशी पसरियों नमंष्कार करह्;” किन्देंखे के प्रभू यीशू के गुवाऐ-शाज़्त्त ही ऋषियों के आत्त्मा असो।