रोमियों 1:17 - Sirmouri

¹⁷ किन्देंखे के पंणमिश्वर के नंजरी दें लोग बै-कसूर बंणाँऐं गुऐं, यीशू मसीया की खुषख्बरी लई: जू बिश्वाष शी पर्गट हों; जेष्णों लिखी थो, “बिश्वाष शा पंणमिश्वर की नंजरी दा बै-कसूर ज़ण जीऊँदा रंह्दा।”

सिरमौरी नौवाँ नियम

¹⁷ जिथुकै सुसमाचार दा पौरमेशवर लोगौ कै आपणै साथै सोही बौणांव औरौ पूरी तरह शै तिथपांदी भोरोशा कौरणा चैंई; जू शुरु शै आखरी तौड़ी बिशवाश पांदी टिकैयौंदा औसौ: जैशै पवित्र शास्त्र दो लैखै राखौ, “सैजा आदमी जू बिशवाश शै धरमी बौणै रौआ सै जियुंदी रौंदा।”

रोमियों 1:17 ပူးပေါင်းရင်းမြစ်များ

यूहन्ना 3:36

जुण्जा कुँऐ बैटे गाशी बिश्वाष करला, अमर-जीवन तेस्का असो; परह् जुण्जा कुँऐं बैटे गाशी बिश्वाष कंरदा भाजी ज़ाँव, तेसी अमर-जीवन ने भेंट्दी; परह् पंण्मिश्वर का रोंष तेसी गाशी बंणाँ अंदा रंह्दा।”

रोमियों 10:3

से पंणमिश्वर की नंजर दे बै-कसूर बंण्णों खे, जुण्जी बाट पंणमिश्वर बंणाँऐं थऐ, से तियों बाटो दे ने चाल्दे; परह् से आप्णी बाणी अंदी बाटो बाटी ज़ाऐयों से आप्खे पंणमिश्वर की नंजर दे बै-कसूर बंण्णों की खोज दे रंह्, अरह् तिन्ऐं पंणमिश्वर की बंणाऐ अंदी बाट ठुकराऐं दिती।

रोमियों 3:21

परह् ऐबे ऋषी-मूसा खे भेटे गुऐं निय्म के पाल़्ण कर्णो के बिना पंणमिश्वर के नंजरी दें केशे दाँई बै-कसूर बणीं ज़ाँव, हेभी सेजी बात पर्गट हऐ रंऐ, जिन्दें की गुवाऐ-शाज़्त निय्मों अरह् ऋषियों के जाणें देऐ गऐ,

रोमियों 3:22

मतल्व जुण्जे यीशू मसीया गाशी बिश्वाष करह्, सेजे पंणमिश्वर की नंजर दे बै-कसूर असो, तिनू मुँझी किऐ भेद्-भाव ने आथी;

रोमियों 3:3

जे किऐ लोग किऐ बिश्वाष घात्ती निक्ल़े भे तअ का हुओ? कियो तिनके धोखेबाज हंणों के जाँणें पंणमिश्वर बिश्वाष ज़ूगै हंदी ने किऐ?

रोमियों 9:30

तअ: ईन्दें के बारे दो आँमें का बुलो? ईन्दें का जबाब ऐजा असो, के गऐर यहूदियों ऐ जुण्णे पंणमिश्वर की नंजर दे बै-कसूर बंण्णों की खोज दे ने थी; सेजे लोग आप्णें बिश्वाष के जाँणें शे पंणमिश्वर की नंजर दे बेकसूर बंणाँऐं गुऐं।

2 कुरिन्थियों 3:9

किन्देंखे के जबे दुषी बंणाँणों वाल़ा बाय्दा प्रकाषमाँन हों, तअ पंण्मिश्वर की नंजरी दा बै-कसूर बाँण्णों वाल़ा बाय्दा तिन्दें शा भे जादा प्रचंन्ड प्रकाषमाँन हंदी ने?

2 कुरिन्थियों 5:21

जू पाप शा अजाँण्दा थिया, तेसी ही तेने अमाँरी ताँईऐं पापी बंणाँऐया, के आँमें तिन के जाँणें धार्मिक्त्ता बंणी ज़ाँव।

गलातियौं 3:11

परह् ऐजी बात जरूर पर्गट असो, के मूसा खे भेटे गुऐ अज्ञा-निय्म के जाँणें, पंण्मिश्वर कैई कुँऐं धर्मी ने बंणी सक्दा, किन्देंखे के धर्मी आदमी बिश्वाषो लई ही जीऊँदा रंह्दा।

फिलिप्पियों 3:9

अरह् हाँव तिन्दा संमाँऐ ज़ाऊँ, के आप्णी तियों धार्मिक्त्ता आरी, जुण्जी अज्ञाँ-निय्म शी माँनी ज़ाँव; परह् तेसी धार्मिक्त्ता आरी, जुण्जें के मसीया दी बिश्वाष कर्णों के कारण असो; अरह् तेसी बिश्वाष लंई पंण्मिश्वर आँमों आप्णी नंजरी दे धर्मी बंणाँऐ दियों।

इब्रानियों 10:38

मेरा धार्मिकजंण बिश्वाष के कारण जीवन पाँदा: परह् जे से डरियों पाछ़ु फीरो, तअ हाँव तैच्छ़ा खुशी ने रंह्दी।”