रोमियों 1:13 - Sirmouri

¹³ हे भाऐ बंईणों, हाँव ने चहाँदा के तुँऐं ईन्दें अंण-जाँण रंह्, के मुँऐं बार-बार तुँओं कैई आँणों चहाँव, के जेष्णें ओके गऐर यहूदी मुझ़ शी बिश्वाष दे लोग आऐं, तेष्णें ही तुँओं मुझ़ शी भे लोग बिश्वाष दे आऐ चैईं थिऐ। परह् हेभी तोड़ी मुँह रूका गुवा।

सिरमौरी नौवाँ नियम

¹³ औरौ ओए रै बिशवाशी भाईयों, हांव चोऊं कै तुऐं जाणै पाव कै मोऐं बार-बार तोंवारै धोरे आणौ चोऊ, कै जैशैकै मोऐं ओकी बैगानै यहूदी लोगौ कै यीशु मसीह कै शिक्षा पांदी चालणौ वाल़ै बाणै। तैशैखैई तुऔं मुंजी बै बाणु, पौरौ इबी तौड़ी बै इन्दै रुकावट ही पौड़ै रौए।

रोमियों 1:13 ပူးပေါင်းရင်းမြစ်များ

यूहन्ना 12:24

हाँव तुँओं खे ऐक खास बात बुलू, के जाँव तोड़ी गींऊँ का दाँणा जींम्मी दा पड़ियों मँरी-शड़ी ने ज़ाँदा, ताँव-तोड़ी से ऐक्ली ही रंह्; परह् जबे से मँरी-शंड़ी ज़ाँव, तअ तबे सेजा दाँणा हजो ऊँबा जाँमियों आपु दे फल़ियों बैजाऐ दाँणें फल़ आँणों।

यूहन्ना 15:16

तुँऐं मुँह ने चूणीं-छ़ाँटी थंई, परह् मुँऐं तुँओं चूणी-छाँटी थुऐ; अरह् तुँओं पाक्कै ठाली थुऐ, के तुँऐं संईसारी दे ज़ाऐयों फल़ आँणों; अरह् तुवाँरा फ़ल़ ऐशा हुवा चैई, जुण्जा पाक्का बंणाँ अंदा रंह्; जिन्दें लंई तुऐं मेरे नाँव शो जुण्जो किऐ माँगों, सेजो बाबा तुओं खे देऐ दियों।”

यूहन्ना 4:36

शाख्ह सह्लाणों वाल़े खे धियाड़ी भेट्‍दी, अरह् से सदा के अमर-जीवन खे शाख्ह सलाँव, परह् जैने शाख्ह कंट्ठी कराऐ लंऐ, सेजा जींम्दार बोंणों वाल़ा, अरह् शाख्ह सह्लाणों वाल़ा, ऐजे दुईन्नें मीलियों खुशी-आनन्द मंनाँव।

प्रेरितो कै काम 1:15

ऐक देस, जबे के ऐक षौ, बींष बिश्वाषी भाऐ-बंईणों के लग-भग लोग कंट्ठै थिऐ; तअ संत्त-पतरस तिनू सोभी के बीच दे खह्ड़े हंऐयों बुल्दे लागे।

प्रेरितो कै काम 14:27

तेथै पंह्ऊँचियों तिन्ऐं कलीसिया के ऐक खुम्ल़ी बंईठाल़ी, अरह् बुलो; के पंण्मिश्वर ऐं तिनके जाँणें का-का करो, अरह् केष्णें तिन्ऐं गऐर-यहूदियों खे बिश्वाष का दुवार खुलो।

प्रेरितो कै काम 15:12

जबे बादी खुम्ल़ी के लोग चुप-चाँण संत्त-बरनबास अरह् संत्त-पौलुस की बातो शुँण्दे लागे, के पंण्मिश्वर ऐ तिनके जाँणें गऐर-यहूदी मुँझी कैष्णें-कैष्णें बड़े चींह्न-चंम्त्तकार अरह् नोंखे-नोंखे काँम-काज़ देखाऐ थुऐ।

प्रेरितो कै काम 19:21

ईयों घट्णाँ हंणों पाछ़ी, संत्त-पौलुस ऐ आप्णे मंन दो सुचो, के हाँव मकीदुनिया अरह् अखाया बाटी यरूशलेम खे जाँऊ; तबे तेने ऐजा बिचार करा, अरह् “तेथै ज़ाऐयों मुँह रोम के भे देख-रेख कर्णी भे जरूरी असो।”

प्रेरितो कै काम 21:19

संत्त-पौलुस ऐं तिनखे नमंष्कार करा, अरह् पंण्मिश्वर ऐ तिनके सेवा के काँम-काज़ लंई गऐर-यहूदियों के बीच जुण्जो किऐ कोरो थियों, सेजो सब-कुछ बारी-बारी शो तिन कैई बुलो थियों।

प्रेरितो कै काम 28:14

तेथै अमाँरी बिश्वाषी भाऐ-बंईणों आरी भेंट हंऐ, अरह् आँमें तेथै तिनके ढंह्लयाँणों लई, सात्त देसो तोड़ी, तिनकी गंईलो रूऐ; अरह् ऐसी हाल्त्त आरी आँमें आखिरकार रोम नंगर दे पंह्ऊँचीं ही गुऐ।

रोमियों 1:12

मतल्व ऐजा के जबे हाँव तुँआरे बिचो दा रंऊबा, तअ आँमें तेसी बिश्वाष के जाँणें, जू मुँदा अरह् तुँओं दा असो, ओका ओकी ऊक्सादा रंह्।

रोमियों 11:25

हे भाऐ बंईणों, कद्दी ऐशो ने हईयों, के तुँऐं आपु खे बद्धीमाँन जाँणों; ईन्देंखे हाँव ने चहाँदा के तुँऐं ऐसी राज भेद् शे अजाँण्दे ने रंह्, के जबे गऐर यहूदी पुरी रित्ती शे ने आऐ ज़ाँव, ताँव-तोड़ी इस्राएल का ऐक हिस्सा ऐष्णा ही कुठूर रंह्दा।

रोमियों 7:1

हे भाऐ बंईणों, कियों तुँऐं जाँण्दे ने (हाँव ऋषी-मूसा खे भेटे गुऐ निय्म जाँण्णों वाल़ें खे बुलू) के जाँव तोड़ी आदमी जीऊँदा रंह्, ताँव-तोड़ी से निय्म दा बंधण रंह्?

1 कुरिन्थियों 1:10

हे मेरे भाऐ बंईणों, हाँव तुँओं शी अमाँरे प्रभू यीशू मसीया के नाँव शी ढाल-अरज करू, के तुँओं मुझी फुट् ने पड़ो, तुऐं ऐक ही मंन अरह् ऐक ही बात अरह् ऐक ही मत्त दे मिली-झुलियों रंह्।

1 कुरिन्थियों 10:1

हे भाऐ बंईणों, हाँव ऐजो चहाँऊ, के तुँऐं ईयों बातो शे अंण-जाँण ने रंह्, के अमाँरे सब नाना-बाबा बाद्ल़ो थाई थिऐ, अरह् बादे के बादे संमुन्द्रो के बिचै-बिच प्रभू की कृपा शे पाईले ढबे पह्ऐची गुवे थिऐ।

1 कुरिन्थियों 12:1

हे भाऐ-बंईणों, हाँव चहाँऊ, के तुँऐं पबित्र-आत्त्मा के बर्दांनों के बारे दे अंण-जाँण ने रंह्।

1 कुरिन्थियों 14:20

हे भाईयों-बंईणों, तुऐं सम्झदे बालक ने बंणें, बुराई खे तअ बालक बंणों परह् संम्झदें ठग्ड़े बंणों।

1 कुरिन्थियों 14:26

ईन्देंखे हे भाऐ बंईणों, का कर्णो पड़ो? के जबे तुँऐं कठे हों, तअ ऐकी नाँमों के मंन दा भजन के शिक्क्षा, के प्रकाष के अंण-जाँण भाषा, अरह् अंण-जाँण भाषा का मतल्व सम्झाँदा रंह्। सब-कुछ कलीसिया की आत्त्मिक बड़ोत्री खे हुओ चेंई।

1 कुरिन्थियों 9:2

जे हाँव ओकी खे प्रभू यीशू का खास-चैला ने आथी, तबे भे हाँव तुँओं खे तअ जरूर असो; किन्देंखे के तुँऐं प्रभू खे तिन्दें का सबुत असो।

2 कुरिन्थियों 1:8

हे भाऐ बंईणों, आँमें ने चहाँदें के तुँऐं अमाँरे तेसी दु:ख-कल़ैष शे अजाँण्दें रंह्, जू आसिया ईलाके दा आँमों गाशी पड़ा; आँमें ऐशे बड़े भारी बोझ़ थाँई दबी गुऐ थिऐ, जू अमाँरे बष का ने थी, ऐतै ज़ुगा के आँमें आप्णों तारी पाओ थियों, अरह् आँमें तबै जीऊँणों के आश भे छ़ुड़ी पाऐ थी।

2 कुरिन्थियों 2:14

परह् पंण्मिश्वर का धन्यबाद हों, जू मसीया दी सदा आँमों खे जय की खुशी दे नियों फिरह्, अरह् आप्णें ज्ञाँन की खुष्बू अमाँरे जाँणें ढिक्को हर जागे दी फईलाऐ दियो।

गलातियौं 3:15

हे भाऐ बंईणों, ऐबे मुँऐं तुँओं खे रूज मंरा के जीवन शा ऐक उदारण देऐ लुवा; दे:खो, जेष्णाँ आदमी आरी बाय्दा करा भे गुवा; तिन्दें मुँझ्शो ना तअ किऐ घटाव ज़ाँदो, अरह् ना तिन्दो किऐ बड़ाव ज़ादो;

गलातियौं 6:18

हे भाऐ बंईणों, अमाँरे प्रभू यीशू मसीया के कृपा तुँवारी आत्त्मा आरी रंह्। आमीन “ऐष्णों ही हुओं चेंई।”

फिलिप्पियों 1:22

परह् जे देह्-शरीर दो जीऊँदो रंहणों ही मेरी काँम-काज़ खे फाय्दे बंद असो, तअ हाँव ने जाँण्दा के का चूणु अरह् का छ़ाँटू।

फिलिप्पियों 4:17

ऐजो ने के हाँव दाँण चहाँऊ, परह् हाँव ऐशा फल़ चहाऊँ; जुण्जा तुवाँरे फाय्दे खे बढ़दा ज़ाओं।

कुलुस्सियों 1:10

जू तुवाँरा चाल-चल़्ण प्रभू ज़ूगा हों, अरह् से हर तरेह् शे खुशी हों; अरह् तुँओं दे हर किस्म के भले काँम का फल़ लागो, अरह् पंण्मिश्वर के पछ़याण दे बढ़्दे ज़ाँव।

कुलुस्सियों 1:6

जू तुँओं कैई पऐची रूआ, अरह् जेष्णाँ संईसारी दा भे फल़ लेआँव अरह् से बढ़दा ज़ाँव, तेष्णा ही जेस देसो शे तुँऐं तेसी बचन शुँणा अरह् सच्चाई शी पंण्मिश्वर की कृपा जाँणी, अरह् सोत्तिखे सम्झ़ी पाऐ।

1 थिस्सलुनीकियों 2:18

ईन्देंखे आँमें (मतल्व मुँऐ पौलुस ऐ) ऐकी बई ने परह् दू बई तुँओं कैई आँणों चहाँव, परह् शैतान आँमों रूकदा रूआ।

1 थिस्सलुनीकियों 4:13

हे भाऐ-बंईणों, आँमें ने चहाँदें के तुँऐं तिनके बारे दे जुण्जे मँरी रूऐ, तिन्दे के बारे दे अजाँण्दे रंह्; जू कद्दी ऐशो ने हईयों के तुँऐं तिनू ओकी जेष्णाँ शोग पाल़ो जिनके प्रभू दा भोर्षा ने आथी।

2 थिस्सलुनीकियों 2:7

किन्देंखे के अधर्म का भैंद् हेभी भे काँम-काज़ करदा रंह्, परह् हेभी ऐक रूकणों वाल़ा असो; अरह् जाँव तोड़ी से दुरका ने हंऐ ज़ाँव, ताँव तोड़ी से रूकियों थंदा।

2 तीमुथियुस 4:17

परह् प्रभू मेरे मंद्दत्तगार रूऐ, अरह् मुँखें शँक्त्ति दिती, जू मेरी जाँणें खुषख्बरी का पुरा-पुरा प्रचार हों, अरह् बादे गऐर यहूदी लोग शुँणीं पाँव; अरह मुँह सीयों के ज़ात्ती शा जिया छ़ुडाया गुवा।